რატომ არ არის თითქმის არც ერთი ქვეყნის დროშაზე იასამნისფერი გამოყენებული?

მიუხედავად იმისა, რომ ზოგიერთი ეროვნული დროშა შეიძლება ძალიან ფერადია, არის ერთი ფერი, რომელსაც თითქმის ყველა ერიდება.

რადიო წამყვანმა დინ ჯექსონმა TikTok-ის ვიდეოში განმარტა ის უცნაური მიზეზი, რის გამოც მსოფლიოში თითქმის არც ერთი ქვეყანა არ იყენებს იასამნისფერს თავის დროშაში.

• აღსანიშნავია, რომ მსოფლიოს 195 ქვეყნიდან მხოლოდ სამ დროშაზეა გამოყენებული იასამნისფერი და ისიც, ძალიან მცირე რაოდენობით

შესაძლოა ეს იშვიათი სახეობის ზღვის ლოკოკინას უკავშირდებოდეს.

"არც ერთი ქვეყანა არ იყენებს იასამნისფერს, როგორც დროშის ძირითად ფერს და ამის მიზეზი ამ პატარა ლოკოკინას უკავშირდება. ეს არ არის მტაცებელი ლოკოკინა. ქვეყნების დროშების უმეტესი შეიქმნა რამდენიმე საუკუნის წინ და იმ დროს იასამნისფერი საღებავის წარმოების ერთადერთი გზა იყო ზღვის ლოკოკინების დამსხვრევა", - განმარტავს ვიდეოში მისტერ ჯექსონი.

• მისი თქმით, მე-19 საუკუნის შუა პერიოდამდე იასამნისფერი პიგმენტის მიღების ერთადერთი გზა იყო იშვიათი ზღვის ლოკოკინას მოკვლა, რომელსაც Murex-ის ლოკოკინა ეწოდა. მაშინ საღებავის მიღება ძალიან მცირე რაოდენობით იყო შესაძლებელი. საღებავის ნაკადს ლიბანში, ფინიკიელი ვაჭრები აკონტროლებდნენ.

მტაცებელი მხოლოდ აღმოსავლეთ ხმელთაშუა ზღვაში და მაროკოს ატლანტის სანაპიროზე ბინადრობს.

როდესაც ქვეყნები თავიანთ დროშებს ქმნიდნენ, მეწამული მხოლოდ ზღვის ლოკოკინების ლორწოსგან მიიღებოდა და ძალიან ძვირი ღირდა მთელი ქვეყნის დროშებით შეღებვა. როგორც წესი, საუკუნეების წინ ლოკოკინებს ხაფანგით იჭერდნენ ან ხელით აგროვებდნენ. შემდეგ კი ლორწოვან ჯირკვლებს დელიკატურად აჭრიდნენ პატარა დანით.

ერთი გრამი საღებავის დასამზადებლად, დაახლოებით 10 000 ლოკოკინა იყო საჭირო. ეს რაოდენობა კი მხოლოდ უმცირესი მონაკვეთის გაფერადებას ყოფნიდა.

ამასთანავე, საღებავების მწარმოებლები პიგმენტის მიღების წესს მკაცრად ასაიდუმლოებდნენ. ეს ყველაფერი იასამნისფერს ერთ-ერთ ყველაზე ძვირფას და მიუწვდომელ ნივთიერებად აქცევდა, რომელიც ოქროზეც ძვირიც კი იყო.

რომის ზოგიერთმა იმპერატორმა კანონიც კი მიიღო, რომელიც იასამნისფერი ტანსაცმლის ჩაცმას კრძალავდა.

“ამან ძალიან ძვირი გახადა თუნდაც ერთი დროშის იასამნისფრად შეღებვა“, - აცხადებს ჯექსონი.

• მთელ მსოფლიოში მხოლოდ ორმა ქვეყანამ გადაწყვიტა, დროშებში მცირე რაოდენობით იასამნისფერი გამოეყენებინა. ეს არის: დომინიკის კუნძულოვანი რესპუბლიკა და ნიკარაგუა

• 1856 წელს, 18 წლის ქიმიის სტუდენტი- უილიამ ჰენრი პერკინი, ცდილობდა ქვანახშირის ტარისგან მალარიის სამკურნალო საშუალება მოემზადებინა

მას შემდეგ, რაც ექსპერიმენტი წარუმატებელი გამოდგა, ნახშირისგან მიღებული შავი ლაქების გაწმენდა სპირტით სცადა და სწორედ მაშინ აღმოაჩინა, რომ შეეძლო იასამნისფერი ამ გზით ეწარმოებინა.

პერკინმა სრულიად შემთხვევით აღმოაჩინა პირველი სინთეტიკური საღებავი - სამუდამოდ შეცვალა მოდის ისტორია. 1856 წელსვე მან მიიღო პატენტი საღებავისთვის, რომელსაც ეწოდა Perkin's Mauve.

21 წლის ასაკში, პერკინი მილიონერი გახდა და ამასთანავე, გზა გაუხსნა ქიმიურ ინდუსტრიას, ეწარმოებინა იმდენი იისფერი პიგმენტი, რამდენიც საჭირო იყო. აღარ არის საჭირო ათასობით ზღვის ლოკოკინის მოკვლა, იასამნისფერი სამოსი იაფი და მოდური ხდება.

წყარო