პირველი ტაიმი ქართველების უდიდესი სათამაშო უპირატესობით, თუმცა უგოლოდ დასრულდა - ქართველმა გულშემატკივარმა მეტოქის ჰიმნის დროს ტაში დაუკრა: ალბანეთთან მატჩის დეტალები (ვიდეო)
საქართველოს ეროვნული საფეხბურთო ნაკრები "ერთა ლიგის“ მეოთხე ტურის მატჩს ალბანეთის ნაკრების წინააღმდეგ მართავს. მატჩი მიხეილ მესხის სახელობის სტადიონზე მიმდინარეობს.
პირველი ტაიმი ახლახან დამთავრდა. თამაში ჩვენი გუნდის უდიდესი უპირატესობით მიმდინარეობს, თუმცა არაერთი შანსის მიუხედავად, ჯერჯერობით გოლის გატანა ვერ მოხერხდა.
აღსანიშნავია, რომ ქართველმა გულშემატკივარმა მეტოქე გუნდის ჰიმნის შემდეგ ტაში დაუკრა.
- დღევანდელ მატჩში საქართველოს ნაკრებს ძირითად შემადგენლობაში ჰყავს: მამარდაშვილი, კაკაბაძე, კაშია, ლოჩოშვილი, დვალი, კიტეიშვილი, ჩაკვეტაძე, დავითაშვილი, კვარაცხელია, მიქაუტაძე, ზივზივაძე.
გასვლით შეხვედრაზე საქართველოს ნაკრებმა ალბანეთის ნაკრები ანგარიშით - 1:0 დაამარცხა.
როგორც ცნობილია, უეფას "ერთა ლიგის“ B1 ჯგუფში საქართველოს ნაკრების მეტოქეები ჩეხეთის, ალბანეთისა და უკრაინის ნაკრებები არიან. ჯგუფში საქართველოს საფეხბურთო ნაკრებს ამ დროისთვის, 6 ქულა აქვს, 6 ქულა აქვს ჩეხეთის ნაკრებსაც. 3-3 ქულა აქვს ალბანეთს და უკრაინას.