28
მარტიდღის ზოგადი ასტროლოგიური პროგნოზი
"რაც მეტს გალახავთ, გაამწარებთ და დაარბევთ, მით მეტი წინააღმდეგობა წამოვა. გონს მოეგეთ და მიიღეთ სწორი გადაწყვეტილება", - ამის შესახებ მომღერალი ნატალია ქუთათელაძე სოციალურ ქსელში წერს და მიმდინარე მოვლენებს ეხმიანება.
"სამოქალაქო ომამდე ვფიქრობ, სულ რამდენიმე ნაბიჯი გვაშორებს. ასეთი კატასტროფული გახლეჩა საზოგადოების, ასეთი ზიზღი და ერთმანეთის ლანძღვა, ნუთუ ღირს ამ დამპალ კანონის მიღებად?
ქოცებო, არ გახსოვთ რა შეურაცხმყოფელი იყო, როდესაც არავის აინტერესებდა თქვენი აზრი? როდესაც უმიზეზოდ ქუჩაში გცემდნენ და გამწარებდნენ? ეტყობა ყველას ყველაფერი ავიწყდება...
ამისთანა რა დავალებაა ასეთი, რომ გიღირთ ამხელა არეულობად?!
ეს არ დამთავრდება, რაც მეტს გალახავთ, გაამწარებთ და დაარბევთ, მით მეტი წინააღმდეგობა წამოვა. გონს მოეგეთ და მიიღეთ სწორი გადაწყვეტილება. ნუ დაგვანგრიეთ თავზე ქვეყანა ამ პოლიტიკურმა პარტიებმა, თუ იქით და თუ აქეთ. და ნურავის ნუ გავიწყდებათ, ვის ემსახურებით!!!" - წერს ნატალია ქუთათელაძე.
- ცნობისთვის, 30 აპრილს, პარლამენტთან, "უცხოური გავლენის გამჭვირვალობის შესახებ" კანონპროექტის საწინააღმდეგო აქციის მონაწილეების დაშლა დაახლოებით 21:30 საათიდან დაიწყო. სპეცრაზმმა აქციის მონაწილეების წინააღმდეგ 6 საათის განმავლობაში ე.წ. წიწაკის სპრეი, წყლის ჭავლი და ცრემლსადენი გაზი არაერთხელ გამოიყენა. დაშავდა ათეულობით ადამიანი, რომელთაც პირველადი დახმარება სასწრაფოს ბრიგადებმა ადგილზევე აღმოუჩინეს. აქციის მსვლელობისას არაერთი მომიტინგეც დააკავეს.
ნახეთ ასევე:
