28
მარტიდღის ზოგადი ასტროლოგიური პროგნოზი
ორი დღის განმავლობაში, სამების საკათედრო ტაძარში მხოლოდ მედიასაშუალებების ის წარმომადგენლები დაიშვებიან, რომლებსაც შესაბამისი აკრედიტაცია გააჩნიათ. ინფორმაციას საპატრიარქო ავრცელებს. აღნიშნული გადაწყვეტილება გუშინ მომხდარ ფაქტს უკავშირდება, რა დროსაც წმინდა მატრონას ხატს, რომელზეც იოსებ სტალინია გამოსახული, საღებავი შეასხეს.
მათივე განმარტებით, აღნიშნული გადაწყვეტილება მიღებულია შემდგომი გაუგებრობისა და ტაძარში დაძაბულობის თავიდან ასაცილებლად.
"გუშინ სამების საპატრიარქო ტაძარში მომხდარი ვანდალური აქტიდან გამომდინარე, დღეს და ხვალ საკათედრო ტაძარში მედიასაშუალებების წარმომადგენელთა დაშვება შესაბამისი აკრედიტაციის გარეშე შეიზღუდება. აღნიშნული გადაწყვეტილება მიღებულია შემდგომი გაუგებრობისა და ტაძარში დაძაბულობის თავიდან ასაცილებლად“, - ნათქვამია საპატრიარქოს საზოგადოებასთან ურთიერთობის სამსახურის მიერ გავრცელებულ ინფორმაციაში.
შეგახსენებთ, გუშინ, სამების ტაძარში განთავსებულ წმინდა მატრონას ხატს, რომელზეც იოსებ სტალინია გამოსახული, საღებავი შეასხეს.
ამ ქვეყანას პატრონი როდემდე არ უნდა ჰყავდეს, ვინ უკვეთავს მსგავს გამოხდომებს?!
აბა მუსლიმებს, მეჩეთში გაუბედეთ მსგავსი რამ, ცოცხლები გამოსწრებთ?
ქოცებოოოოო! მინიმუმ ადმინისტრაციული წვრილმანი ხულიგნობა მაინც ხომ არის? ესეც რომ რეაგირების გარეშე დატოვოთ, ხელშემწყობები ხართ მსგავსი ვადალიზმის.
ფერაძე მორჩა ეტყობა ,,საქმიანობას" (რასაც თავად გვიანონსებდა) და ამდენი გამოხმაურება თქვენი მხრიდან, რა უბედურებაა. იგნორია სექტის პასუხი. ილოცეთ და დაგვლოცეთ