25
მარტიდღის ზოგადი ასტროლოგიური პროგნოზი
ევროკავშირი მგლების კონსერვაციის სტატუსის გადახედვას გეგმავს მას შემდეგ, რაც მტაცებელი ცხოველის სახეობების რაოდენობამ საგრძნობლად იმატა. მგლების მომრავლებას ფერმერების პროტესტიც მოჰყვა.
"ევროპის ზოგიერთ რეგიონში მგლების ხროვის კონცენტრაცია პირუტყვისა და პოტენციურად ადამიანებისთვისაც, საშიშია", - განაცხადა ევროკომისიის პრეზიდენტმა, ურსულა ფონ დერ ლაიენმა.
ურსულა ფონ დერ ლაიენმა ადგილობრივი და ეროვნული ხელისუფლების წარმომადგენლებს მოუწოდა, რომ საჭიროების შემთხვევაში ზომები მიიღონ. ეს თემა ევროკომისიის პრეზიდენტს განსაკუთრებით მას შემდეგ აწუხებს, რაც გასულ სექტემბერს მისი პონი, სახელად დოლი, მგელმა მოკლა.
ბოლო წლებში, მგლების რიცხვის მომრავლებაზე საჩივრებმა იმატა და ფერმერთა ზოგიერთი ასოციაცია მათი დახოცვის უფლებას ითხოვს. კომისია ყველა დაინტერესებულ მხარეს იწვევს, რათა წევრმა ქვეყნებმა მგლების პოპულაციების შესახებ შეგროვილი მონაცემები განაახლონ. ევროკავშირის კომისიას ასევე სურს, გაარკვიოს, როგორ მუშაობს კოსნერვაციის სტატუსი პრაქტიკაში.
"ევროკავშირის ქვეყნებში მგლების მომრავლება უფრო და უფრო ზრდის ხელისუფლებების კონფლიქტებს ადგილობრივ ფერმერულ და მონადირულ თემებთან, განსაკუთრებით იქ, სადაც პირუტყვზე თავდასხმების თავიდან აცილების ზომები, წესისამებრ, მკაცრად შეზღუდულია", - განაცხადა კომისიამ.
მგლების რაოდენობა განსაკუთრებით გაზრდილია სკანდინავიისა და ცენტრალური ევროპის ალპურ და ტყიან რეგიონებში. გარემოს დამცველები, თავის მხრივ, ამტკიცებენ, რომ მგლებზე ნადირობის კანონების შეცვლას ის აჯობებს, ფერმერებმა პრევენციული ზომები მიიღონ და ელექტროღობეები დაამონტაჟონ.
ფერმერთა ასოციაცია Copa-Cogeca-ს მონაცემებით, 2013 წელს, მგლების რაოდენობა 12 000-სს შეადგეენდა, შარშან კი მათი რიცხვი 18 000-მდე გაიზარდა.
ევროკავშირს უკვე აქვს სამართალდარღვევის პროცესი შვედეთის წინააღმდეგ, რომელიც მგლებს კლავს და მათი კონსერვაციის კანონებს არღვევს. ფერმერთა ორგანიზაციების მგლებზე ნადირობის შესახებ წინადადებას ევროკავშირი, სავარაუდოდ, მომდევნო 6 თვის განმავლობაში შეიმუშავებს.
წყარო: theguardian
მოამზადა: ანა სიბოშვილმა
დავუშვათ და გავხდით ევროკავშირის წევრი ქვეყანა.მერე მგლების, ვირთხების, კოღოების მოკვლა გამოხშირვაც ევროპას უნდა შევეკითხოთ?
ევროპელი მგელი არ იქნებოდა ისინი ვეგეტარიანელები არიან.