პარტნიორები:
ავტორი:

"ზვიგენი მოჩვენება" - მეცნიერებმა წყნარი ოკეანის ფსკერზე მცხოვრები ქიმერას ახალი სახეობა აღმოაჩინეს

"ზვიგენი მოჩვენება" - მეცნიერებმა წყნარი ოკეანის ფსკერზე მცხოვრები ქიმერას ახალი სახეობა აღმოაჩინეს

ახალზელანდიელმა მეცნიერებმა აღმოაჩინეს ქიმერას მსგავსი თევზის ახალი სახეობა, რომელსაც "ზვიგენების მოჩვენებაც" კი შეარქვეს. როგორც აღმოჩნდა ამ თევზის შემჩნევა ძალიან რთულია, რადგან ისინი წყნარი ოკეანის ფსკერზე, საკმაოდ ძნელად მისაადგომ და ღრმა ადგილებში ცხოვრობენ.

ქიმერები მიეკუთვნებიან ხრტილოვანი თევზის სახეობებს - მათ არ აქვთ ქერცლები, ხოლო ჩონჩხი მთლიანად ხრტილისგან შედგება. როგორც წესი, ისინი ცხოვრობენ 2,5 ათას მეტრამდე სიღრმეში.

  • ახალი ზელანდიის წყლისა და ატმოსფერული კვლევის ეროვნული ინსტიტუტის (Niwa) მკვლევარებმა ეს სახეობა Chatham Rise, ოკეანის ფსკერზე აღმოაჩინეს

“მათი ჰაბიტატის გამო, მათი შესწავლა რთულია, ამიტომ ჩვენ ჯერჯერობით ცოტა რამ ვიცით“, - დასძინა მკვლევარმა ბრიტ ფინუჩიმ. მისი თქმით, ქიმერები გამოირჩევიან უჩვეულოდ გრძელი ცხვირით, რომელიც შეიძლება სხეულის სიგრძის ნახევარი იყოს.

თავდაპირველად ითვლებოდა, რომ ავსტრალიური ქიმერა მიეკუთვნებოდა ერთ-ერთ სახეობას, რომელიც გავრცელებულია მთელ მსოფლიოში. თუმცა, კვლევამ აჩვენა, რომ ის გენეტიკურად განსხვავდება ნათესავებისგან და ცხოვრობს მხოლოდ ავსტრალიისა და ახალი ზელანდიის წყლებში.

წყარო

იხილეთ ასევე:

ტეგები თემაზე: