მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ზედმეტად გამხდარი ჯეი ლო და ცნობილები, რომლებიც საზოგადოებას აჯერებენ, თითქოს იდეალურ წონას დიეტით მიაღწიეს" - "ოზემპიკის" სკანდალი მსოფლიოსა და საქართველოში
20:29 / 09-05-2024
ჩავარდნილი ლოყები და უჩვეულოდ გამხდარი წელი - ეს ორი რამ აშკარად თვალშისაცემი იყო იმ ვარსკვლავების გარეგნობაში, რომლებმაც 2024 წლის Met Gala-ზე წითელ ხალიჩაზე გაიარეს. თაყვანისმცემლები განსაკუთრებულად 54 წლის ჯენიფერ ლოპესის ფიზიკურმა მონაცემებმა აღაშფოთა, მას "ზედმეტად გამხდარიც" კი უწოდეს.
უცხოური მედია წერს, რომ ჯეი ლოს გარეგნული ცვლილება, რაც ძირითადად წონაში კლებაში აისახა, შესაძლოა, "ოზემპიკის" დამსახურება იყოს. შეგახსენებთ, რომ ეს არის წამალი, რომელიც რამდენიმე წელია პოპულარულია, როგორც წონაში დასაკლები საშუალება, რეალურად კი მისი მოხმარება მხოლოდ მეორე ტიპის დიაბეტის მქონდე ადამიანებისთვის არის სასურველი, ისიც ექიმის დანიშნულებით.
ვერსია, რომ შესაძლოა ჯენიფერ ლოპესი "ოზემპიკს" მოიხმარდეს პირველად გასულ თვეში გავრცელდა. მას შემდეგ, რაც სოციალურ ქსელში მომღერალმა გამოაქვეყნა ფოტო, სადაც მჭიდროდ მორგებული თეთრი კაბა აცვია.
თაყვანისმცემლები ვარსკვლავის წონაში ასეთმა სწრაფმა კლებამ გააოცა, ისინი კომენტარებში ეკითხებოდნენ, თუ როგორ დაიკლო ასე სწრაფად. მომხმარებლებმა აღნიშნეს, რომ არასოდეს უნახავთ ის ასეთი გამხდარი, ხოლო ერთ-ერთმა მათგანმა დაწერა, რომ ვარსკვლავის დედა მოიხმარდა Ozempic-ის ინექციას, რადგან მას დიაბეტი აქვს და "ჯეი ლო კი იღებს ისე, თითქოს უბრალოდ ტკბილეული იყოს..."
ჯენიფერ ლოპესი არ არის ერთადერთი ვარსკვლავი, რომელიც ეჭვმიტანილია Ozempic-ის გამოყენებაში წონაში დასაკლებად. იგივე კითხვა ისმის კიმ კარდაშიანის მისამართით, რომელმაც 2022 წელს წონაში ძალიან სწრაფად დაიკლო და წელს Met Gala-ზე არაბუნებრივად გამხდარი წელით გამოჩნდა. ცნობილია, რომ „ოზემპიკს“ მოიხმარდნენ კრისტინა აგილერა და ნასტია ივლეევაც. თუმცა ყველა ცნობილი სახე არ არის მზად აღიაროს, რომ დიაბეტის წამალს იყენებენ. ამ დროს საზოგადოებას აჯერებენ, რომ თითქოს იდეალურ წონას ვარჯიშითა და დიეტის საშუალებით მიაღწიეს.
ეს არ არის პირველი შემთხვევა, როდესაც კიმ კარდაშიანი „ოზემპიკის“ სკანდალში გაეხვა. 2022 წელს, როდესაც მერლინ მონროს კაბა ჩაიცვა. მაშინ ვარსკვლავმა სამ კვირაში 16 კილოგრამი დაიკლო.
იგი ამტკიცებდა, რომ სპეციალური დიეტა დაიცვა და მხოლოდ ბოსტნეულისა და ცილებს მიირთმევდა. ასევე ვარჯიშობდა სარბენ ბილიკზე და დღეში ორჯერ სარგებლობდა საუნით.
- "ოზემპიკის" შესახებ საქართველოში საჯაროდ პირველად ექიმმა და მიხეილ სააკაშვილის წარმომადგენელმა სოფო ჯაფარიძემ ისაუბრა.
- მესამე ბავშვის გაჩენის შემდეგ დისკომფორტი მქონდა, წონაში კლება გამიჭირდა, დაახლოებით ათი კილო მქონდა ზედმეტი. ასეთი გამხდარი როგორც ახლა ვარ, არასოდეს არ ვყოფილვარ არცერთ ასაკში, მაგრამ ამაზე 8 კილოთი მეტი ვიყავი მინიმუმი რაც აქამდე ვყოფილვარ. დიახ, ზედმეტი მომივიდა.
