"წმინდა პოლიტიკური და სახელმწიფოებრივი თვალსაზრისით უკეთესია, რომ ეს კანონი იქნას მიღებული" - გია ხუხაშვილი
საზოგადოების მნიშვნელოვანი ნაწილის წინააღმდეგობის მიუხედავად, იურიდიულ საკითხთა კომიტეტმა "უცხოური გავლენის გამჭვირვალობის შესახებ" კანონპროექტს მესამე მოსმენით მხარი დაუჭირა. კომიტეტის სხდომის დამსწრე დეპუტატებს კანონპროექტთან დაკავშირებით შეკითხვა, შენიშვნა, მოსაზრებები არ ჰქონდათ და მათ პროექტს მხარი დაუჭირეს. აქედან გამომდინარე, სხდომა დაწყებიდან დაახლოებით 2 წუთზე ნაკლებ დროში, 1 წუთსა და 7 წამში დასრულდა.
ამ საკითხზე ექსპერტი გია ხუხაშვილი სოციალურ ქსელში წერს:
"წმინდა პოლიტიკური და სახელმწიფოებრივი თვალსაზრისით უკეთესია, რომ ეს კანონი იქნას მიღებული.
ჩვენ ახლა ვიმყოფებით სრულფასოვანი ლუსტრაციის პროცესში, რომლის შედეგადაც ზუსტად გვეცოდინება, ვისთან ერთად წავალთ ევროპულ საქართველოში და ვის გავისტუმრებთ ისტორიის სანაგვეზე.
ვინც ხვალ რუბიკონს გადალახავს, მან უნდა იცოდეს, რომ ვერანაირი “ბიძინა მავალებდა, მაშანტაჟებდა”, ვერანაირი შეძრომა-გამოძრომა, თავზე ნაცრის დაყრა ვერ უშველის, რადგან ჩადიან დანაშაულს, რომელსაც ხანდაზმულობის ვადა არა აქვს.
ჩვენი ჩარევაც არ დასჭირდებათ - საკუთარი შვილები გამოუტანენ განაჩენს".
იხილეთ ასევე: