28
მარტიდღის ზოგადი ასტროლოგიური პროგნოზი
თბილისელები ხვალიდან მუნიციპალურ ტრანსპორტში ახალი ფასდაკლების სისტემით ისარგებლებენ.
როგორც "ინტერპრესნიუსს" თბილისის მერიიდან აცნობეს, ყველა იმ მგზავრს, რომელიც საზოგადოებრივ ტრანსპორტში, მგზავრობის ღირებულების ელექტრონული ბარათით გადახდისას "მეტრომანით" სარგებლობს, შესაძლებლობა აქვს მუნიციპალურ ტრანსპორტში, პირველი მგზავრობის საფასური 50 თეთრი გადაიხდოს და საათნახევრის განმავლობაში, მეტროსა და ავტობუსში, სხვა მარშრუტზე გადაჯდომისას უფასოდ იმგზავროს.
ახალი ფასდაკლების სისტემა, ასევე ვრცელდება ყველა იმ კატეგორიის მგზავრზე, რომელიც სხვადასხვა სახის შეღავათებით უკვე სარგებლობენ (პენსიონერები, სტუდენტები, პედაგოგები, სოცილურად დაუცველები). მათი რიცხვი თბილისში 600 000-ია.
"ფასდაკლების აღნიშნული სისტემა აპრობირებულია ევროპის ბევრ ქვეყანაში და მნიშვნელოვანია ყველა იმ მგზავრისთვის, ვინც რეგულარულად სარგებლობს საზოგადოებრივი ტრანსპორტით", - აცხადებენ მერიაში.
მერიამ მეტროსა და ავტობუსში მგზავრობისას, ახალი ფასდაკების სისტემის შესახებ ინფორმაცია, მოსახლეობას ერთი კვირის წინ გააცნო. აღნიშნული სიახლე ვებ-ვერდზე www.chemitbilisi.com განთავსდა და 5 დღის განმავლობაში თბილისელებს შესაძებლობა ჰქონდათ ახალი ინიციატივისთვის მხარი დაეჭირათ.
მერიაში აცხადებენ, რომ ვებგვერდზე განთავსებულმა იდეამ, ხმათა საჭირო რაოდენობაზე მეტი მოიპოვა და იგი განხორციელდა.
