"მაიდანის მექანიზმის ამოქმედების მცდელობები გაგრძელდება. მათ სისხლი სჭირდებათ" - სოლოვიოვი თბილისში განვითარებულ მოვლენებზე

თბილისში განვითარებულ მოვლენებს კრემლის პროპაგანდისტი, ვლადიმერ სოლოვიოვი ეხმიანება.

"ევროინტეგრირებული ქართველები თბილისში ტემპერატურის აწევას ცდილობენ. პოლიციამ ძალადობრივი ოპოზიციის მომიტინგეები ცრემლსადენი გაზითა და წყლის ჭავლით შეაკავა. დაშავებულია 32 პოლიციელი.

მაიდანის მექანიზმის ამოქმედების მცდელობები გაგრძელდება. მათ სისხლი სჭირდებათ", - წერს სოლოვიოვი "ტელეგრამის" არხზე.

• შეგახსენებთ, თბილისში 28 ნოემბერს, საპროტესტო გამოსვლები მას შემდეგ დაიწყო, რაც პრემიერ-მინისტრმა, ირაკლი კობახიძემ მმართველი გუნდის გადაწყვეტილება გამოაცხადა, რომ საქართველომ 2028 წლის ბოლომდე დღის წესრიგში არ დააყენებს ევროკავშირთან მოლაპარაკებების გახსნის საკითხს.

აქციის მონაწილეები თბილისში ორი ლოკაციაზე - გორგასლის ქუჩაზე, "ქართული ოცნების" ოფისთან და რუსთაველის გამზირზე, პარლამენტის შენობასთან შეიკრიბნენ. მოგვიანებით აქცია გაერთიანდა პარლამენტის წინ, სადაც ვითარება სამართალდამცველებსა და აქციის მონაწილეებს შორის არაერთხელ დაიძაბა. დაახლოებით, ღამის 2:00 საათის, შემდეგ საპოლიციო ძალებმა დემონსტრანტების გაფრთხილების შემდეგ, რუსთაველის გამზირზე მიმდინარე აქციის დაშლა დაიწყეს. სპეცრაზმმა მომიტინგეების წინააღმდეგ წყლის ჭავლი არაერთხელ გამოიყენა.

• ნახეთ ასევე:
• "ნუთუ, ამ მშვენიერ საქართველოში ამდენი დეგენერატია?!" - რას წერს დუგინი თბილისში განვითარებულ მოვლენებზე