24
მარტიდღის ზოგადი ასტროლოგიური პროგნოზი
"მაგისტრატურაც დაამთავრა..." - წერს საქართველოს ექსპრემიერ-მინისტრის, ზურაბ ჟვანიას ცოლი, ნინო ჟვანია სოციალურ ქსელში და შვილთან, ბუსა ჟვანიასთან ერთად გადაღებულ ფოტოს აქვეყნებს.
კომენტარებში ექსპრემიერის ქვრივი უამრავ მილოცვას იღებს. ბუსას სწავლის დამთავრებას ულოცავენ და ბედნიერ მომავალს უსურვებენ.
ნინო ჟვანიამ მეუღლის გარდაცვალების შემდეგ სამი შვილი, ორი გოგონა და ერთი ვაჟი გაზარდა. ზურაბ ჟვანიას გარდაცვალების შემდეგ მისი ოჯახი ყოველთვის ყურადღების ცენტრში იყო.
ბუსა ჟვანია სკანდალში პირველად 2020 წელს გაეხვა, როდესაც ბიზნესმენისა და ყოფილი დეპუტატის გოგი თოფაძის შვილიშვილი ლევან თოფაძე დაჭრა. მაშინ სასამართლომ 3-წლიანი პატიმრობა მიუსაჯა, საიდანაც ბუსამ პენიტენციურ დაწესებულებაში წელიწადნახევარი გაატარა, დანარჩენი წელიწადნახევარი კი პირობითად ჩაეთვალა.
2021 წელს ნინო ჟვანია სოციალურ ქსელში წერდა, "ჩემმა შვილმა, ბესარიონმა, მაგისტრატურის მისაღები საერთაშორისო გამოცდა GMAT ჩააბარა და მიღებული ქულით 740 ტოპ 3%ში შევიდა. მადლობა პენიტენციურ დეპარტამენტს თანადგომისათვის"
ბუსა ჟვანიას სახელი კიდევ ერთი დანაშაულის შემთხვევაში გაჟღერდა, როდესაც, 2021 წლის სექტემბერში 22 წლის ნიკოლოზ კვარაცხელია მოკლეს. თუმცა მაშინ ექსპრემიერის შვილმა განცხადება გაავრცელა, სადაც ოჯახს მიუსამძიმრა და წერდა, რომ საგანმანათლებლო საკითხებთან დაკავშირების საზღვარგარეთ იმყოფებოდა და ამ საქმესთან კავშირი უარყო.
რამდენიმე თვის წინ კვირის პალიტრასთან ინტერვიუში ნინო ჟვანია შვილზე ამბობდა:
"ახლა სწავლობს, თან მუშაობს "ამაზონში". რაც შეემთხვა, ხდება ასეთი რაღაცები ცხოვრებაში...“
წაიკითხეთ ასევე:
- "ისეთი მაღალი ქულა მიიღო, მსოფლიო მაჩვენებლით ტოპ 2%-ში შევიდა" - რას საქმიანობს და სად მუშაობს ზურაბ ჟვანიას ვაჟი პატიმრობის შემდეგ?
- "ჩემმა შვილმა მაგისტრატურის მისაღები საერთაშორისო გამოცდა GMAT ჩააბარა და მიღებული ქულით ტოპ 3%-ში შევიდა" - რას წერს ნინო ქადაგიძე?
- "ვრცელდება ცრუ ინფორმაცია, თითქოს კავშირში ვარ კვარაცხელიას მკვლელობის საქმესთან... ამჟამად საზღვარგარეთ ვიმყოფები" - ბუსა ჟვანია
