"მას არ სურს, ამერიკელებმა დაინახონ, არის თუ არა პრეზიდენტის პოსტისთვის შესაფერი“ - კამალა ჰარისი დონალდ ტრამპს სამედიცინო ისტორიის გასაჯაროებისკენ მოუწოდებს
აშშ-ის ვიცე-პრეზიდენტმა და "დემოკრატიული პარტიის“ საპრეზიდენტო კანდიდატმა, კამალა ჰარისმა სამედიცინო ისტორია გამოაქვეყნა, რომელიც ასკვნის, რომ მისი ჯანმრთელობის მდგომარეობა შესანიშნავია და ის საპრეზიდენტო პოსტისთვის შესაფერისია.
- დოკუმენტის გასაჯაროების შემდეგ ჰარისმა დონალდ ტრამპი საკუთარი სამედიცინო ისტორიის გამოუქვეყნებლობის გამო არასათანადო გამჭვირვალობაში დაადანაშაულა.
ვიცე-პრეზიდენტმა ასევე განაცხადა, რომ მის "რესპუბლიკელ“ კონკურენტს "არ სურს, ამერიკელმა ხალხმა დაინახოს, არის თუ არა ის პრეზიდენტის პოსტისთვის შესაფერი“.
სამედიცინო ისტორიის გამოქვეყნების შემდეგ ჰარისის საარჩევნო შტაბის პრესსპიკერმა სოციალურ ქსელში გაავრცელა პოსტი, რომელშიც აღნიშნულია: "დონალდ ტრამპ, თქვენი ჯერია".
სამედიცინო ისტორიის გასაჯაროების გარეშე, ყოფილი პრეზიდენტის გუნდმა განაცხადა, რომ დონალდ ტრამპის ექიმის შეფასებით, მისი ჯანმრთელობის მდგომარეობა "სრულყოფილი და შესანიშნავია“.
.