მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მომავალ წელს ბათუმიდან თბილისში მგზავრობას დასჭირდება მხოლოდ 3 საათი" - პრემიერი
14:41 / 11-10-2024
ჩვენი ერთ-ერთი მთავარი ამოცანა საქართველოს დაკავშირებადობის ფუნქციის გაძლიერება და სატრანზიტო ფუნქციის განვითარებაა. ამ მიზნის მიღწევის გზაზე უკვე ძალიან ხელშესახები შედეგები გვაქვს, - ამის შესახებ საქართველოს პრემიერ-მინისტრმა, ირაკლი კობახიძემ ბათუმის შემოვლითი 14 კმ-იანი გზის გახსნის ღონისძიებაზე სიტყვით გამოსვლისას განაცხადა.
მისი თქმით, ბათუმის შემოვლითი გზა დასავლეთ-აღმოსავლეთის ევროპული მარშრუტის შემადგენელი ნაწილია, რომელიც ესპანეთში იწყება, კვეთს 8 ქვეყანას და მთავრდება საქართველოში.
"ბათუმის შემოვლითი გზა დასავლეთ-აღმოსავლეთის ევროპული მარშრუტის შემადგენელი ნაწილია, რომელიც ესპანეთში იწყება, კვეთს 8 ქვეყანას - საფრანგეთს, იტალიას, სლოვენიას, ხორვატიას, სერბეთს, რუმინეთს, ბულგარეთს, თურქეთს და მთავრდება საქართველოში.
ჩვენი ერთ-ერთი მთავარი ამოცანა საქართველოს დაკავშირებადობის ფუნქციის გაძლიერება და სატრანზიტო ფუნქციის განვითარებაა. ამ მიზნის მიღწევის გზაზე უკვე ძალიან ხელშესახები შედეგები გვაქვს - საქართველოს ტერიტორიაზე ავტოტრანსპორტი უკვე სარგებლობს 355 კმ მაგისტრალური გზით, რომლის 287 კმ სწორედ, ჩვენი ხელისუფლების პირობებში, 2012 წლის შემდეგ არის აშენებული, რითაც განსაკუთრებულად შეგვიძლია ვიამაყოთ.
მომავალ წელს თბილისიდან ბათუმამდე მგზავრობა უკვე სრულად მაგისტრალური გზით იქნება შესაძლებელი. ამ საგზაო დერეფნის განვითარებისთვის, ვიწყებთ ბათუმი-სარფის გზის მშენებლობასაც, რომელიც კიდევ 3 საკურორტო დასახლებას - გონიოს, კვარიათსა და სარფს აუვლის გვერდს, ასევე დაიწყება ქობულეთის შემოვლითი გზის დამატებითი, ორზოლიანი მონაკვეთის მშენებლობაც. საბოლოო ჯამში, თბილის და ბათუმი ერთმანეთს დაუკავშირდება 4-ზოლიანი მაგისტრალით. უკვე მომავალ წელს, ბათუმიდან თბილისში მგზავრობას დასჭირდება მხოლოდ 3 საათი, რაც ყველა თვალსაზრისით არის მნიშვნელოვანი, მობილობის გაუმჯობესებისთვის, რეგიონების განვითარებისთვის, აჭარის რეგიონის, ტურიზმის განვითარებისთვის და ა.შ.“, - განაცხადა პრემიერმა.
- ირაკლი კობახიძის თქმით, სახელისუფლებო გუნდის დიდი ძალისხმევა მიმართულია საერთაშორისო საგზაო დერეფნების განვითარებაზე, რაც მომავალშიც გაგრძელდება.
„საქართველო გეოპოლიტიკურად მგრძნობიარე რეგიონში გადამწყვეტ როლს ასრულებს „შუა დერეფნისთვის“ და როგორც სტაბილური ქვეყანა, წარმოადგენს საიმედო პარტნიორს და მიმზიდველია ინვესტორებისათვის. სწორედ ამიტომ, ჩვენი გუნდის დიდი ძალისხმევა მიმართულია საერთაშორისო საგზაო დერეფნების განვითარებაზე, რასაც მომავალშიც აუცილებლად გავაგრძელებთ.
მხოლოდ წელს, 90 კმ მაგისტრალური გზის გახსნა გვაქვს დაგეგმილი და ბათუმის შემოვლითი გზის გახსნით, ამ გეგმის 82% შესრულებული გვექნება, რადგან 74 კმ მაგისტრალური გზით ტრანსპორტი უკვე ისარგებლებს“, - განაცხადა პრემიერმა.
ირაკლი კობახიძემ მადლობა გადაუხადა აზიის განვითარების ბანკსა (ADB) და აზიის ინფრასტრუქტურის საინვესტიციო ბანკს (AIIB) პროექტის მხარდაჭერისათვის.
„მე მინდა, მადლობა გადავუხადო აზიის განვითარების ბანკს, ქალბატონ ლესლის, რომელიც წარმოადგენს ამ ღონისძიებაზე აზიის განვითარების ბანკს და ზოგადად ჩვენს ქვეყანაში წარმოადგენს ამ უმნიშვნელოვანეს ინსტიტუციას ჩვენი ქვეყნისთვის და ასევე, განსაკუთრებული მადლობა მინდა გადავუხადო აზიის ინფრასტრუქტურის საინვესტიციო ბანკს (AIIB), რადგან სწორედ, მათი მხარდაჭერით განხორციელდა ეს უმნიშვნელოვანესი პროექტი.
განსაკუთრებულ მადლობას ვუხდი რეგიონული განვითარებისა და ინფრასტრუქტურის სამინისტროს, მინისტრს, ირაკლი ქარსელაძეს, საავტომობილო გზების დეპარტამენტს, დეპარტამენტის ხელმძღვანელს, მთლიანად გუნდს, სამინისტროს ყველა იმ თანამშრომელს, რომელიც ჩართული იყო ამ პროექტის განხორციელებაში, ყველა იმ კომპანიას, რომელიც ჩართული იყო სამუშაოების შესრულებაში და დარგის ყველა სპეციალისტს. ასევე მადლობა აჭარის მთავრობის მეთაურს, უმაღლესი საბჭოს თავმჯდომარეს, აჭარის ხელისუფლების წარმომადგენლებს, რომლებიც მხარს უჭერენ ცენტრალური ხელისუფლების ყველა წამოწყებას რეგიონში და ზრუნავენ რეგიონის განვითარებაზე და ამას აკეთებენ ძალიან დიდი წარმატებით. კიდევ ერთხელ მინდა, მოგილოცოთ ამ მაგისტრალური გზის გახსნა“, - განაცხადა პრემიერმა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
