მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ევა ლონგორიამ ერთ საღამოზე 9 კაბა გამოიცვალა
02:04 / 19-09-2012
ცნობილმა ლათინო-ამერიკელმა მსახიობმა, ევა ლონგორიამ საკუთარი ჩაცმულობით American Latino Media Arts-ის დაჯილდოების ყველა სტუმარი გააოცა. ვარსკვლავმა საღამოს განმავლობაში 9 კაბა გამოიცვალა.
თავდაპირველად წითელ ხალიჩაზე პოზირებისთვის ევამ უპირატესობა შავ, გლამურულ ჩახსნილ კაბას მიანიჭა. მოგვიანებით მსახიობი სცენაზე შავი, თუმცა ამჯერად ბევრად უფრო ღია და სექსუალური კაბით გამოვიდა, რომელსაც თეძოების ადგილას გამჭვირვალე ბადე ჰქონდა ჩადგმული. კაბა ყურადღებას იქცევდა ღრმა დეკოლტითაც.
მესამე შავი კაბა ევას უკვე სცენაზე გამოსვლის დროს ეცვა. მსახიობმა მოკლე სიტყვა წარმოთქვა. მოგვიანებით ვარსკვლავი სცენაზე კიდევ ერთხელ გამოვიდა, თუმცა ამჯერად უკვე უკან შეკრული თმითა და ნარინჯისფერი მჭიდრო კაბით.
ევას მეხუთე კაბა წითელი ფერის იყო. გრძელი, ელეგანტური, საღამოს კაბა ტრაპეციის სტილის დეკოლტით და ღია მხრებით, ევამ სიტყვით მესამე გამოსვლისას ჩაიცვა. მსახიობს თმა ისევ გაშლილი ჰქონდა.
"ოქროს ევა" ასე უწოდეს იმავე საღამოზე ლონგორიას მე-6 იმიჯს. ოქროსფერი მჭიდრო კაბა ყურადღებას ორი ღრმა ჭრილით იქცევდა. მსახიობს თმა აწეული ჰქონდა.
ევას მე-7 გამოჩენა არაფრით ჩამოუვარდებოდა მის წინამორბედებს. მოშიშვლებულ მხრებიანი კაბა მსახიობს ძალიან მოუხდა. ამ კაბისთვის ევამ განსაკუთრებული თმის ვარცხნილობაც შეარჩია. მსახიობს რამდენიმე წუთის წინ გასწორებული თმა ამჯერად დახვეული ჰქონდა.
ევას მერვე გამოჩენას დარბაზი ხმამაღალი ოვაციებით შეხვდა. მსახიობს სცენაზე პალ ჯორჯი შეუერთდა. ამჯერად ლათინო-ამერიკელ მსახიობს თეთრი მჭიდრო კაბა ეცვა. თმა კი ისევ შეკრული ჰქონდა.
საღამოს ბოლოს ევამ კიდევ ერთხელ გამოიცვალა და American Latino Media Arts-ის დაჯილდოებაზე ბოლო სიტყვით გამოსვლისას ნაცრისფერი კაბა მოირგო. კაბის შიდა ნაწილი მოკლე იყო, სამოსის მეორე ფენა კი გამჭვირვალე.
მომზადებულია The Sun-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