შემდეგ გავიგე პრეპარატის შესახებ, ეს არის კანქვეშა ინექცია, რომელიც ინიშნება დიაბეტის დროს. მე სრულიად არაექიმურად მოვიქეცი, რასაც დღეს ძალიან ვნანობ. ორი თვე ვიკეთებდი და საოცარი შედეგი მქონდა. მომენტალური კლება დავიწყე. მაგრამ ყველაზე ასე არ არის, დედაჩემი იკეთებს, მაგრამ გრამი არ აქვს დაკლებული.
სოფო ჯაფარიძემ საჯაროდ აღიარა, რომ წამლის მოხმარების შემდეგ გაუჩნდა კვანძები, დასჭირდა ოპერაცია. პრეპარატის გამოყენების შემდეგ ის კიდევ ერთი პრობლემის წინაშე დადგა, იძულებული გახდა, რომ სახეზე ინექციებისთვის მიემართა, რათა ჩავარდნილი ლოყებისთვის ეშველა.
"ლოყები ჩამივარდა, ინექციის მეშინია და სახეზე ინექციებს ვერ ვიკეთებდი და ბოლოს გარდაუვალი იყო. ამ დროს არაჯანსაღი ადამიანის ვიზუალი გაქვს. სრულიად უცხო ხალხი მირეკავდა, არ ჩერდებოდა ტელეფონი, მეკითხებოდნენ რა მოგივიდაო, ყველას ემპათიის გრძნობა გაუჩნდა ჩემს მიმართ. დარწმუნებულები იყვნენ, რომ ჯანმრთელობის პრობლემა მქონდა და ამ დროს ჩემი ნებით ვიკლებდი.
ცხოვრებაში არასოდეს მქონია მენტალური პრობლემები, არ ვიცოდი რა იყო შფოთვა და ახლა დამეწყო. ყველას ვთხოვ, რომ ექიმის გარეშე არ გაეკაროთ ამ პრეპარატს...“
პრეპარატი საქართველოში არ იყიდება, მის გამოწერას მომხმარებლები სხვადასხვა ინტერნეტსაიტის საშუალებით ახერხებენ. რეალურად პრეპარატი წონაში დასაკლებად არ გამოიყენება, ექიმები მას დიაბეტი ტიპი 2-ით დაავადებულ პაციენტებს სამკურნალოდ, დამხმარე საშუალებად უნიშნავენ. რადგან ინექცია მადის დაქვეითებას იწვევს, ჩვეულებრივ შემთხვევაში ადამიანების ნაწილი მისი მოხმარებისას წონაში იკლებენ, მაგრამ უკუჩვენებები ჯანმრთელი ადამიანის შემთხვევაში იმდენად დიდია, რომ დაუშვებელია მისი მოხმარება ექიმის გარეშე
AMBEBI.GE-სთან ენდოკრინოლოგი ანა მამასახლისი ამბობს, რომ რომ ბოლო დროს პაციენტებში ამ მედიკამენტის მიმართ ინტერესი გაზრდილია. ჰქონდა შემთხვევებიც, როდესაც პრეპარატის არადანიშნულებისამებრ მოხმარების შემდეგ, პაციენტს მკურნალობა დასჭირდა.
„მქონდა შემთხვევა, როდესაც პაციენტმა იმ დონეზე დაკარგა მადა, რომ წონაში ძალიან დაიკლო და მეორე უკიდურესობაში გადავარდა. ამან ძალიან ცუდად იმოქმედა მის ორგანიზმზე. ზოგადად, პრეპარატს გააჩნია გვერდითი მოვლენები, რომელიც კონკრეტული პაციენტისთვის აღმოჩნდა ძალიან მძიმე და შემაწუხებელი.“
წაიკითხეთ ასევე:
- რა შეიძლება გამოიწვიოს ანტიდიაბეტური პრეპარატის ინექციამ, რომელსაც წონის დასაკლებად, თვითნებურად იყენებენ? - ენდოკრინოლოგი გვაფრთხილებს
- "გამიჩნდა კვანძები, გავხდი საოპერაციო... ვეღარ ვიმატებ, შემეცვალა გემოვნება, მირეკავდნენ, რა მოგივიდაო" - რა პრობლემები შეუქმნა სოფო ჯაფარიძეს პოპულარულმა დასაკლებმა პრეპარატმა?
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
