მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
World Vision-ის საგანმანათლებლო და სოციალური მხარდაჭერის ცენტრი უკრაინელი ბავშვებისთვის
11:44 / 21-02-2024
უკრაინის ომის შედეგად მილიონობით უკრაინელს მოუწია ქვეყნის დატოვება. საქართველო არის ერთ-ერთი ქვეყანა, რომელიც უკრაინიდან ჩამოსულ მოქალაქეებს თავშესაფარს სთავაზობს და სხვადასხვა სახის დახმარებას უწევს. ჰუმანიტარულის გარდა, ლტოლვილ ბავშვებს და მათ ოჯახებს ბევრი სხვა საჭიროებაც აქვთ და მათ ყოველდღიურად ახალ გამოწვევებთან უწევთ გამკლავება.
საერთაშორისო ორგანიზაცია World Vision საქართველოში უკვე 25 წელზე მეტია ფუნქციონირებს და სხვადასხვა მნიშვნელოვან პროექტს ახორციელებს მოწყვლადი ბავშვებისა და ადგილობრივი თემის დასახმარებლად. კონფლიქტის პირველივე დღეებიდან ორგანიზაცია გვერდში დაუდგა უკრაინიდან ათასობით ჩამოსულ ოჯახს. სხვადასხვა მატერიალური თუ ფინანსური მხარდაჭერის მეშვეობით მათი საბაზისო საჭიროებების დაკმაყოფილების გარდა, World Vision საქართველოს გუნდისთვის პრიორიტეტულია ბავშვების განათლებაზე, მენტალურ ჯანმრთელობაზე, განვითარებასა და ზოგადად მათ კეთილდღეობაზე ზრუნვა. სწორედ ამ მიზნებს ემსახურება საგანმანათლებლო და სოციალური მხარდაჭერისათვის შექმნილი სივრცე „ჰეფი სფეისი“, რომელიც მრავალფეროვან წრეებსა და კურსებს სრულიად უფასოდ სთავაზობს უკრაინელ ბავშვებსა და მათ ოჯახის წევრებს.,
ამ ეტაპზე ცენტრები ფუნქციონირებს თბილისსა და ბათუმში. კვალიფიციური სპეციალისტებით, მასწავლებლებითა და ტრენერებით დაკომპლექტებული ცენტრი სთავაზობს მრავალფეროვან პროგრამას ყველა ასაკის ადამიანს, მათ შორის სკოლამდელი ასაკის ბავშვებს, მოზარდებს, ზრდასრულებსა და ხანდაზმულებს. აქტივობები ძირითადად ორ მიმართულებად იყოფა:
- არაფორმალური განათლება, რომელშიც შედის (ქართული, ინგლისური და უკრაინული) კურსები, შემეცნებითი თამაშები, ახალგაზრდული კლუბი, ფილმების ჩვენება, თეატრალური წრე, მათემატიკის გაკვეთილები, ეფექტური კომუნიკაციის წრე, წინასასკოლო მოსამზადებელი წრე.
- ფსიქო-სოციალური მხარდაჭერა, რომელიც მოიცავს მუსიკისა და ცეკვის სინთეზურ აქტივობებს, მითოდრამას, არტთერაპიას, სტრესის მართვისა და კონფლიქტთან გამკლავების სესიებს.
ცენტრის ბაზაზე შექმნილია ასევე სხვადასხვა კლუბები, ახალგაზრდებისთვის, ქალებისთვის, ხანდაზმულებისთვის (60+ პირებისთვის). აღნიშნული აქტივობების მიზანია უკრაინელი ბავშვების და მათი ოჯახების მხარდაჭერა, გაძლიერება და ახალ გარემოში ინტეგრაციის ხელშეწყობა.
