28
მარტიდღის ზოგადი ასტროლოგიური პროგნოზი
- ფოტოზე: ნიკოლოზ გაგუა, პაპუნა ლეჟავა და არჩილ მესტვირიშვილი
ეროვნული ბანკის ვიცე პრეზიდენტის პოსტს ნიკოლოზ გაგუაც ტოვებს. "ბიზნესპრესნიუსის" ინფორმაციით, აღნიშნულს თავად გაგუა ადასტურებს.
შეგახსენებთ, რომ ეროვნული ბანკის ვიცე-პრეზიდენტების და საბჭოს წევრების პოზიციები დატოვეს არჩილ მესტვირიშვილმა და პაპუნა ლეჟავამაც. ეროვნულ ბანკში მრჩევლის პოზიცია დატოვა გიორგი ბაქრაძემაც.
ეს მას შემდეგ მოხდა, რაც ეროვნულმა ბანკმა გუშინ მიღებული გადაწყვეტილებით, სანქციათა რეჟიმების შესრულების წესში ცვლილება შეიტანა და რამდენიმე გამონაკლისი დაუშვა. ამ გადაწყვეტილებით, საერთაშორისო სანქციები არ შეიძლება შეეხოს საქართველოს მოქალაქეს თუ მის მიმართ ქართულ სასამართლოს გამამტყუნებელი განაჩენი არ აქვს გამოტანილი. შედეგად, ყოფილ გენერალურ პროკურორს ოთარ ფარცხალაძეს საქართველოს ბანკებში ანგარიშებზე წვდომა აღუდგება.
- გამოცხადდება თუ არა ქმედუუნაროდ ეროვნული ბანკი მას შემდეგ, რაც ეროვნული ბანკის სამმა ვიცე პრეზიდენტმა თანამდებობა დატოვა?:
საქართველოს ეროვნული ბანკი დღეს სამმა ვიცე-პრეზიდენტმა, პაპუნა ლეჟავამ, არჩილ მესტვირიშვილმა და ნიკოლოზ გაგუამ დატოვა, შესაბამისად, მათ დატოვეს საბჭოს შემადგენლობაც.
"საქართველოს ეროვნული ბანკის შესახებ“ ორგანული კანონის თანახმად, ეროვნული ბანკის უმაღლესი ორგანოა ეროვნული ბანკის საბჭო, რომელიც შედგება 9 წევრისაგან. ეროვნული ბანკის საბჭოს თავმჯდომარეა ეროვნული ბანკის პრეზიდენტი. ეროვნული ბანკის საბჭოს შემადგენლობაში, გარდა საბჭოს თავმჯდომარისა, შედიან: ეროვნული ბანკის პირველი ვიცე-პრეზიდენტი, 2 ვიცე-პრეზიდენტი და საბჭოს სხვა წევრები.
დღემდე ეროვნული ბანკის საბჭო 7 პირისგან იყო დაკომპლექტებული, საიდანაც 4 პოზიცია აღმასრულებელ პირებს - პრეზიდენტის მოვალეობის შემსრულებელს და სამ ვიცე-პრეზიდენტს ეკავა. კანონის მიხედვით, საბჭო არის ქმედითი, თუკი მასში წევრთა რაოდენობა 5-ზე მეტია.
“ეროვნული ბანკის უმაღლესი ორგანოა ეროვნული ბანკის საბჭო, რომელიც შედგება 9 წევრისაგან. თუ ეროვნული ბანკის საბჭოს წევრთა რაოდენობა 5-ზე ნაკლებია, ეროვნული ბანკის საბჭო არ არის უფლებამოსილი, შეასრულოს თავისი ფუნქციები. ამ შემთხვევაში ვაკანსია უნდა შეივსოს ამ ფაქტის დადგომიდან არაუგვიანეს 2 თვისა", - ნათქვამია კანონში.
