ავარიას ყაზბეგის ქუჩაზე მოტოციკლის მძღოლი ემსხვერპლა - რისი გადაღება მოასწრო მოქალაქემ ტრაგედიის ადგილზე?(ვიდეო)

თბილისში, ყაზბეგის ქუჩაზე ავტოსაგზაო შემთხვევას ერთი ადამიანი ემსხვერპლა. ვრცელდება ინფორმაცია, რომ საპატრულო ეკიპაჟი დაედევნა მოტოციკლის მძღოლს, მოგვიანებით კი გზა გადაუკეტა და მძღოლი ეკიპაჟის მანქანას შეეჯახა. ბაიკერი ადგილზე დაიღუპა.

საბურთალოზე, ყაზბეგის ქუჩაზე მომხდარი ავარიის შედეგად მოტოციკლის მძღოლი გარდაიცვალა. გავრცელებული ინფორმაციის თანახმად, ის ავტომობილს შეეჯახა. სხვა დეტალები ტრაგიკულ შემთხვევასთან დაკავშირებით ჯერჯერობით უცნობია.

თუმცა, ცნობილი ხდება, რომ ადგილიდან მოქალაქემ “ფეისბუქ LIVE“ ჩართო და ავარიის ამსახველ კადრებს პირდაპირ ეთერში ტრანსლირებდა. ის “LIVE- ში“ გარკვეული დროის განმავლობაში იმყოფებოდა, თუმცა სამართალდამცველებმა მას ტელეფონი ჩამოართვეს და ადმინისტრაციული წესით დააკავეს.

შემთხვევის ადგილიდან გადაღებულ ვიდეო მასალის მონაკვეთს “მთავარი არხი“ ავრცელებს.

აღნიშნულთან დაკავშირებით შსს განმარტებას არ აკეთებს.