„ჩვენი ცენტრის სერვისებით წელს უკვე 2000-ზე მეტმა პირმა ისარგებლა. ბავშვების კეთილდღეობა მნიშვნელოვნად არის დამოკიდებული მათ მშობლებსა და გარემოზე. შესაბამისად, ჩვენ ვმუშაობთ ოჯახის ყველა წევრთან, მათ შორის ბებიებთან და ბაბუებთან. უკრაინაში ომის დაწყებიდან მალევე მივხვდით, რომ ადამიანებს ძალიან აკლდათ ურთიერთობები და სჭირდებოდათ ისეთი ადგილი, სადაც ისინი თავს იგრძნობდნენ უსაფრთხოდ და დაცულად, შეძლებდნენ შეკრებას და ერთმანეთთან კომუნიკაციას, თავიანთი დარდის თუ გამოცდილების გაზიარებას. სწორედ ამიტომ, ჩვენ ზრდასრულ ბენეფიციარებთან დავიწყეთ ფსიქოლოგის ინდივიდუალური და ჯგუფური სესიების, ხოლო ბავშვებთან მუსიკალური თერაპიისა და მითოდრამის წრეების ჩატარება, რაც ძალიან დადებითად მოქმედებს მათ ემოციურ და მენტალურ მდგომარეობაზე. ეს ყველაფერი ერთი ოთახიდან დაიწყო, რომელიც ოფისში იყო გამოყოფილი. რადგან საჭიროებები ბევრი იყო და სერვისებზე მოთხოვნაც სულ უფრო იზრდებოდა, გადავწყვიტეთ გაფართოება, რათა მეტ ადამიანს და ბავშვს დავხმარებოდით. ასე გაჩნდა ცენტრის შექმნის იდეა, რომელიც ახლა უკვე ბევრი უკრაინელისთვის, საკუთარ სახლთან, უსაფრთხო და მეგობრულ გარემოსთან ასოცირდება“, - აღნიშნავს სვიტლანა, “ჰეფი სფეისის“ კოორდინატორი და სულისჩამდგმელი, რომელიც სხვა უკრაინელების მსგავსად ომის დროს ჩამოვიდა საქართველოში და მალევე შეუერთდა World Vision-ის გუნდს.
როგორც სვიტლანა აღნიშნავს, არტთერაპია, მითოდრამა და თეატრალური წრეები ბავშვებსა და მოზარდებს ეხმარება ომის შედეგად გადატანილ სტრესთან გამკლავებაში და ემოციების გამოხატვასა და მართვაში, რაც მათ მენტალურ ჯანმრთელობაზე დადებითად აისახება. მისივე თქმით, მშობლებიც და ხანდაზმულებიც დიდი მონდომებით ესწრებიან სხვადასხვა სესიასა და შეკრებას.
„კლუბი 60+ ასაკოვანი ადამიანებისთვის ჩემი ერთ-ერთი უსაყვარლესი აქტივობაა, რადგან აქ ძალიან თბილი და მეგობრული გარემოა. გარდა იმისა, რომ მონაწილეები ჯგუფურად მუშაობენ ფსიქოლოგთან, ისინი ასევე ერთმანეთსაც უწევენ მხარდაჭერას. მათ ძალიან უხარიათ და სიამოვნებთ ამ შეხვედრებზე დასწრება, ცენტრში მოსულ ბავშვებთან კომუნიკაცია და სოციალიზაცია. როგორც თავად ჰყვებიან, ეს შეხვედრები მარტოობასთან და სხვადასხვა პრობლემასთან გამკლავებაში ეხმარებათ“, - ამბობს სვიტლანა.
