მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“თუ ვამბობთ, რომ “ფეიკ ნიუსი“ ცუდია, მაგრამ ის მაინც ვრცელდება, ე.ი. რაღაც კარგად არ მუშაობს“ - შალვა პაპუაშვილი
16:36 / 10-02-2025
“თუკი ვამბობთ, რომ “ფეიკ ნიუსი“ ცუდია, მაგრამ ის მაინც ვრცელდება, ე.ი. რაღაც კარგად არ მუშაობს - რაკი ვხედავთ, რომ მედიის ე.წ. თვითრეგულირების წესები არ მუშაობს, კანონმდებელი ვალდებულია, საკითხი კანონით დაარეგულიროს!“ - ამის შესახებ პარლამენტის თავმჯდომარის შალვა პაპუაშვილმა მედიასთან დაკავშირებით დაგეგმილ კანონპროექტზე საუბრისას განაცხადა, რომლის ინიცირებას “ქართული ოცნება“ გეგმავს.
პაპუაშვილის განცხადებით, “ერთადერთი, ვინც მედიის შესახებ კანონის მიღებით შეიძლება შეწუხდეს, ისინი არიან, ვისაც ყალბი ინფორმაციის გავრცელება სურთ“.
“საერთოდ არ არის საუბარი ცენზურაზე - ცენზურა ინფორმაციის წინასწარ კონტროლს და ინფორმაციის წინასწარ გაფილტვრას გულისხმობს.
ბრიტანული სტანდარტი უკვე გასული ინფორმაციის შემდგომ შეფასებას ეხება, თუკი ინფორმაცია იყო ტყუილის შემცველი და ცილისმწამებლური. რა ვუყოთ იმ სიყალბეს, რომელიც მედიით ვრცელდება?! იმის გამო, რომ დღეს ინფორმაცია ძალიან სწრაფად ვრცელდება, ერთ-ერთი გამოწვევა მთელს მსოფლიოში არის ის, თუ როგორ ვებრძოლოთ “ფეიკ ნიუსებს“. ამაზე ფიქრობენ და ამას ებრძვიან ევროკავშირსა და აშშ-ი.
ჩვენც ამაზე ვფიქრობთ და ამას ვებრძვით. აშშ-ს ახალი ადმინისტრაციის მხილებებმა გვაჩვენა, რომ უცხოური დაფინანსებით მედია-ორგანიზაციების მთელი ქსელი მოქმედებდა, რომელიც ერთი ნარატივის დამკვიდრებაზე მუშაობდა.
ჩვენ ჩვენი მოქალაქეები უნდა დავიცვათ, რათა იყვნენ ინფორმირებული. დეზინფორმაციის ნაცვლად, უნდა იყოს ინფორმაცია - ეს იმ სტანდარტებით მოხდება, როგორც არის ბრიტანეთში“, - განაცხადა შალვა პაპუაშვილმა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
