"პირველი აკორდები ძალიან ნაცნობი იყო, მაგრამ "თბილისოს" არავინ ველოდით" - ბრუნო მარსის მოულოდნელი სიურპრიზი ქართველ მსმენელს და დაუვიწყარი შოუ გადაჭედილ "დინამოზე"

დინამო არენა გუშინ დაუვიწყარი შოუს თვითმხილველი გახდა. Bruno Mars-ის კონცერტმა სრული ანშლაგით ჩაიარა. კონცერტი 2 საათს გაგრძელდა და სცენაზე უამრავი მსოფლიო ჰიტი შესრულდა. ორგანიზატორების განცხადებით, მსგავსი სანახაობრივი კონცერტი ამიერკავკასიაში ჯერ არ ჩატარებულა. ამერიკელი მომღერალი ჩვენს ქვეყანას, პროექტ "Starring Georgia-ს“ ფარგლებში ეწვია.

"მსგავსი ტიპის ღონისძიების მასპინძლობა ჩვენს ქვეყანაში ნიშნავს იმას, რომ ხვალ სხვა დიდ არტისტებთან კომუნიკაცია უფრო გამარტივდება. პორტფოლიოში ქვეყანას არაერთი მნიშვნელოვანი ღონისძიება ექნება, უფრო საინტერესო გახდება ახალგაზრდა ტურისტებისთვის ქვეყანა" - ამბობენ ორგანიზატორები.

უამრავი ცნობილი ჰიტის შემდეგ მაყურებლისთვის მოულოდნელი სიურპრიზი აღმოჩნდა, მომღერლის მიერ დაკრული ქართული ჰიტი "თბილისო".

"პირველი აკორდები ძალიან ნაცნობი იყო, მაგრამ "თბილისოს" არავინ ველოდით, აი Bruno Mars-ის კონცერტზე იტირებო ვინმეს რომ ეთქვა, დავიჯერებდი? ჰოდა არა, მაგრამ მოხდა უსწავლია ქართლის ცხოვრება ხალხო, უსწავლია!!"

"შინაგანად თავისუფალი, ლაღი, საკუთარ შემოქმედებაზე შეყვარებული ადამიანი გამოიყურება ასე"

"დიდი მუსიკოსი, რომელმაც მსმენელის და ქვეყნის დაფასება იცის, ბრუნო მარსმა ყველასთვის ნაცნობი და საყვარელი მელოდია დაუკრა" - წერენ ქართველი გულშემატკივრები.

ყველაზე ცნობილი ჰიტის Marry You-ს შესრულების დროს რამდენიმე გოგოს ხელი სთხოვეს. ერთ ერთი მათგანი იყო, სუხიშვილების სოლისტი ელენე ჩიტაშვილი. ელენეს ხელი თავისუფალი თეატრის მსახიობმა ოთო ლაშხიშვილმა სთხოვა. წყვილი უამრავ მილოცვას იღებს.

ბრუნო მარსი 15 გრემის ჯილდოს, 4 Brit Awards-ის და უამრავი მუსიკალური პრიზის მფლობელია და თანამედროვე შემოქმედებითი ინდუსტრიის ერთ-ერთ მნიშვნელოვან და გავლენიან არტისტად მიიჩნევა. ის თითქმის ყველა თაობისთვის საყვარელი მუსიკოსია.

ბრუნო ჰავაიდანაა, ის ჰონოლულუში დაიბადა და მოგვიანებით საცხოვრებლად ლოს ანჯელესში გადავიდა. ის სხვადასხვა მუსიკალური ჟანრის შემსურელებელია. მათ შორის პოპი, R&B, სოული, როკი და ა.შ.

ის მრავალშვილიანი ოჯახიდანაა. ევსი შვილიდან ერთ-ერთია. მისი მშობლებიც მუსიკოსები არიან და ამან დიდი მნიშვნელობა იქონია მის, როგორც მუსიკოსის განვითარებაზე.

მისი სიმღერების დიდი ნაწილი ჰიტია. მათ შორის არის ისეთი სიმღერები, როგორებიცაა, Granade, Uptown Funk, Just the Way you are, Billionaire და სხვები.

ნახეთ ვიდეო: ბრუნო მარსის შესრულებული "თბილისო"