მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"იმედია, იმის შეხსენება, რომ მე "ნაცი" არ ვარ, არაა საჭირო" - როგორია ცნობილი ქართველების რეაქცია რუსთაველის გამზირზე მიმდინარე მოვლენებზე
11:46 / 30-11-2024
რუსთაველის გამზირზე მიმდინარე მოვლენებს ცნობილი სახეები ეხმაურებიან. მათ შორის არიან ისეთები, რომლებიც მმართველი ძალის მხარდამჭერებად მოიაზრებოდნენ. საზოგადოება უკვე დიდი ხანია ითხოვს, რომ ყველამ ვისაც სოციალურ ქსელში ბევრი გამომწერი ჰყავს და ხალხი იცნობს, თავისი პოზიცია დააფიქსირონ
ჟურნალისტი ეკა ხოფერია, თბილისში მიმდინარე მოვლენებს აფასებს და სოციალურ ქსელში ვრცელ პოსტს აქვეყნებს. ხოფერია წერს, რომ მისი ოცნება სამშობლოს დამოუკიდებლობა და ევროპული მომავალი იყო...
"მთელი ჩემი ცხოვრება სწავლის, შრომის მეტი არაფერი მიკეთებია. შეცდომაც მომსვლია ბევრი, ალბათ. მაგრამ ჩემი მთავარი ოცნება, ჰო, ოცნება, ჩემი სამშობლოს დამოუკიდებლობა და მისი ევროპული მომავალი იყო, რადგან ღრმად მწამს, რომ ჩვენ ვართ ევროპული ოჯახის წევრი. ვინ მოგცათ თქვენ უფლება და მანდატი ჩვენს სამშობლოს ეს მომავალი წაართვათ?!
რა მოლაპარაკებებს წყვეტთ 2028 წლამდე? - ჰო, იმედია, შეხსენება იმის, მე რომ "ნაცი" არ ვარ, არაა საჭირო" - წერს ხოფერია.
"რუსთავი 2"-ის სახე, ტელეწამყვანი და მომღერალი თიკა ფაცაცია სოციალურ ქსელში ეხმაურება მიმდინარე მოვლენებს და წერს:
"საქართველოს ადგილი ევროპაშია. გურამ როგავაზე თავდასხმის ვიდეოს ვერც ვაზიარებ, ისეთი საშინელებაა. ასე გამეტებით და თან თავში დარტყმა რაში წერია" - წერს ფაცაცია.
რუსთაველის გამზირზე მომხდარს და მთავრობის გადაწყვეტილებას აპროტესტებს ჟურნალისტი თათია შარანგიაც.
- ბევრმა იცის, ბოლო დროს როგორ ვცდილობ სტატუსებისგან თავი შევიკავო. ყველას გასაგონად - დღეს რაც ხდება პოლიტიკაზე მაღლა დგას, ყველანაირ პროფესიაზე ან ინტერესებზე. თუ ვინმეს ჰგონია, რომ დღეს რუსთაველზე დგას რომელიმე პარტიის წარმომადგენელი, სერიოზული პრობლემა აქვს. არც თავმოყვარეობა აქვს და არც ქართველია. დღეს სამშობლოს ბედი წყდება ქუჩაში!!!
რისთვის იწვალეს ჩვენმა წინაპრებმა, თუ ევროპისკენ სვლას ვწყვეტთ? იწვალეს და თავი გაწირეს იმისთვის რომ დღეს ჩვენ ქართველები, სწორედაც რომ “ღირსებით” შევსულიყავით ევროპაში და ქართულად ვსაუბრობდეთ. და ჩვენ რას ვეტყვით ჩვენს შვილებს? სად გაიღვიძებენ ჩვენი შვილები? რუსეთში?
