მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მახარას" გახეთქილი თავის დანახვა ძალიან მტკივნეული იყო, გიორგის სიცოცხლე ჩვენი, ყველას ნალოლიავებია, რა გიმტკიცოთ? რომ "იმედზე" ვმუშაობთ, თუმცა ადამიანები ვართ?! ვიცი სადაც ვმუშაობ და სულაც არ მრცხვენია ამის!" - ნანუკა გულუა
18:11 / 08-12-2024
"მახარას" გახეთქილი თავის დანახვა ძალიან მტკივნეული იყო, გიორგის სიცოცხლე ჩვენი, ყველას ნალოლიავებია, რა გიმტკიცოთ? რომ "იმედზე" ვმუშაობთ, თუმცა ადამიანები ვართ?! ვიცი სადაც ვმუშაობ და სულაც არ მრცხვენია ამის", - ამის შესახებ ტელეწამყვანი და მსახიობი ნანუკა გულუა წერს.
"დღეს ჩემი ცხოვრების საჩუქრის, იკუნას დაბადების დღეა… ბუშტიც არ მიყიდია, ტორტზე და სხვა სადღესასწაულო ნივთებზე საუბარიც ზედმეტია, დილამდე არც გამხსენები.
იმას, რაშიც ვიმყოფებით მხარე არ აქვს, რაც ჩვენს თავს ხდება საერთო ჯოჯოხეთია!
მინდა ვთქვა, რომ ყველა კადრი, სადაც ადამიანი ტირის, სტკივა და განიცდის - მანადგურებს! ჩემი მეგობარი "მახარას" გახეთქილი თავის დანახვა ძალიან მტკივნეული იყო ჩემთვის, გიორგის სიცოცხლე ჩვენი, ყველას ნალოლიავები და ნაფერებია და მისი ხელყოფის უფლებაც არავის აქვს!
ჩემი ბავშვობის მეგობარი გურამი,მე და ჩემს მუცლად მყოფ შვილს, ფიზიკურად, ჯანმრთელობის ფასად გვეტკინა...!
რა გიმტკიცოთ? ის რომ "იმედზე" ვმუშაობთ, თუმცა ადამიანები ვართ?! ვიცი სადაც ვმუშაობ და სულაც არ მრცხვენია ამის! არც ვინმე მაძალებს რამეს, პირიქით თავისუფალი ვარ და მჯერა და მწამს მხოლოდ ევროპული მომავლის!
მეც მწყინს თქვენი სასტიკი მესიჯები, რომელსაც ვიღებ, მეც მწყინს ჩემი მეგობრების ლაიქები სტატუსებზე სადაც მაბულინგებენ, მეც მწყინს, რომ სადაც უსამართლოდ “მასამართლებენ”- თქვენ დუმხართ,მეც მწყინს, რომ "იმედზე" მომუშავეს ყველას წარმოუდგენელი ზიზღით ახსენებთ, მეც მწყინს ,რომ ორსულს იმდენად დაუნდობლად მექცევით რომ სავალალო შედეგის საშიშროებაც არ გაღელვებთ - მაგრამ მესმის!
ისეთი ემოციური ფონი გვაქვს, ვერ ვსაზღვრავთ რაღაცებს…ადამიანები ვდუმვართ, იმიტომ რომ გვეშინია თუ მათემატიკური სიზუსტით არ გადავიწერთ თქვენგან აზრს კოლექტიურად დაგვესევით, თუ აზრს ითხოვთ - პატივი ეცით!
მეგობრებო, დღეს თუ ხვალ ყველაფერი დასრულდება, დავმშვიდდებით, დავწყნარდებით და ვეცადოთ სახე ისე არ დავკარგოთ, რომ ერთმანეთს თვალებში ვეღარ შევხედოთ … ღმერთო დაგვიფარე გთხოვ!" - წერს ნანუკა გულუა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდა "ტიტანიკის“ ჩაძირვის ღამეს სინამდვილეში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
