მნიშვნელოვანი ინფორმაცია
22
აპრილიდღის ზოგადი ასტროლოგიური პროგნოზი
სამშაბათი, მთვარის ოცდამეოთხე დღე დაიწყება 04:49-ზე, მთვარე მერწყულშია
დღეს კარგია ახალი, მნიშვნელოვანი საქმეების დაწყება. ფინანსური საკითხების მოგვარება, ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. გადადეთ ოპერაციები სახსრებზე, ბრმა ნაწლავზე, პროცედურები ფეხებზე, ნერვულ სისტემაზე. კარგი დღეა დასვენებისთვის, შიმშილისთვის. მოერიდეთ ალკოჰოლურ სასმელს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“ამისთანა სისულელე არ გამიგია..." - რა ხდება პარლამენტის დროებით საგამოძიებო კომისიის სხდომაზე, სადაც კითხვებს გრიგოლ ვაშაძე პასუხებს
13:14 / 26-03-2025
“ამისთანა სისულელე არ გამიგია არც პრეზიდენტისგან, არც ადმინისტრაციის სხვა წევრისგან“, - ასე უპასუხა ყოფილმა საგარეო საქმეთა მინისტრმა გრიგოლ ვაშაძემ “ნაციონალური მოძრაობის“ ხელისუფლების საქმიანობის შემსწავლელი დროებითი საგამოძიებო კომისიის თავმჯდომარის, თეა წულუკიანის კითხვას, რომელიც მესამე პრეზიდენტის, მიხეილ სააკაშვილის მიერ ოკუპირებულ ცხინვალთან დაკავშირებით გაკეთებულ განცხადებას შეეხებოდა.
- თავის მხრივ, როგორც წულუკიანმა კითხვის დასმის დროს აღნიშნა, გრიგოლ ვაშაძე მისი გამოცდილებიდან გამომდინარე, “როგორც ჩანს, ყველაფერში იყო ჩართული პრეზიდენტის მიერ“.
“სანამ თქვენ შემობრძანდებოდით, მოვუსმინეთ 2004-2007 წლებში შიდა ქართლში პრეზიდენტის სახელმწიფო რწმუნებულს, მიხეილ ქარელს. მან თქვა, რომ სააკაშვილი მის კაბინეტშიც, როდესაც შეხვედრები იმართებოდა, ამბობდა, რომ ორ დიდ სახელმწიფოსთან არის შეთანხმებული ის, რომ ჩვენ ცხინვალი ძალისმიერი მეთოდით დავიბრუნოთ. მან სააკაშვილის ციტატა მოიყვანა, რომ “ამერიკელები მიხედავენ რუსებს“. ყველას მინდა შევახსენო, რომ ის იმავდროულად მთავარსარდალიც იყო. თქვენ დავითაიას კომისიის წინაშე ბრძანეთ, რომ მე ყველაფერში ვიყავი ჩართული, მიუხედავად იმისა, რომ იმ დროს მინისტრის მოადგილე იყავით. მანამდეც იყავით მინისტრის მოადგილე და თქვენი გამოცდილებიდან გამომდინარე, როგორც ჩანს, ყველაფერში იყავით ჩართული პრეზიდენტის მიერ. თქვენთანაც ხომ არ აქვს ეს ნათქვამი და რას გულისხმობს ის, რომ ამერიკელები მიხედავენ რუსეთს? რომ მე ავიყვან ჩემს ჯარს და შევიყვან ცხინვალში?“, - აღნიშნა წულუკიანმა.
აღნიშნულ კითხვაზე პასუხის გაცემისას, გრიგოლ ვაშაძემ აღნიშნა, რომ ის “თავს იკავებს იმ სიტყვების გამოყენებისგან, რისი გამოყენებას სურს“.
“ამ კომისიას ვცემ პატივს, ამიტომ არ გამოვიყენებ იმ სიტყვებს, რა სიტყვებიც გამოყენებაც მინდა. ამისთანა სისულელე არ გამიგია არც პრეზიდენტისგან, არც ადმინისტრაციის სხვა წევრისგან“, - განაცხადა გრიგოლ ვაშაძემ.
მანამდე გრიგოლ ვაშაძემ განაცხადა, რომ საზღვარგარეთ გეგმავდა გაფრენას, თუმცა ისე დაემუქრა კომისიის სამდივნოს თანამშრომელი, რომ სხვა გზა არ დაუტოვა.
