მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პლატონის „დიალოგების“ ანალოგით შექმნილი საგანი, რომელსაც ბავშვები ქართულ-ბრიტანულ სკოლაში შეისწავლიან
10:45 / 01-11-2024
ქართულ-ბრიტანული სკოლის მოსწავლეებისთვის შეიქმნა ახალი საგანი „დიალოგები“, რომელიც პლატონის „დიალოგების“ ანალოგითაა შექმნილი და ბავშვებს სხვადასხვა კლასში აზროვნების საფუძვლებს ასწავლის. „დიალოგების“ სასწავლო კურსი „საზოგადოება ივერიისას“ და "ფასეულობათა კვლევის საზოგადოების’’ საერთო პროექტების ერთ-ერთი შემადგენელი ნაწილი.
შეგახსენებთ, რომ „საზოგადოება ივერიისა“ 2010 წელს მისი უწმინდესობის ლოცვა-კურთხევით დაფუძნდა და ქვეყნისთვის მნიშვნელოვანი არაერთი პროექტის განხორციელებაშია ჩართული. საქმიანობას ძირითადად სახალხო შემოწირულობის გზით ახორციელებს, როგორც ეს მახათას მთაზე ტაძრის მშენებლობის დროს მოხდა. ის დიდ ყურადღებას ამახვილებს ფასეულობით განათლებაზე და სწორედ ამ მიმართულების ნაწილია ახალი საგნის „დიალოგების“ მოსწავლეებისთვის შეთავაზება.
ახალი საგნისა და მისი მნიშვნელობის შესახებ ქართულ-ბრიტანული სკოლის, ბიჯიესის დირექტორი ეკა კვაჭანტირაძე გვესაუბრება.
როგორ შეიქმნა საგანი „დიალოგები“ და რა თემებს მოიცავს ის?
თანამედროვე გლობალურ სამყაროში სააზროვნო კრიზისია, ადამიანებმა დაკარგეს ფუნქცია, ვერ ხვდებიან რატომ ცხოვრობენ. ეს ასეა მთელს მსოფლიოში და ასეა ჩვენშიც. ვიფიქრეთ ჩვენი მოსწავლეებისათვის შეგვექმნა საგანი, რომელიც მათ სწორი ფასეულობათა სისტემის ჩამოყალიბებაში დაეხმარებოდა, კიდევ ერთხელ გაიაზრებდნენ რა არის სიყვარული, მეგობრობა, მადლიერება, ოჯახი, პატივისცემა უფროსისადმი, გაარკვევდნენ ადამიანის დანიშნულებას სამყაროსთან მიმართებაში და შეძლებდნენ საკუთარი თავის (ადამიანის) აღქმას სამყაროს განუყოფელ ნაწილად. ანუ გვინდა მოზარდებს გადავცეთ უმთავრესი ქრისტიანული ჭეშმარიტებები და იმისათვის რომ ეს პროცესი მეტად პროდუქტიული გამხდარიყო, გადავწყვიტეთ მისთვის დიალოგის ფორმა მიგვეცა.
- VI კლასის "დიალოგების’’ თემაა მე და სამყარო.
- VII კლასის „დიალოგები“ სათნოებების შესწავლას ეთმობა.
- VIII კლასის „დიალოგები“ სათნოებებს ქართული და უცხოური ლიტერატურული ნაწარმოებებით განიხილავს.
- IX კლასი ეთმობა ეროვნული იდენტობის კურსს. აქ მთავარი შეკითხვებია: ვინ ვართ ჩვენ? რა ძირითადი ღირებულებები გვაქვს ისტორიულ რეტროსპექტივაში ჩვენი ეროვნული იდენტობის დასადასტურებლად. ესაა ფასეულობითი თვალთახედვით დანახული ეროვნული ისტორია.
- X კლასის თემაა კატეხიზმო. მთავარი განსახილველი საკითხია - როგორია ცხოვრების ის წესი, რომლითაც უნდა ვიცხოვრო, რომ არ დავკარგო ჩემი თავისთავადობა.
- XI კლასში ქრისტიანობაზე დაფუძნებული მსოფლმხედველობის ძირითად ელემენტებზე ვმსჯელობთ.
- XII კლასის კურსი კი არის იდეოლოგიური გამოწვევები.
რაში ეხმარება ბავშვებს საგანი „დიალოგები“?
საგანი „დიალოგები“ ბავშვებს საშუალებას აძლევს ჩამოუყალიბდეთ სწორი აზროვნება. ჩვენ ბავშვებს უნდა გავატანოთ სკოლიდან ის სააზროვნო ორიენტირები, მივცეთ ის ღირებულებითი კომპასი, რომელიც მათ მომავალში, სკოლის მიღმა (საზოგადოებაში, სამსახურში, ქვეყნის შიგნით თუ მის გარეთ) მართებულ გზაზე სიარულში და ჭეშმარიტებაზე დაფუძნებული არჩევანის გაკეთებაში დაეხმარება. სკოლა მოსწავლეებს ზოგად ერუდიციასთან ერთად, „დიალოგების“ პროგრამის საშუალებით აძლევს ფასეულობით განათლებას.
