მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვინ არის დიქტატორი პუტინი თუ ზელენსკი?! - რას ფიქრობენ ამერიკელები და ვის მიიჩნევენ "კრიმინალად" და "მკვლელად"
14:19 / 20-02-2025
უკრაინის პრეზიდენტ ვოლოდიმირ ზელენსკის ამერიკელები აღიქვამენ, როგორც “კარგს” და “ძლიერს”, მაშინ, როცა რუსეთის პრეზიდენტის, ვლადიმირ პუტინის შესახებ მათი მთავარი ერთსიტყვიანი შეფასებები მოიცავს “ბოროტს” და “დიქტატორს, - ეს არის J.L. Partners-ის მიერ ერთი თვის წინ ჩატარებული გამოკითხვის შედეგებია, რომელიც აანალიზებს ამომრჩეველთა დამოკიდებულებას უკრაინაში მიმდინარე ომის მიმართ.
გამოკითხვაში მონაწილეებს პუტინის და ზელენსკის ერთსიტყვიანი შეფასება სთხოვეს, მათ “დიქტატორად” სწორედ პუტინი დაახასიათეს.
რესპუბლიკელებმაც კი, რომლებიც უფრო სკეპტიკურად არიან განწყობილნი უკრაინის მხარდაჭერის მიმართ, პუტინი დაახასიათეს, როგორც “ცუდი”, “კრიმინალი” და “მკვლელი”.
პასუხები აჩვენებს ამერიკელების მტრულ დამოკიდებულებას რუსი ლიდერის მიმართ, რომელიც ახლა უკვე მეხუთე ვადითაა პრეზიდენტი.
გამოკითხვა ასევე ააშკარავებს, როგორ სცდება პრეზიდენტ დონალდ ტრამპის პოზიცია საზოგადოებრივ აზრს.
ტრამპმა ზელენსკის მხარდამჭერი დასავლური კოალიცია გასულ კვირას, პუტინთან 90-წუთიანი საუბრის შემდეგ შეარყია - მას მერე, რაც უკრაინელმა ლიდერმა ეს გააპროტესტა, მას მწვავე კრიტიკით უპასუხა.
ოთხშაბათს მან ზელენსკი დაახასიათა, როგორც “ზომიერად წარმატებული კომიკოსი”, რომელმაც "შეერთებული შტატები 350 მილიარდი დოლარის დახარჯვაზე დაიყოლია ომში, რომელში გამარჯვებაც შეუძლებელი იყო”.
“დიქტატორმა არჩევნების გარეშე, ზელენსკიმ სწრაფად უნდა იმოქმედოს, თორემ ქვეყანა აღარ დარჩება”, - დაწერა მან, მიუთითა რა იმ ფაქტზე, რომ ომის გამო უკრაინის არჩევნები გადაიდო.
გამოკითხვაში რესპონდენტებს პირდაპირ ჰკითხეს, ვის ენდობიან უფრო მეტად, რესპონდენტების 52%-მა თქვა, რომ უფრო მეტად ზელენსკის ენდობა, ვიდრე - პუტინს. ეს უკანასკნელი სანდოდ მხოლოდ 12%-მა დაასახელა.
J.L. Partners-ის თანადამფუძნებელმა, ჯეიმს ჯონსონმა განაცხადა, რომ ტრამპი, როგორც ჩანს, ამომრჩევლების აზრს მოწყვეტილია, მაგრამ ეს სწრაფად შეიძლება შეიცვალოს.
”ტრამპის ამომრჩევლებს შეიძლება, უკრაინა ურჩევნიათ რუსეთს, მაგრამ ეს არ არის მათი პრიორიტეტების სიის სათავეში და ნამდვილად არ განსაზღვრავს მათ პოლიტიკურ იდენტობას”, - თქვა მან, - “ეს ნიშნავს, რომ ვვარაუდობ, შემდეგ ჯერზე როცა იმავეს გამოვიკითხავთ, ზელენსკის საკითხზე რიცხვები უფრო პოლარიზებული იქნება - მეტი რესპუბლიკელი გაჰყვება პრეზიდენტ ტრამპის ხაზს, მიუხედავად მათი წინა შეხედულებებისა ამ საკითხზე. თუმცა, არ ველოდები, რომ თვითონ პუტინის მიმართ შეხედულებები შეიცვლება: აზრი, რომ ის ბოროტი დიქტატორია, ძალიან გამჯდარი ჩანს, რაც ბუჩაში და სხვაგან ბოლო წლების განმავლობაში ნანახი უსასტიკესი სცენების გათვალისწინებით, გასაკვირი არ არის”.
ოთხშაბათს ზელენსკიმ თავისი შეშფოთება გამოხატა იმის გამო, რომ ამერიკელი პრეზიდენტი პუტინს შეცდომაში შეჰყავს.
“პრეზიდენტ დონალდ ტრამპის, როგორც ლიდერის მიმართ სრული პატივისცემით... ის დეზინფორმაციულ სივრცეში ცხოვრობს", - თქვა მან.
ტრამპის ადმინისტრაციის ვიცე-პრეზიდენტმა ჯეი დი ვენსმა ზელენსკი გააფრთხილა, რომ მისი მიდგომა უარეს შედეგს გამოიღებდა.
თუმცა, რესპუბლიკელმა კანონმდებლებმა ტრამპის მიერ უკრაინის კრიტიკისგან და ზელენსკის აღსაწერად ტერმინ “დიქტატორის” გამოყენებისგან დისტანცია დაიჭირეს.
“ეს არ არის სიტყვა, რომელსაც მე გამოვიყენებდი”, - თქვა სენატორმა თომ თილისმა, რომელმაც ასევე განაცხადა, რომ ომი ერთი ადამიანის - პუტინის ქმედებების შედეგია! წყარო
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