ამასთანავე, კანონის მიხედვით, ეროვნული ბანკის საბჭოს წევრებს საქართველოს პრეზიდენტის წარდგინებით ირჩევს საქართველოს პარლამენტი 7 წლის ვადით, სრული შემადგენლობის უმრავლესობით. ეროვნული ბანკის პრეზიდენტს ეროვნული ბანკის საბჭოს წევრთაგან ეროვნული ბანკის საბჭოს წარდგინებით თანამდებობაზე ნიშნავს და თანამდებობიდან ათავისუფლებს საქართველოს პრეზიდენტი. ეროვნული ბანკის ვიცე-პრეზიდენტებს ეროვნული ბანკის პრეზიდენტის წარდგინებით, ხოლო ეროვნული ბანკის პრეზიდენტის თანამდებობიდან გათავისუფლების შემთხვევაში - ეროვნული ბანკის საბჭოს არანაკლებ 2 წევრის წარდგინებით, თანამდებობაზე ნიშნავს და თანამდებობიდან ათავისუფლებს ეროვნული ბანკის საბჭო. ეროვნული ბანკის საბჭოს წევრი, გარდა ეროვნული ბანკის პრეზიდენტისა და ვიცე-პრეზიდენტებისა, არ არის საჯარო მოსამსახურე.
არჩილ მესტვირიშვილის, პაპუნა ლეჟავას და ნიკოლოზ გაგუას გარდა, რომლებმაც თანამდებობები უკვე დატოვეს, საბჭოში არის 4 წევრი - ნათია თურნავა, ეკატერინე მიქაბაძე, რობერტ სინგლეტარი, ეკატერინე გალდავა. ნათია თურნავას საბჭოს წევრად ყოფნის ვადა 2029 წლის ივლისში ეწურება, ეკატერინე გალდავას და ეკატერინე მიქაბაძეს 2028 წლის ივლისში. ხოლო კიდევ ერთი წევრი - რობერტ სინგლეტერი საბჭოს 2023 წლის დეკემბერში დატოვებს.
- აღსანიშნავია ამ თემაზე პრეზიდენტ სალომე ზურაბიშვილის განცხადება:
"ეროვნული ბანკის საბჭოს კოლექტიური გადაწყვეტილებით, შესაძლებელი და აუცილებელია, ბათილად გამოცხადდეს ერთპიროვნული გადაწყვეტილება, - ამის შესახებ პრეზიდენტმა, სალომე ზურაბიშვილმა ბრიფინგზე განაცხადა. მისი თქმით, ეს იქნება საბჭოს რეალური ქმედება იმისთვის, რომ შენარჩუნდეს ეროვნული ბანკის დამოუკიდებლობა.
"ეს შესაძლებელია 3 ვიცე-პრეზიდენტის გადადგომის მიუხედავად, რადგან მათ 2 თვის განმავლობაში კიდევ გააჩნიათ ვადა, რათა მათი უფლებამოსილება გაგრძელდეს. გადადგომის ვადა არის 2 თვის შემდეგ. საბჭო სრულად ფუნქციონირებს და შეუძლია ყველანაირი გადაწყვეტილება მიიღოს. ეს არის ის ნაბიჯები, რაც სასწრაფოდ გადასადგმელია, რათა უფრო სერიოზული რეპუტაციული ზიანი არ მიადგეს ქვეყანას. ასევე საერთაშორისო რეაქციები, რაც არის მოსალოდნელი.
ეს არის სწორი გზა, რომელიც დაიცავს იმ მიღწევებს, რასაც ჰქვია საქართველოს ეკონომიკური, ფინანსური მდგრადობა და საერთაშორისო რეპუტაცია ამ დარგში. არავის აქვს უფლება, რომ ვიწრო ინტერესების გამო ასეთი გადაწყვეტილებები მიიღოს. ამავე დროს, მინდა მივესალმო კერძო საბანკო სექტორის ძალიან მკაფიო პოზიციას, რომელიც ნამდვილად არის ის, რაც დღეს ამ ქვეყანას სჭირდება", - განაცხადა პრეზიდენტმა.
იხილეთ ასევე:
მავნებლებო, რა ღირს პოსტის დატოვება ჰაააააააააააააააააააააააააააააააააააა
საქართველოს მოქალაქის დასანქცირებაზე რომ სწუხარ. გარკვევით გეუბნებიან ეგ შენი "მოქალაქე" არისო შენი მტრის, რუსეთის აგენტიო. აი აფხაზეთი და სამაჩაბლო რომ აქვს მიტაცებული - მაგისიო, აი გიორგი ანწუხელიძე წამებით ვინც მოგვიკლა მაგათ მხარეს არისო, აი 17 ოქროსავით ბიჭი რომ ჩაგვიცხრილა შინდისში უკვე დასრულებულ ომში, აი მაგათ მხარეს არისო. ამიტომ დავუწესოთ სანქციები რომ ამ ბოროტებაში ცოტა ხელი შევუშალოთო. ესეთი ძნელი გასაგებია დავიჯერო?