28
მარტიდღის ზოგადი ასტროლოგიური პროგნოზი
ტელეჟურნალისტმა მარინა სალუქვაძემ და მუსიკოსმა ზაზა მარჯანიშვილმა ბარ-რესტორან "ზაზანოვაში" ხელი მოაწერეს. რესტორნის პრეზენტაციის დროს მარინა სალუქვაძე მოულოდნელად სცენაზე ავიდა, საზოგადოებას მადლობა გადაუხადა ყურადღებისთვის და განაცხადა, რომ ზაზა მარჯანიშვილთან თანაცხოვრების 2 წლის შემდეგ ხელს იქვე მოაწერდა.
სამოქალაქო რეესტრის წარმომადგენელმა ოფიციალური ცერემონია ჩაატარა და ქორწინების მოწმობის საბუთზე ხელი მარინამ და ზაზამ ათ მეჯვარესთან ერთად მოაწერეს. მეჯვარეთა შორის იყვნენ მომღერალი მაია ბარათაშვილი, რუსთავი 2-ის პროდიუსერი გიორგი ხაბურძანია და მუსიკოსი ნიკა რაჭველი.
წვეულების კიდევ ერთი სიურპრიზი "ზაზანოვაში" დიპლომატიური კორპუსის გამოჩენა იყო, ხელის მოწერა მარინასა და ზაზას საფრანგეთის საელჩოს წარმომადგენლებმა, აშშ-ის ელჩმა რიჩარდ ნორლანდმა და ბრაზილიის ელჩმა კარლოს ალბერტო ლოპეს ასფორამ მიულოცეს.
ამაღლებული განწყობის პიკზე ბრაზილიის ელჩმა უჩვეულო ინიციატივა გამოიჩინა, მოულოდნელად სცენაზე ავიდა და მაია ბარათაშვილთან ერთად ბრაზილიური სამბა შეასრულა.
მარინა სალუქვაძე: "ზაზანოვა" ჯერ ვაკეში გავხსენით, მაგრამ უსინდისო ადამიანებმა პრობლემები შეგვიქმნეს. მეგობრებს გარკვეული სიურპრიზიც დავახვედრეთ. ჩემი და ზაზას ქორწინებიდან 2 წლის თავზე ხელის მოწერაც გადავწყვიტრეთ. ბედნიერი ვარ, რომ ასეთი ლამაზი დღესასწაული გამოვიდა".
თავდაპირველად რესტორანი "ზაზანოვა" ირაკლი აბაშიძის ქუჩაზე გაიხსნა, თუმცა უცხოელმა პარტნიორებმა სარესტორნო საქმის აწყობის შემდეგ, ზაზა და მარინა დაითხოვეს, რის გამოც ზაზა მარჯანიშვილმა და მარინა სალუქვაძემ სარჩელი სასამართლოში შეიტანეს.
ზაზა მარჯანიშვილი: "ცუდი პერიოდი უკვე გავიარეთ, დღეს უკვე ჯაზისა და თბილისური საღამოების მოყვარულებს ახალი "ზაზანოვა" წარვუდგინეთ, სადაც ნებისმიერ ადამიანს გამოფენების პარალელურად გემოვნებიანი მუსიკაც დახვდება".
როგორც სახელდახელო ქორწილის სტუმრებმა აღნიშნეს, მარინა სალუქვაძეს საქორწინო ცერემონიებში ბედი აქვს. პირველ ქორწინების ცერემონიას დიდი ბრიტანეთის პრემიერ-მინისტრი, მარგარეტ ტეტჩერი დაესწრო. ზაზასთან საქორწინო ცერემონიას კი დიპლომატიური კორპუსი და მაღალი საზოგადოება არ დაჰკლებია.
"ზაზანოვაში" ცოცხალი ბენდი დიდხანს უკრავდა. ჯაზურ კომპოზიციებს კი მაია ბარათაშვილი ასრულებდა.
გიორგი ბერიძე
