პრესსამსახურის ინფორმაციით, სამტრედიაში ნიკა მელიას თავს დაესხნენ
“კოალიცია ცვლილებებისთვის“ ერთ-ერთ ლიდერს, პარტია “ახალის“ თანათავმჯდომარეს ნიკა მელიას თავს დაესხნენ. ამის შესახებ “ინტერპრესნიუსს“ “ახალის“ პრესსამსახურში განუცხადეს.
ამავე ინფორმაციით, შემთხვევა მაშინ მოხდა, როდესაც ნიკა მელია სამტრედიაში ოფისის გახსნის დროს, მედიასთან კომენტარს აკეთებდა, მოულოდნელად კი მას თავს დაესხა პირი, რომელიც გარკვეული დროის განმავლობაში იმავე ტერიტორიაზე იმყოფებოდა. პრესსამსახურის ინფორმაციით, მომხდარის შემდეგ აღნიშნულმა პირმა ტერიტორია დატოვა.
მომხდარის სხვა დეტალები ამ დროისთვის, უცნობია.
შემთხვევის დროს, ადგილზე, ასევე, იმყოფებოდნენ “კოალიცია ცვლილებებისთვის“ სხვა ლიდერები.