მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რომელი ტერიტორიული მთლიანობა უნდა აღადგინოს ივანიშვილმა, 24 საათი ძალადობაზე საუბრობს" - ნიკა მელია
17:12 / 26-08-2024
მთელი ტერიტორია, რაც საქართველოშია, რაც ოკუპაციას გადაურჩა, რუსული პოლიტიკის მიერაა ოკუპირებული და ივანიშვილი მისი პერსონიფიკაციაა. რომელი ტერიტორიული მთლიანობა უნდა აღადგინოს, 24 საათი აგრესიაზე, ძალადობაზე საუბრობს, შურს, ურთიერთდაპირისპირებას ახალისებს, ქვეყნის მოსახლეობა ერთმანეთს გადაკიდა, - ამის შესახებ „კოალიცია ცვლილებებისთვის“ ერთ-ერთმა ლიდერმა ნიკა მელიამ განაცხადა.
როგორც ის განმარტავს, ტერიტორიული მთლიანობის აღდგენას სწორი საგარეო პოლიტიკური კურსი სჭირდება, ბიძინა ივანიშვილი კი, „სახელმწიფოებრივ საფუძვლებს ანადგურებს“.
„გრძელვადიანი მშვიდობა უზრუნველყოფილი, გარანტირებული იქნება დემოკრატიული ოპოზიციური ძალების ხელისუფლებაში მოსვლის და მას შემდეგ, რაც საქართველო კოლექტიური უსაფრთხოების, ევროკავშირის წევრი და მდიდარი სახელმწიფო გახდება. ბიძინა ივანიშვილი უბრალოდ საუბრობს იმას, რისი შესაძლებლობაც აქვს, „ქუდზე კაცი“ ნამდვილად მოვა, ვეთანხმები, მაგრამ არა მის სასარგებლოდ, არამედ მის საწინააღმდეგოდ. ის ერთი მხრივ, თავის მხარდამჭერებს ანუგეშებს, მეორე მხრივ, ცდილობს, ადამიანები დაიყოლიოს, მაგალითად, საარჩევნო სიაში „ქართული ოცნების“ სახელით 73-ედ რეგიონის წარმომადგენელს რომ წერენ, მას არ სჯერა, რომ პარლამენტში მოხვდება, ამიტომ ივანიშვილი ცდილობს, ეს კატეგორიაც დაარწმუნოს, რომ ხელისუფლებაში საკონსტიტუციო უმრავლესობით მოდის. ეს შიდა პარტიული ხრიკია, რომელსაც ის იყენებს, არაფერი საერთო მას არ აქვს ხალხის განწყობასთან.
ვფიქრობ, მას პირველ რიგში, შიში საკუთარ თავში აქვს დიდი დოზით დანერგილი და დათესილი. ამიტომაც, ის პრაქტიკულად, როგორც ჩანს, ყველა შეხვედრას დაესწრება იმ ფორმით, რა ფორმითაც ის ატარებს. ტერიტორიული მთლიანობის აღდგენა გარდაუვალია მშვიდობიანი გზით, მაგრამ ამას სჭირდება სწორი საგარეო პოლიტიკური კურსი, მდიდარი და ძლიერი ქართული სახელმწიფო, რომლის წინააღმდეგაც ბიძინა ივანიშვილი ყოველდღე იბრძვის და სახელმწიფოებრივ საფუძვლებს ანადგურებს. შეუძლებელია, ევროკავშირის წევრობა გინდოდეს და ამ დროს იმუქრებოდე, რომ ყველა განსხვავებული პოლიტიკური მოსაზრება გაუქმებული და ყველა პარტია განადგურებული იქნება. ვფიქრობ, ქართველი ხალხი, ჩვენი საერთაშორისო ქომაგები, დიახაც, ერთად თავიანთ სიტყვას იტყვიან 26 ოქტომბერს, გაყალბება ამ ქვეყანაში გამორიცხული იქნება, ივანიშვილი არჩევნების შედეგებს ვერ გადაწერს.
ტერიტორიული მთლიანობის აღდგენა ნომერ პირველი საზრუნავია ბევრი ქართველისთვის, თუმცა, ეს მოღალატეობრივი პოლიტიკის გატარების პირობებში ვერ მოხდება. მთელი ტერიტორია, რაც საქართველოშია, რაც ოკუპაციას გადაურჩა, რუსული პოლიტიკის მიერაა ოკუპირებული და ივანიშვილი მისი პერსონიფიკაციაა. ის ამით ცდილობს ეროვნული მარცვალი, ინტერესი, საკვები მისცეს საზოგადოებას, თითქოს, რაღაც ჩაფიქრებული აქვს, დიდ თამაშს თამაშობს და ასეთი უცნაური გამოხტომები უნდა ეპატიოს, ვინაიდან დიდი ეროვნული მოღვაწეა, რომელმაც იცის, ერი როგორ უნდა გააერთიანოს. რა ერი უნდა გააერთიანოს, რომელი ტერიტორიული მთლიანობა უნდა აღადგინოს, ადამიანი 24 საათი აგრესიაზე, ძალადობაზე საუბრობს, შურს, ურთიერთდაპირისპირებას ახალისებს, ქვეყნის მოსახლეობა ერთმანეთს გადაკიდა. ხელისუფლება, რომელიც ამაში ხარჯავს თავის ენერგიას, ის ვერასდროს გააერთიანებს ქვეყანას, მითუმეტეს, ტერიტორიულ მთლიანობას ვერ აღადგენს. ტერიტორიული მთლიანობა ძლიერი სახელმწიფოს პირობებში აღდგება, ძლიერი სახელმწიფო „ქართული ოცნების“ შემთხვევაში ვერ იქნება“, - განაცხადა მელიამ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
