მამულაშვილს 23-წლიანი, ნადირაძეს და კიდევ 2 ქართველს 14-წლიანი პატიმრობა დაუსწრებლად მიუსაჯეს: ოკუპირებული დონეცკის ე.წ. უზენაესი სასამართლოს გადაწყვეტილება
რუსეთის მიერ დროებით ოკუპირებული დონეცკის ე.წ. უზენაესმა სასამართლომ “ქართული ლეგიონის“ მეთაურს მამუკა მამულაშვილს დაუსწრებლად 23 წლით თავისუფლების აღკვეთა მიუსაჯა.
“ქართული ლეგიონის“ მეთაურის გარდა, ე.წ. უზენაესმა სასამართლომ 14 წლით თავისუფლების აღკვეთა მიუსაჯა კიდევ სამ ქართველ მებრძოლს: გიორგი რუსიტაშვილს, ნოდარ პეტრიაშვილსა და ვანო ნადირაძეს
ე.წ. სასამართლომ მათ თავისუფლების აღკვეთა “დაქირავებული ჯარისკაცის შეიარაღებულ კონფლიქტში მონაწილეობის“ შესახებ მუხლით შეუფარდა.
“სასამართლომ დაადგინა, რომ 2014 წლის აპრილიდან 2024 წლის მაისამდე მამულაშვილმა უცხო ქვეყნებიდან, რომლებიც კონფლიქტის მხარეები არ იყვნენ, დაქირავებული მებრძოლების რეკრუტირება მოახდინა, უპირატესობა საქართველოს შეიარაღებული ძალების ყოფილ სამხედრო მოსამსახურეებს ენიჭებოდათ. ამის შემდეგ მან ისინი გაწვრთნა და მათი საომარ მოქმედებებში მონაწილეობა უზრუნველყო. ამისთვის ბრალდებულმა 23 მილიონ რუბლზე მეტის ეკვივალენტი მიიღო”, - ნათქვამია რუსეთის საგამოძიებო კომიტეტის განცხადებაში.
იხილეთ ასევე:
- "სამშობლოში ჩამოსვლას ვერიდები... ჩემი ინფორმაციით, რუსული უშიშროების თანამშრომლები მუშაობენ საქართველოში" - მამუკა მამულაშვილი უკრაინაში არსებულ ვითარებასა და მებრძოლების გამოწვევებზე
- "ცდილობენ ჩვენს დისკრედიტაციას, ცილს გვწამებენ... ამაში ჩართულია საფრანგეთის და აშშ-ს რამდენიმე მოქალაქეც" - როგორ ებრძვიან რუსული სპეცსამსახურები უკრაინაში მებრძოლ ქართველებს: რას ჰყვება მამუკა მამულაშვილი?