საგანი „დიალოგები“ ფასეულობითი განათლების ერთ-ერთი ნაწილია. რა მნიშვნელობა აქვს სასკოლო ასაკიდანვე ფასეულობითი განათლების მიცემას ბავშვებისთვის?
ბავშვობის ასაკში გათავისებული ფასეულობები ადამიანის მთელ ცხოვრებას განსაზღვრავს. ფასეულობითი განათლება, უწინარეს ყოვლისა, გულისხმობს ქრისტიანული ჭეშმარიტებების გადაცემას. ჩვენ ქრისტიანულ ჭეშმარიტებებს ისე ვუზიარებთ მოსწავლეებს, რომ დაინახონ მათი ქმედითობა და აუცილებლობა თანამედროვე რეალობაში. ამიტომ ვფიქრობთ, ფასეულობითი განათლება ბავშვობიდან უნდა იწყებოდეს.
რა მნიშვნელობა აქვს ფასეულობით განათლებას იმ გამოწვევების დაძლევაში, რომლის წინაშეც დღეს ქართული საზოგადოება დგას?
ბუნებრივია, ყველა სახელმწიფო თავის მზერას მომავლისაკენ მიმართავს. თუმცა დღეს, მსოფლიოში მიმდინარე პროცესები, თითქოსდა ავალდებულებს ნებისმიერი ქვეყნის საზოგადოებას თავისი მზერა წარსულსაც მიაპყროს, რადგან მას სწორედ აქ ეგულება ის ფასეულობა, რამაც მისი დღევანდელ დღემდე მოყვანა განაპირობა. სწორედ ამ ფასეულობით უნდა ჩაებას ის გლობალიზაციის მარათონში, რათა არ დაკარგოს მისი ნაციონალური და სახელმწიფოებრივი იდენტობა, რომლის შენარჩუნებაც ყველა ქვეყნისათვის უმთავრესი ზრუნვის საგანს წარმოადგენს, განსაკუთრებით ისეთი პატარა ერებისთვის, როგორიც ჩვენ ვართ.
რატომ არის მნიშვნელოვანი ქვეყნისთვის „საზოგადოება ივერიისას’’პროექტები და როგორია თქვენი საქმიანობის და ამ საზოგადოების მიზნების თანხვედრა?
უკვე თითქმის 10 წელია, მაქვს პატივი ვიყო "საზოგადოება ივერიისას“ ქტიტორთა სათათბიროს წევრი, ჩვენი ქვეყნის ღირსეულ ადამიანებთან ერთად. ისევე როგორც თითოეული ქტიტორი, მეც ჩართული ვარ ამ საზოგადოების საქმიანობაში: მახათას და გელათის საგანმანათლებლო პროექტებში, ვკითხულობ ლექციებს, ვხვდები ფართო საზოგადოებას და ვმსჯელობთ ჩვენი ეროვნული იდენტობის მნიშვნელოვან საკითხებზე. ვფიქრობ, ამ პროექტების უმთავრესი დატვირთვა, ტაძრების მშენებლობასთან და რესტავრაცია-კონსერვაციასთან ერთად, მათი ფასეულობითი დატვირთვის წარმოჩენაა ქართული საზოგადოებისათვის.
შემოწირულების გაღება შესაძლებელია სხვადასხვა ბანკის ანგარიშზე ნებისმიერი ოდენობის თანხის გადარიცხვით ან მითითებულ ნომერზე 0901777777 დარეკვით. ზარის ღირებულება 1 ლარია.
გიზიარებთ ანგარიშის ნომრებს:
- სს „ლიბერთი ბანკი": LBRTGE22 ანგარიშის ნომერი: GE35LB0775555555555555
- სს „საქართველოს ბანკი“: BAGAGE22 ანგარიშის ნომერი: GE35BG0000000555555555
- სს „თი ბი სი ბანკი“: TBCBGE22 ანგარიშის ნომერი: GE96TB7005555555555555
R
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ძალიან კარგია თუ ახალგაზრდებს , როგორც იაპონიაშია პირველი ორი წელი ვასწავლით იგივე ქცევის ნორმებს, კულტურას და აშ. ძალიან მომწონს როდესაც ბავშვი იზრდება არა უფლებების ცოდნით მარტო კი არა, იქვე აუცილებელია მოვალეობების ცოდნაც. ასეთი ადამიანი იქნება სრულფასოვანი წევრი საზოგადოების.
ქართული ასწავლეთ პლატონას მოეშვით. ეს ბრიტანული და ამერიკული და იტალიური და გერმანული არ სად დაგეკარგოთ. აქანე იქანე მოაშლევინეთ და გამართულ ქარტულად ალაპარაკეთ. წაირეთ ტვინი რა,