"მატჩი მამა-შვილებს შორის" - რას წერენ ფეხბურთის უცხოელი გულშემატკივრები რანალდუსა და ქართველ ფეხბურთელების წლების წინ გადაღებულ ფოტოებზე?
საქართველოს საფეხბურთო ნაკრები ევროპის ჩემპიონატის ჯგუფური ეტაპის დასკვნით მატჩში პორტუგალიის ნაკრებს შეხვდება.
მატჩი გელზენკირხენში თბილისის დროით 23:00 საათზე დაიწყება. ეროვნულმა ნაკრებმა პორტუგალიასთან შეხვედრამდე ბოლო ვარჯიში გამართა.
უკვე ცნობილია, რომ პორტუგალიელი ფეხბურთელი კრიშტიანუ რონალდუ საქართველოს წინააღმდეგ პირველივე წუთებიდან ითამაშებს. პორტუგალიის ნაკრების მთავარმა მწვრთნელმა რობერტო მარტინესმა დაადასტურა, რომ გუნდის ლიდერი და კაპიტანი აუცილებლად ძირითად შემადგენლობაში იქნება.
- რონალდუ წლების წინ ესტუმრა საქართველოს და 2013 წელს თბილისის "დინამოს" აკადემიის გახსნას დაესწრო, სწორედ მაშინ შეხვდა საქართველოს ნაკრების ამჟამინდელ ფეხბურთელებს, რომლებიც ჯერ კიდევ ბავშვები იყვნენ. რონალდუს ხვიჩა კვარაცხელიასთან, გიორგი ქოჩორაშვილთან, გიორგი ჩაკვეტაძესთან, ზურიკო დავითაშვილსა და ანზორ მექვაბიშვილთან გადაღებულმა ფოტოებმა დღეს სოციალური ქსელები მოიარა, რასა როგორც ქართველი, ისე უცხოელი გულშემატკივრების გამოხმაურება მოჰყვა.
"წელს ისტორიაში საუკეთესო ჩემპიონატი გველის";
'წარმოიდგინეთ, როგორი შეგრძნებაა, როცა შენი "კერპის" წინააღმდეგ გიწევს თამაში";
"მატჩი მამა-შვილებს შორის";
"ეს ქართველი ბიჭები დღეს პორტუგალიას დაამარცხებენ";
"დღეს მსოფლიოს საუკეთესო ფეხბურთელი საქართველოსთან დამარცხდება";
"ახლა ვხვდები, რატომ თამაშობს საქართველო ასე კარგად", - ვკითხულობთ უცხოელი გულშემატკივრების კომენტარებში.