"სუპერ-დედამიწა", რომელიც შესაძლოა, სიცოცხლისუნარიანი აღმოჩნდეს, ჩვენგან 137 სინათლის წელიწადის დაშორებით აღმოაჩინეს - მორიგი გარღვევა ასტრონომიაში

ასტრონომებმა "სუპერ-დედამიწას" მიაკვლიეს, რომელიც ჩვენგან 137 სინათლის წელიწადის მოშორებით არის. მკვლევარებმა განსაზღვრეს, რომ ახალი პლანეტა, რომელსაც TOI-715b უწოდეს, შესაძლოა ორჯერ აღემატებოდეს დედამიწას და მას სჭირდება 19 დღე, რათა თავისი ვარკვლავის გარშემო ერთი ბრუნი გააკეთოს. სწორედ ვარსკვლავი აძლევს მას ტემპერატურას თხევადი წყლის ზედაპირზე არსებობისთვის.

სასიცოცხლო ზონა ჩვეულებრივ გამოითვლება ისეთი ფაქტორების გათვალისწინებით, როგორიცაა ვარსკვლავის ზომა, ტემპერატურა და წონა, ასევე პლანეტის ზედაპირის არეკვლის შესაძლებლობა. მაგრამ ამ ფაქტორებთან შესაძლოა, იყოს დიდი ცდომილება, რაც კითხვის ნიშნის ქვეშ აყენებს საკითხს - არის თუ არა პლანეტა რეალურად საცხოვრებელ ზონაში.

• ასტრონომები მიიჩნევენ, რომ TOI-715b ვარსკვლავის ირგვლივ ვიწრო და უფრო ოპტიმალურ რეგიონში მდებარეობს, რომელიც ცნობილია როგორც კონსერვატიული სასიცოცხლო ზონა.

"ეს აღმოჩენა ძალიან ბევრს ნიშნავს, რადგან ეს არის პირველი სუპერდედამიწა TESS-დან, რომელიც კონსერვატიულ საცხოვრებელ ზონაში მდებარეობს", - განაცხადეს მეცნიერებმა.

TESS - ეს არის ტრანზიტული ეგზოპლანეტების კვლევის თანამგზავრი, NASA-ს Explorer პროგრამის კოსმოსური ტელესკოპი, რომელიც შექმნილია ეგზოპლანეტების მოსაძებნად ტრანზიტის მეთოდით 400-ჯერ უფრო დიდ ფართობზე, ვიდრე კეპლერის მისია. პირველად ის 2018 წელს გამოიყენეს. თუ დედამიწის ზომის პლანეტის არსებობა დადასტურდება, ის გახდება ყველაზე პატარა პლანეტა, რომელიც TESS-მა საცხოვრებელ ზონაში აღმოაჩინა.

წყარო: CNN

ავტორი: ეკა დარჩიაშვილი