მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჭაბუა ამირეჯიბის "გორა მბორგალი" - 5 ფაქტი რომანზე, რომელიც უნდა იცოდე!
13:18 / 31-03-2025
ჭაბუა ამირეჯიბის შემოქმედება უკვე მრავალი წელია, რაც ქართულ ლიტერატურაში ღრმა ადამიანურ და ეროვნული თემების გამოხატულებად მიიჩნევა. მისი ნაწარმოებები არამხოლოდ მხატვრულად მაღალ დონეზეა შექმნილი, არამედ ისტორიული ჭრილშიც უდიდეს მნიშვნელობას ატარებს. სწორედ ასეთია მისი ავტობიოგრაფიული რომანი — „გორა მბორგალი“, რომელიც 1984-1994 წლებში შეიქმნა და 1996 წელს გამოიცა. ის მწერლის მეორე რომანია და ქართულ ლიტერატურაში განსაკუთრებულ ადგილს იკავებს.
"გორა მბორგალი" მოგვითხრობს იაგორ კარგარეთელის — იგივე გორა მბორგალის — თავგადასავალს, რომელსაც საბჭოთა ხელისუფლება "ხალხის მტრად" აცხადებს. ეს არის არამხოლოდ კონკრეტული ადამიანის, არამედ მთელი თაობის ტკივილის, გმირობისა და თავისუფლებისკენ ლტოლვის ამბავი. ის რომანი, სადაც ფაქტობრივი რეალობა შერწყმულია მხატვრულ ხედვასთან, და სადაც თითქმის ყველა პერსონაჟი რეალურ ისტორიაზეა დაფუძნებული.
ფაქტი#1. გორა მბორგალის გმირი ჭაბუას ცხოვრების პირად გამოცდილებაზეა შექმნილი
რომანის მთავარი გმირი იაგორ კარგარეთელი, იგივე გორა მბორგალი, მწერლის ალტერ ეგოა. ის პირდაპირ გამოხატავს ჭაბუა ამირეჯიბის პირად ცხოვრებასა და სატანჯველს – მათ შორის, საბჭოთა რეჟიმის მიერ ხალხის მტრად შერაცხილ დაპატიმრებასა და არაერთ ცდას, თავი დაეღწია ტყვეობისთვის.
ფაქტი #2. პატიმრობისა და გაქცევის რეალური ამბები
გორა მბორგალი რამდენჯერმე გარბის საბჭოური ბანაკებიდან – ზუსტად ისე, როგორც ეს თავად ჭაბუას გადახდა თავს. ჭაბუა ამირეჯიბის ბიოგრაფია არანაკლებ დრამატულია. ის იყო "თეთრი გიორგის" ორგანიზაციის წევრი, რის გამოც თავდაპირველად 25 წლით პატიმრობა მიუსაჯეს, თუმცა განაჩენის გასაჩივრების შემდეგ სიკვდილით დასჯა მიესაჯა. სამი თვე სიკვდილმისჯილთა საკანში გაატარა. შემდეგ ისევ შეიცვალა სასჯელი და საბოლოოდ, 83 წლით პატიმრობა ჰქონდა მისჯილი. ჭაბუა სამჯერ გაიქცა ტყვეობიდან, რასაც თავადაც აღწერს რომანში. მისი გმირი კი — გორა მბორგალი — სწორედ ამ რეალურ გამოცდილებაზეა აგებული.
ფაქტი #3. რომანში ვკითხულობთ მძაფრ კრიტიკას ტოტალიტარული რეჟიმის წინააღმდეგ
რომანი არა მხოლოდ პირად ტრაგედიებზეა აგებული, არამედ მთელი ეპოქის სარკეა – გამაოგნებლად გამჭრიახი ანალიზით, ირონიითა და სიმართლით გაჟღენთილი ტექსტი საბჭოთა მმართველობას, რევოლუციას, ძალაუფლებას, მორჩილებასა და მორალურ ღირებულებებს აშიშვლებს. ავტორი ღიად საუბრობს იმ აბსურდულ სისტემაზე, რომელიც პატიმარს არ აძლევს უფლებას, მაგრამ ამავე დროს ყველაფრის ჩადენა შესაძლებელია. ერთ-ერთი ყველაზე ციტირებული ფრაზა — "როცა ყველაფერი აკრძალულია, მაშინ ყველაფერი ნებადართულია" — არამხოლოდ აბსურდის ფორმულაა, არამედ მბრძოლ სულიერი მდგომარეობის გამოვლენაც.
ფაქტი #4. ჭაბუას რომანები თარგმნილია 29 ენაზე
ავტორის ნამუშევრები – მსოფლიოს 29 ენაზეა ნატარგმნი. ეს კიდევ ერთხელ ადასტურებს რომანის უნივერსალურ მნიშვნელობას და ემოციურ ზემოქმედებას. ჭაბუა ამირეჯიბის პროზა დატვირთულია ღრმა ფსიქოლოგიური დაკვირვებებით, სოციო-ფილოსოფიური ანალიზითა და ჰუმანისტური შეხედულებებით. მისი ხედვა რევოლუციაზე, თავისუფლებაზე, პიროვნებაზე და მორალზე, დღესაც ისევე აქტუალურია, როგორც მისი დაწერის წლებში.
ფაქტი #5. ეპიგრამული სიბრძნე და სტილი
„გორა მბორგალი“ არა მხოლოდ რომანად, არამედ ფილოსოფიურ-პოლიტიკური სიბრძნის წყაროდაც შეიძლება ჩაითვალოს. ჭაბუა ამირეჯიბი ტექსტში ხშირად სვამს რიტორიკულ კითხვებს, იგონებს მჭრელ ეპიგრამებს და მკითხველს იძულებულს ხდის დაფიქრდეს თავისუფლებაზე, სინდისზე და ღირსებაზე. ავტორის ენაში საოცრად არის შერწყმული სატირა, ირონია, ღრმა ემოციური განცდები და მწვავე სოციალური კომენტარი. მისი გმირი — გორა მბორგალი — მხოლოდ ციხიდან გაქცეული ადამიანი არ არის, ის თავისუფლების მაძიებელია — ადამიანი, რომელიც სისტემასთან დაპირისპირებით საკუთარ პერსონასაც აყალიბებს.
"გორა მბორგალი" არ არის მხოლოდ რომანი. ის არის ერის სულიერი ბიოგრაფია, ინდივიდების წინააღმდეგობის ეპოსი. ის გვაჩვენებს, რომ თავისუფლებისკენ სწრაფვა — თუნდაც უგზო-უკვლო სიბნელეში — ადამიანურობის აუცილებელი პირობაა.
7 აპრილიდან, ჭაბუა ამირეჯიბის სერიის ბოლო, მეხუთე ტომი - „გორა მბორგალი“ უკვე ხელმისაწვდომი იქნება!
შესაძენად ეწვიეთ „პალიტრა L”-ის ვებგვერდს: http://short.palitra.ge/wcDrSEtR
ასევე, წიგნი შეგიძლიათ შეიძინოთ აპლიკაციაში, "ბიბლუსის" მაღაზიათა ქსელში და პრესის გავრცელების ჯიხურებში. დეტალებისთვის დაგვიკავშირდით ნომერზე: 032 2 47 00 45
R
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
