"ევრო 2024-ის ყველაზე დაბალი რეიტინგის გუნდმა ისტორია დაწერა" - რას წერს The Guardian - ი საქართველოს ნაკრებზე?
ევრო 2024-ის ყველაზე დაბალი რეიტინგის გუნდმა ისტორია დაწერა - The Guardian საქართველოს ეროვნული ნაკრების შესახებ სტატიას აქვეყნებს. გამოცემის ცნობით, პირველი ქულის მოპოვების შემდეგ ნაკრებმა ჰამბურგის პრესკონფერენციის ოთახში შესვლისას ჟურნალისტებისგან აპლოდისმენტები დაიმსახურა. ამჟამად, ყველაზე დიდი ყურადღება 26 ივნისს დაგეგმილ თამაშზეა გამახვილებული.
"ამ მომენტში ცხადია, რომ საქართველო ოცნებას არ შეწყვეტს" - წერს The Guardian.
"ბევრს არ სჯეროდა, რომ ევროპის ჩემპიონატზე გავიდოდით, მაგრამ ჩვენ აქ ვართ და ახლა პორტუგალიის დამარცხებაზე და შემდეგ ტურში გასვლაზე უნდა ვიფიქროთ. 1%-იანი შანსიც რომ გვქონდეს, გამოვიყენებთ. შევეცდებით კიდევ ერთი გვერდი დავამატოთ ჩვენს ისტორიას", - ამბობს ხვიჩა კვარაცხელია.
"პორტუგალია პორტუგალიაა, ეს ფანტასტიკური გუნდია, სადაც ბევრი საუკეთესო მოთამაშეა. ჩვენ ვიცით, რომ რთული იქნება, მაგრამ თუ მცირე შანსია კვალიფიკაციისთვის, შეგიძლიათ დარწმუნებული იყოთ, რომ ჩემი ფეხბურთელები ყველაფერს გააკეთებენ. ძალიან გვიხარია, რომ ჩემპიონატის ნაწილი ვართ... ყველას ვაჩვენეთ, რომ საქართველო იმსახურებს აქ ყოფნას.
ვფიქრობ, ძალიან გვეხმარება იმის ცოდნა, რომ დასაკარგი არაფერი გვაქვს. ჩვენი აქ მოსვლის მთავარი მიზანი გამოცდილების მიღება იყო. საქართველო ძალიან მიყვარს... შესაძლოა, ჩემპიონები არ გავხდეთ, მაგრამ აქ ყოფნას ნამდვილად ვიმსახურებთ“, - ამბობს ვილი სანიოლი. წყარო
- განახლება: 27.06.2024 - 09:54
- ევროპის ჩემპიონატის ბოლო, მესამე ტურში, F ჯგუფში საქართველოს ნაკრები პორტუგალიას დაუპირისპირდა და დაამარცხა ანგარიშით 2:0
იხილეთ ასევე: