"ქოჩორას" მხარდაჭერით, ხავი და "ლევანტე" საქართველოში მოდიან..." - ესპანური კლუბი ჩვენს ქვეყანაში ტალანტების ძიებას იწყებს
ესპანური საფეხბურთო კლუბ "ლევანტეს" ოფიციალური საიტი განცხადებას აქვეყნებს და წერს, რომ ტალანტების მოძებნას საქართველოში იწყებს.
"სპორტული გაერთიანება "ლევანტე" აცხადებს მორიგ ID Talent პროექტს საქართველოში, ქალაქ თბილისში. აღნიშნული ღონისძიების მთავარი მიზანია, რომ მისცეს ახალგაზრდებს უნიკალური შანსი, საკუთარი შესაძლებლობების დამტკიცებისთვის. აღნიშნული ინიციატივის ფარგლებში, Levante არა მხოლოდ ეძებს მომავალ ტალანტებს, არამედ ასევე აძლევს ახალგაზრდებს შესაძლებლობას, რომ პირველი მაღალი რანგის სპორტული გამოცდილება მიიღონ პროფესიონალურ ფეხბურთში. აღნიშნული პროექტი საშუალებას მისცემს მონაწილეებს, რომ გამოსცადონ ჩვენი საფეხბურთო კლუბის პრინციპები და ღირებულებები, რომლებსაც მივსდევთ პროფესიონალი ფეხბურთელების გამოწრთვნისთვის. დაწმუნებულები ვართ, რომ აღნიშნული ღონისძიება, იქნება დასაწყისი ფუნდამენტური კავშირების დამყარებისა საქართველოს მხარესთან. ვიმედოვნებთ, რომ შესაძლებელ იქნება, ქართველმა დაწმყებმა ფეხბურთელებმა საკუთარი შესაძლებლობები გამოავლინონ ჩვენი ექსპერტები წინაშე. ასევე გვჯერა, რომ ეს დიდი მოტივაცია იქნება, დამწყები ფეხბურთელებისთვის და ასევე ჩვენ შესაძლებლობას მოგვცემს მომავალი დიდი ფეხბურთელები პირველებმა აღმოვაჩინოთ საქართველოში! გაიარეთ რეგისტრაცია "ლევანტეს" შესარჩევზე 19 და 20 აგვისტოს თბილისში!" - ვკითხულობთ განცახდებაში.
იქვე მითითებულია ამ ღონისძიების მიზნები, მათ შორის უპირველესია ახალგაზრდა ტალანტების აღმოჩენა.
"თუ ფეხბურთი გიყვარს, ეს შანსი აუცილებლად უნდა გამოიყენო! "ქოჩორას" მხარდაჭერით, ხავი (იგულისხმება "ლევანტეს" "ფბგვერდის" მენეჯერი ხავი დე ლა ოსა, რომელიც საქართველოში პოპულარული ქართულენოვანი პოსტებით გახდა - რედ.) და "ლევანტე" საქართველოში მოდიან ახალი ტალანტების მოსაძებნად! გელოდებით ორშაბათს და სამშაბათს, 2006-დან 2011 წლამდე დაბადებულებს, რათა გვაჩვენო შენი შესაძლებლობები და მიიღო "ლევანტეს" სტიპენდია!" - წერს "კლუბის" "ფეისბუქგვერდიც".