“მე ახლა მე-12-ე მოთამაშე ვიქნები... დიდებული სამი წელი იყო“ - დავით ხოჭოლავამ კარიერა დაასრულა: აცრემლებული ფეხბურთელის ამაღელვებელი გამომშვიდობება (ვიდეო)
საქართველოს ნაკრებისა და დანიური "კოპენჰაგენის" აწ უკვე ყოფილმა მცველმა დავით ხოჭოლავამ ფეხბურთელის კარიერა დაასრულა! 31 წლის მცველმა კარიერის ბოლო მატჩი 2023 წლის ოქტომბერში ჩაატარა. მას შემდეგ ხოჭოლავამ 2 ოპერაცია გაიკეთა და დღემდე რეაბილიტაციას გადიოდა.
ფეხბურთელს საკლუბო კარიერის მანძილზე რუსთავის "მეტალურგში", თბილისის "დინამოში", ფოთის "კოლხეთში", ქობულეთის "შუქურაში", ოდესის "ჩერნომორეცში", დონეცკის "შახტარსა" და "კოპენჰაგენში" უთამაშია. ხოჭოლავას ეროვნული გუნდის მაისურით 39 მატჩი აქვს ჩატარებული.
- კლუბი F.C. København, სადაც ხოჭოლავა ბოლო 3 წლის განმავლობაში თამაშობდა, ფეხბურთელთან გამოსამშვიდობებელ, ემოციურ ვიდეოს აქვეყნებს
- რას ნიშნავს შენთვის და შენი ოჯახისთვის აქ გატარებული დრო?
- ოჰ ყველაფერს... ჩვენ გვიყვარს ეს ადგილი, ქალაქი, კლუბი. ძნელია დამშვიდობება, მაგრამ ეს არ არის დამშვიდობება, რადგან მე ახლა მე-12-ე მოთამაშე ვიქნები.
- გინდათ ფანებისთვის რაიმეს თქმა?
- მადლობა თქვენ, ფანებს, კლუბს, მწვრთნელებს, ფიზიოთერაპევტებს. დიდებული სამი წელი იყო.
- “მოგვენატრები ხოჭო! მადლობა ყველა გაწეული საქმიანობისთვის და მოგონებებისთვის, შენ ყოველთვის ერთ-ერთი ჩვენგანი იქნები“ - წერს F.C. კოპენჰაგენი.
თბილისში დაბადებულმა ხოჭოლავამ კარიერა "საბურთალოში", თავდამსხმელის რანგში დაიწყო, მოგვიანებით კი თამაში დაცვაში გააგრძელა. 2011 წელს ხოჭოლავა თბილისის დინამოში გადავიდა. ის ასევე თამაშობდა ფოთის კოლხეთში და ქობულეთის „შუქურაში.“ 2015 წლის ზაფხულში კონტრაქტი ოდესის ჩორნომორეცთან გააფორმა და სასტარტო შემადგენლობის მუდმივი წევრი გახდა. 2017 წლის მარტში უკრაინის პრემიერლიგის სიმბოლურ ნაკრებში ითამაშა.
2017 წლის აპრილში დონეცკის "შახტარმა" დაადასტურა, რომ ხოჭოლავამ კლუბთან ხუთწლიანი კონტრაქტი გააფორმა, სადაც ბოლომდე თამაშობდა. 2021 წლის 6 ივლისს კი დანიის სუპერლიგის გუნდი F.C. კოპენჰაგენში ოთხწლიანი კონტრაქტით გადავიდა. ერთ თვეში კლუბის შემადგენლობაში თავისი გოლი გაიტანა. 2022 წლის 22 მაისს, კლუბთან ერთად მოიგო დანიის სუპერლიგა.
დავით ხოჭოლავას დებიუტი საქართველოს ნაკრების შემადგენლობაში 2017 წლის 23 იანვარს უზბეკეთთან ამხანაგურ მატჩში შედგა.
- პირადი ცხოვრება
2020 წელს მაშინდელი დონეცკის "შახტარის" ფეხბურთელი "მის უკრაინის" კონკურსის ფინალისტზე იულია სიდორენკოზე დაქორწინდა. როგორც მაშინ ადგილობრივი მედია წერდა, უკრაინელი მოდელის გულისთვის დავით ხოჭოლავა პირველ მეუღლეს დაშორდა.
პირველი ქორწილი სპორტსმენმა პარიზში გადაიხადა. ალინამ მეუღლის გვარი მიიღო და ალინა ხოჭოლავა გახდა. ასე იყო ის დარეგისტრირებული სოციალურ ქსელშიც, სადაც ქართველ ქმარს რომანტიკულ პოსტებს უძღვნიდა.
მეორე ქორწილი უკრაინაში შედგა. მეუღლის გვარზე გადავიდა იულიაც და ახლა ქალი იულია ხოჭოლავაა. ქორწილიდან რამდენიმე თვეში წყვილს პირველი შვილი, ალექსანდრე შეეძინა.
ასევე იხილეთ: