28
მარტიდღის ზოგადი ასტროლოგიური პროგნოზი
ცნობილ ფრანგ მსახიობ ჟერარ დეპარდიეს მორდოვეთის მთავრობამ რესპუბლიკის კულტურის მინისტრობა შესთავაზა. ახლახან, მსახიობმა ვლადიმერ პუტინისგან რუსეთი მოქალაქეობა მიიღო და ქვეყნის პრეზიდენტთან შესახვედრად სოჭშიც კი ჩაფრინდა.
"დეპარდიეს კულტურის მინისტრის პოსტი შესთავაზეს. მათ ვაკანსია აქვთ. მან მადლობა გადაიხადა და თქვა, რომ მსოფლიო კულტურის მინისტრია",- განაცხადა რადიოსადგურ "Русская служба новостей"-ის ეთერში Госфильмофонд-ის ხელმძღვანელმა ნიკოლაი ბოროდაჩევმა. კვირას დეპარდიე რესპუბლიკას სტუმრობდა.
ადმინისტრაციის წარმომადგენელის თქმით, მას პირდაპირი უარი არ უთქვამს, მხოლოდ აღნიშნა, რომ გადაწყვეტილების მიღებას მორდოვეთის ცხოვრების წესისა და კულტურის გაცნობის შემდეგ შეძლებს.
ფრანგი მსახიობი მორდოვეთში Госфильмофонд-ის ხელმძღვანელის, ნიკოლაი ბოროდაჩევის მიწვევით ჩავიდა. Госфильмофонд-ის ხელმძღვანელი წარმომავლობით სწორედ მორდოვეთიდანაა.
ბოროდაჩევის თქმით, დეპარდიე სარანსკში უკვე ჩაწერილია, ხოლო რესპუბლიკის ლიდერმა, ვლადიმირ ვოლკოვმა მისთვის ბინის და სახლის ჩუქების სურვილი უკვე გამოთქვა.
ვლადიმერ პუტინმა ფრანგ მსახიობს რუსეთის მოქალაქეობა სამი დღის წინ მიანიჭა. ჟერარ დეპარდიემ საფრანგეთის ახალი პრეზიდენტის, ფრანსუა ოლანდის საგადასახადო რეფორმების გამო უკმაყოფილება გამოთქვა და საცხოვრებლის და ფრანგული პასპორტის ჩაბარება გადაწყვიტა.
მომზადებულია Русская служба новостей-ის მიხედვით.