ვის ებრძვით, ვის? ქართველებს? მომავალ თაობას? ქალებს? ბავშვებს? მედიის წარმომადგენლებს დაერიეთ? გამოდით ხალხნო ქუჩაში!!! აუცილებლად გამოდით, თუ გინდათ ჩვენს შვილებს არ წაართვან მომავალი. და აი დღეს მიპასუხეთ, ვინ ვის ართმევს ქართველობას?
პროტესტს გამოთქვამს მსახიობი და ტელეწამყვანი რუსკა მაყაშვილიც. სხვათა შორის ორი დღის მანძილზე სოციალურ ქსელში ხშირად ნიშნავდნენ და მისგან პოზიციის დაფიქსირებას ითხოვდნენ. „საქართველო იყო, არის და იქნება ევროპა. ღმერთო, სად ხარ,“ - წერს მაყაშვილი.
ერთ-ერთ ვიდეოზე კი, სადაც სპეცრაზმელი აქციის მონაწილეს სასტიკად უსწორდება, არაადამიანს უწოდებს. „მოგტყდეს ის ფეხი, რომლითაც დაგდებულს სახეში ურტყამ, არაადამიანო...“
მომღერალი ნუცა თოფურია სოციალურ ქსელში წერს:
"ჩემი დაბადების დღე, რომელიც ყველაზე მეტად მიყვარს და ყოველ წელს პატარა ბავშვივით ველოდები, გრანდიოზულად და იდეალურად დაგეგმილი ,ჩემი ყველა საყვარელი ადამიანით, გავაუქმე. პირველად, 25 წლის განმავლობაში არ მაქვს არანაირი სურვილი ჩემი დაბადების დღის... სულ მეტირება. პ.ს. საქართველო იყო არის და იქნება ევროპა!"
მიმდინარე პროცესებს ეხმაურებიან სერიალ „ჩემი ცოლის დაქალების“ მსახიობებიც.
„პუტინი რომ გაქებს ვინ ხარ და რა ხარ? - ვისი სახელით ამბობთ უარს. თაობები წვეთებად ვაგროვებთ ამ წინსვლებს, რომ ერთხელ და სამუდამოდ დამთავრდეს ამ ქვეყანაში გაჭირვება და დარდი როგორ დავაკავოთ მომავალი ამ ქვეყანაში? საკმარისია...“ - წერს ანი ტყებუჩავა.
ინსტაგრამზე სთორებს აქვეყნებს ნინო გაჩეჩილაძეც. მსახიობი მომხდარით შეძრულია.
ჟურნალისტი ეკა ამირეჯიბი, რომელმაც ჯერ კიდევ წინა აქციების დროს დატოვა ტელეკომპანია იმედი, საპატრიარქოს ოფიციალური გვერდი მონიშნა და დაწერა:
"განსხვავებული შეხედულების ადამიანებს სულიერ შვილებად არ თვლით? მხოლოდ 17 მაისს უდგახართ გვერდში ოჯახურ სიწმინდეს?რატომ არ ცდილობთ რამე ნუგეში აპოვნინოთ სიცივეში დღე და ღამე მდგომ ადამიანებს, რატომ არ ესაუბრებით, ეკლესიის როლი ასეთი უკიდურესი დაძაბულობისას რაშია?".
წაიკითხეთ ასევე:
- მიმართვა გურამ კაშიას, თორნიკე შენგელიას და ვასილ ლობჟანიძეს - "ხალხს, ვინც თქვენ თხოვნას არაერთხელ გამოხმაურებია და სტადიონები გადაუვსია, თქვენი მხარდაჭერა სჭირდება"
- მორიგი დაშლა, დაკავებები, ნაცემი ხალხი, დაპირისპირებები - რა ხდებოდა თბილისსა და ბათუმში წუხელ (ფოტოები)
- “მტკივნეულია ვხედავდე როგორ იტანჯება ჩვენი ხალხი - საქართველო იმსახურებს ერთობას და სამართლიანობას“ - გიორგი ქოჩორაშვილი
- ქართველი "ინფლუენსერების" რეაქციები წუხანდელ მოვლენებზე - ვინ რას წერდა?
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
