28
მარტიდღის ზოგადი ასტროლოგიური პროგნოზი
კოსტუმები ფილმებში საკუთარ როლს თამაშობენ - ეფექტური სამოსი დიდ ეკრანზე "თვალს არანაკლებ ჭრის", ვიდრე მსახიობის ტალანტი. ლონდონის ვიქტორიასა და ალბერტის მუზეუმში კინოს ისტორიაში ყველაზე შთამბეჭდავი კოსტუმების გამოფენა გაიხსნა. ექსპონატთა შორის მოხვდა ოდრი ჰეპბერნის ლეგენდარული შავი კაბა, ჯონი დეპის მეკობრის კოსტუმი და ჯუდი ჰარლენდის კუბოკრული უსახელო კაბა ფილმიდან "ჯადოქარი ოზების ქვეყნიდან".
მუზეუმში ასობით კოსტუმი ინახება. ზოგიერთი მათგანის წყალობით ავტორებმა "კოსტუმების საუკეთესო დიზაინის" შექმნისთვის "ოსკარებიც" მიიღეს.
ჰოლივუდის ყველაზე ნიჭიერ კოსტუმერად ედიტ ჰედს მიიჩნევენ, რომელიც ამჟამად 83 წლისაა. ხანგრძლივი კარიერის მანძილზე მან 8 "ოსკარი" მოიპოვა (უფრო მეტი, ვიდრე სხვა ნებისმიერმა ქალმა ისტორიაში), ნომინანტის სახით კი პრემიაზე 35-ჯერ იყო წარდგენილი.
1. ოდრი ჰეპბერნი "საუზმე ტიფანისთან". 2. ელიზაბეტ ტეილორი "კლეოპატრა"
3. ვივიენ ლი "ქარწაღებულნი"
4. შერონ სტოუნი "ძირითადი ინსტინქტი"
5. მერლინ მონრო "ჯაზში მხოლოდ ქალიშვილები არიან"
6. ქეით უინსლეტი "ტიტანიკი"
7. კირა ნაიტლი "გამოსყიდვა"
8. კეიტ ბლანშეტი "ოქროს საუკუნე"
9. ჯუდი ჰარლენდი "ჯადოქარი ოზების ქვეყნიდან"
10. ჯონი დეპი "კარიბის ზღვის მეკობრეები"
მომზადებულია tatler.ru-ს მიხედვით.