38 წლის ელენა ერთ-ერთი მათგანია, ვინც ხშირად სტუმრობს ცენტრს თავის 6 წლის შვილთან ერთად და სარგებლობს სხვადასხვა სერვისით. ის 2022 წლის ივნისში ჩამოვიდა საქართველოში თავშესაფრის და უსაფრთხო გარემოს ძიების მიზნით. ცენტრში ის ესწრება პოზიტიური მშობლობის სესიებს, ფსიქოლოგთან კონსულტაციებს და დადის ქართულისა და ინგლისური ენის გაკვეთილებზე
„ჩემი შვილი ნიკიტა დადის წინასასკოლო მოსამზადებელ კურსზე, სადაც მას ასწავლიან უკრაინულ ენას, მარტივ მათემატიკას და სხვადასხვა უნარის განმავითარებელ სავარჯიშოებს. . მას ძალიან მოსწონს აქ ყოფნა, მეგობრები შეიძინა და მასწავლებლებიც ძალიან თბილად ექცევიან. აღნიშნული ცენტრი ძალიან გვეხმარება, რადგან პირველ რიგში აქ შეკრების, ჩვენი მეგობრების და სხვა უკრაინელების ნახვის და მათთან ურთიერთობის საშუალება გვაქვს. თავიდან ძალიან გვიჭირდა, რთული იყო მარტო ახალ გარემოში მოხვედრა და ცხოვრება,თუმცა ახლა გაცილებით კარგად ვგრძნობთ თავს, მეც და ჩემი შვილიც. ჩემი ბიჭი გაიხსნა, მეტად ლაღი და კომუნიკაბელური გახდა. ჯერ პანდემიამ, შემდეგ ომმა უარყოფითად იმოქმედეს მასზე და მის განვითარებაზე. ამ ხნის მანძილზე ბავშვს არ ჰქონდა თანატოლებთან ურთიერთობის და თამაშის შესაძლებლობა, ახლა ის ძალიან მეგობრული და ლაღია, რაც მე ძალიან მახარებს. როდესაც ბავშვები სხვადასხვა წრეს ესწრებიან, ჩვენ, მშობლები, ამ დროს ენის გაკვეთილებზე ვართ, რაც ჩვენთვის ძალიან კომფორტულია. თავიდან გვეგონა მალე დავბრუნდებოდით სამშობლოში, თუმცა ორი წელი გავიდა და ისევ არ ვიცით აქ რამდენი ხანი მოგვიწევს გაჩერება. შესაბამისად, ვფიქრობ აუცილებელია ადგილობრივი ენისა და კულტურის შესწავლა და ჩვენი უნარების განვითარება, თვითდამკვიდრებისა და რეალიზებისთვის. ამიტომ, ძალიან კმაყოფილები და მადლიერები ვართ ამ ცენტრის. ჩვენ უკვე ორი წელია ზედიზედ ვსარგებლობთ „გამოზამთრების“ პროგრამით და სპეციალური ვაუჩერების მეშვეობით თბილ ტანსაცმელს ვყიდულობთ ჩვენი შვილებისთვის, რაც ძალიან დიდი შეღავათია, “- გვიყვება ელენა, რომელმაც ჩვენთან საუბრისას დიდი მადლიერება გამოხატა ქართველი ხალხის მიმართ, მასპინძლობისა და იმ შეღავათებისთვის, რითაც უკრაინელი ლტოლვილები სარგებლობენ ქვეყანაში.
აღსანიშნავია, რომ World Vision მალე დაიწყებს სასკოლო ახალგაზრდული კლუბების ჩამოყალიბებას საქართველოს რეგიონებში.
სასკოლო ახალგაზრდული კლუბის მიზანია სკოლაზე დაფუძნებული ახალგაზრდული მუშაობისა და არაფორმალური განათლების გზით ხელი შეუწყოს უკრაინელი და ადგილობრივი (ქართველი) ახალგაზრდების ინტეგრაციასა და პიროვნულ განვითარებას.
ნებისმიერ უკრაინელ მოქალაქეს აქვს შესაძლებლობა დარეგისტრირდეს და ისარგებლოს ჩვენი ორგანიზაციის მრავალფეროვანი სერვისებით სრულიად უფასოდ.“ჰეფი სფეისი“-ს ცენტრის შესახებ დამატებითი ინფორმაციის მისაღებად გადადით ბმულზე:
„უკრაინის კრიზისზე რეაგირების პროგრამა“ ხორციელდება World Vision საქართველოს მეირ World Vision International-ის და Aktion Deutschland Hilft (ADH)-ის მხარდაჭერით.
NS
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
