პარლამენტის ტერიტორიიდან სპეცრაზმი და წყლის ჭავლის მანქანები გაიყვანეს

პარლამენტის ტერიტორიიდან, როგორც ჭიჭინაძის, ისე 9 აპრილის ქუჩიდან და თავისუფლების მოედნიდან სპეცდანიშნულების რაზმი და წყლის ჭავლის მანქანები გაიყვანეს.

აღნიშნულ ტერიტორიებზე ამჟამად მხოლოდ საპატრულო და კრიმინალური პოლიციის თანამშრომლები რჩებიან.

მომიტინგეებმა კი ქაშვეთის ტაძართან და “თბილისი მარიოტის“ მიმდებარე ტერიტორიაზე გადაინაცვლეს.

• რუსთაველის გამზირი ჯერ კიდევ გადაკეტილია.

რამდენიმე საათის წინ, პარლამენტთან, ჭიჭინაძის ქუჩაზე, სადაც საპატრულო და კრიმინალური პოლიციის თანამშრომლები არიან განლაგებული, ხმაური იყო.

პოლიციის მიმართულებით პიროტექნიკა ისროლეს, რასაც სიტყვიერი დაპირისპირება მოჰყვა. წყლის ჭავლის მანქანები განლაგებული იყო უშუალოდ პარლამენტის ტერიტორიასთან, როგორც ჭიჭინაძის, ისე 9 აპრილის ქუჩაზე.

ხოლო თავისუფლების მოედანზე წყლის ჭავლის მანქანებთან ერთად, განლაგებული იყო ავტობუსები, სადაც, სავარაუდოდ, სპეცდანიშნულების რაზმის თანამშრომლები იმყოფებოდნენ.

იხილეთ ასევე:

• რუსთაველის გამზირზე საპროტესტო აქცია გრძელდება - ჭიჭინაძის ქუჩაზე, სადაც საპატრულო და კრიმინალური პოლიციის თანამშრომლები არიან განლაგებული, ხმაური იყო