"ბიანკას მამა განრისხებულია და აინტერესებს, რას იგრძნობდა ქანიე, მის ქალიშვილებს მამაკაცი ასე რომ მოპყრობოდა" - ბიანკა ცენსორი კოლჰოტით და საცვლების გარეშე: მორიგი სკანდალი

რეპერი ქანიე ვესტი და მისი ცოლი ბიანკა ცენსორი კვლავ მედიის ყურადღების ცენტრშია. ბიანკას ოჯახთან დაახლოებული პირები ამბობენ, რომ მისი მამა შეშფოთებული და განრისხებულია, რადგან თვლის, რომ ქანიე უესტი მისი შვილის ოჯახისგან ჩამოშორებას ცდილობს და მას რეპუტაციას უნადგურებს.

ეს ინფორმაცია მას შემდეგ გავრცელდა, რაც 29 წლის ცენსორი პარიზში რეპერთან ერთად სავახშმოდ საცვლის გარეშე, მხოლოდ კოლჰოტის ამარა გამოჩნდა.

ამ საქციელისთვის ის შესაძლოა, ციხეშიც კი აღმოჩნდეს, რადგან საფრანგეთში მოქმედებს კანონი, რომლის მიხედვით, საჯარო ადგილებში სასქესო ორგანოების გამოჩენა 1-წლიანი თავისუფლების აღკვეთითა და ფულადი ჯარიმით ისჯება.

წყაროების მონაყოლის მიხედვით, ბიანკას ოჯახი მასზე ნერვიულობს და გულწრფელად აინტერესებთ, რას იგრძნობდა ქანიე, რომელიმე მამაკაცი მის ქალიშვილებს, ნორთსა და ჩიკაგოს მსგავსად რომ მოპყრობოდა.

"ბიანკას მამას, ლეოს სურს, ქანიეს სათანადოდ გამოჰკითხოს, რაზე ფიქრობს, როცა ბიანკას საჯაროდ აშიშვლებს. რას გააკეთებს, თუ მისი ქალიშვილები საზოგადოებაში ქმრების მიერ წახალისებულ სამოსში, ნახევრად შიშვლები გამოჩნდებიან?!"

წყარო დასძენს: "მამაკაცმა საყვარელი ქალი არასდროს უნდა წაახალისოს, რომ საზოგადოებაში ასე გამოჩნდეს. ეს არ არის სიყვარული, ეს კონტროლია". წყაროსავე თქმით, მის მეგობრებს უკვე აღარც კი აკვირვებთ ბიანკას ჩაცმულობა.

ეს პირველი შემთხვევა არაა, როცა ბიანკას ოჯახი და მეგობრები ქანიეს განზრახვებს ეჭვქვეშ აყენებენ:

"ბიანკას ოჯახი ღელავს, რადგან სულ უფრო და უფრო უარესი რამ ხდება",- განუცხადა წარსულში მიცემულ ინტერვიუში წყარომ Daily Mail-ს.

"ბიანკა აშკარად ვერ აცნობიერებს, რომ მისი ტანსაცმელი არა მხოლოდ ამაზრზენი და ცუდი მაგალითის მიმცემია, არამედ ის პოტენციურად კანონსაც არღვევს. ოჯახი ფიქრობს, რომ ბიანკა ასე არ მოიქცეოდა, ქმარი რომ არ მართავდეს", - ჰყვებოდა ქალის ოჯახთან დაახლოებული პირი.

კიდევ ერთი წყაროს თქმით, ყოფილმა ცოლმა, კიმ კარდაშიანმა ქანიეს კატეგორიულად განუცხადა, რომ ბიანკა მის შვილებთან ყოფნისას ნახევრად შიშველი არ ყოფილიყო და უფრო მოკრძალებულად სცმოდა.

წყარო: dailymail

ნახეთ ასევე:

"ქანიეს ბიანკასთვის რამდენიმე წესი აქვს. პირველია, რომ მან ხმა არ უნდა ამოიღოს და მეორე - ის ჩაიცვას, რაც ქანიეს სურს" - ახალგაზრდა ქალი მეუღლის ჩრდილქვეშ: რას წერენ ტაბლოიდები?

მოამზადა: ანა სიბოშვილმა