“შეხვედრები მქონდა დანიშნული საზღვარგარეთ და ვერ გავფრინდი - ისე დამემუქრა თქვენი სამდივნოს თანამშრომელი, გადავწყვიტე, პრობლემები არ შემექმნა“,- მიმართა “2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელ“ პარლამენტის დროებით საგამოძიებო კომისიას, გამოკითხვაზე მყოფმა გრიგოლ ვაშაძემ.
- მან კომისიას სთხოვა, გამოკითხვაზე დაბარების შესახებ გაფრთხილებისთვის, სხდომამდე განკუთვნილი 2-დღიანი ვადა 1-კვირამდე გადაწიონ, რაზეც კომისიის თავმჯდომარემ, თეა წულუკიანმა უთხრა, რომ ეს შესაძლებელია და მომავალში გაითვალისწინებენ.
“დღეს უნდა გავფრენილიყავი, მაგრამ ისე დამემუქრა თქვენი სამდივნოს თანამშრომელი, გადავწყვიტე, პრობლემები არ შემექმნა. თხოვნა მაქვს, 2 დღით ადრე გაფრთხილება, 1 კვირით მაინც გადაიტანოთ, რადგან ყველაფერი ხდება, ხომ იცით, ადამიანის ცხოვრებაში. შეხვედრები მქონდა დანიშნული საზღვარგარეთ და ვერ გავფრინდი“, - განაცხადა ვაშაძემ.
გარდა ამისა, ვაშაძემ სხდომაზე უპასუხა წულუკიანის კითხვას, საგარეო საქმეთა მინისტრად დანიშვნის შემდეგ რუსეთის მოქალაქეობაზე უარის თქმის თაობაზე და განმარტა, როდის და რატომ მიიღო ეს გადაწყვეტილება. მისი თქმით, მოქალაქეობის დატოვების შესახებ შეტყობინება 2009 წლის იანვარში გაგზავნა.
“2009 წელს გავაგზავნე მოთხოვნა და დასჭირდა 11 თვე ამის განხილვას და შეტყობინებას, რომ რუსეთის ფედერაცია თანხმდება, ჩემი ნებით დავტოვო მათი მოქალაქეობა“, - განაცხადა გრიგოლ ვაშაძემ.
რაც შეეხება კითხვას, იყო თუ არა განხილვის თემა ის უხერხულობა, რასაც ოკუპირებული საქართველოს საგარეო საქმეთა მინისტრად რუსეთის მოქალაქის დანიშვნის ფაქტი შეიცავდა, ვაშაძემ დადებითად უპასუხა.
“ეს თემა განხილული იყო პრეზიდენტთან და შევთანხმდით, როგორც კი საჭირო მომენტი დადგებოდა, მოქალაქეობაზე უარს ვიტყოდი, თუმცა, გამომდინარე იქიდან, რომ უამრავ ადამიანთან, ვინც რუსეთის ფედერაციაში საგარეო საქმეთა სამინისტროში იყო, ან ვსწავლობდი, ან ვმუშაობდი, შევხედავდით, შეიძლებოდა თუ არა ამ რესურსის გამოყენება. ვიცოდით, რომ ომის შემდეგ, ადრე თუ გვიან რაღაც კონტაქტები დაგვჭირდებოდა. ეს ხელს არ უშლიდა ნამდვილად, თუ ხელს არ უწყობდა. თუმცა, როდესაც დავრწმუნდით, 2009 წლის 30 იანვარს, რომ ეს არაფერში გამოგვადგებოდა, დავწერე განცხადება, გადავეცი შვეიცარიის საელჩოს რუსეთის ფედერაციის ინტერესების სექციას და 11 თვის თავზე, დეკემბრის ბოლოს მოვიდა პასუხი“, - განაცხადა გრიგოლ ვაშაძემ.
იხილეთ ასევე:
- “ის ფსიქიკურად ავადმყოფია და დღესაც საშიშია - მქონდა განცდა, რომ წინა ცხოვრებაში, ჰიტლერის თანაშემწე ვიყავი“ - მიხეილ ქარელი სააკაშვილზე
- “რატომ არ გააფრთხილეს მოსალოდნელი ომის შესახებ მოსახლეობა, რომელიც მახეში აღმოჩნდა?“ - წულუკიანის შეკითხვა და გრიგოლ ვაშაძის განმარტება 2008 წლის აგვისტოს ომთან დაკავშირებით
- “იმაზე ნუ დაიფიცებთ, რომ სააკაშვილს თავში ეს არ მოსვლია“ - თეა წულუკიანი გრიგოლ ვაშაძეს
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
