"5 წუთის წინ, ჭავჭავაძეზე დაესხნენ თავს ლევან ბერძენიშვილს - ბიჭმა კვერცხები ესროლა და მოღალატე ეძახა" - რას წერს "ტაბულას" ჟურნალისტი

"ტაბულას" ჟურნალისტი, ცისია კირვალიძე სოციალურ ქსელში წერს, რომ ვაკეში, ჭავჭავაძის გამზირზე მის თვალწინ, ლევან ბერძენიშვილს თავს დაესხნენ.

"5 წუთის წინ ჭავჭავაძეზე ჩემ თვალწინ დაესხნენ თავს ლევან ბერძენიშვილს - ახალგაზრდა ბიჭმა კვერცხები ესროლა და მოღალატე ეძახა. ამას ახალისებს "ქართული ოცნება" თავისი მართული ბნელებით და ყველა იმ ადამიანით, ვისაც ჰგონია, რომ ერეკლე მეფე უნდა დაიცვას ბერძენიშვილისგან. ძალიან შემრცხვა" - წერს ჟურნალისტი.

ცნობისთვის, ეს არ არის პირველი შემთხვევა, როცა ლევან ბერძენიშვილს ქუჩაში მისთვის უცნობი ადამიანები შეურაცხყოფას აყენებენ.

"ჯერჯერობით ფიზიკურად არავინ შემხებია, რამდენიმე მოქალაქემ მოახერხა და შეურაცხყოფა მომაყენა ქუჩაში, ნუ, ეს ღმერთმა ხელი მოუმართოს ყველას, ვისაც რა უნდა, ის თქვა... " - განაცხადა ლევან ბერძენიშვილმა გასულ თვეში, როცა მის სახლთან, როგორც თავად ბერძენიშვილმა აღნიშნა, "15-20 ათლეტური აღნაგობის შესაბამისი აღჭურვილობით ჯვრიანი ქუდებით, პირბადეებით" ადამიანები შენიშნეს.

ასევე იხილეთ:

• "მე უნდა შემჭამონ ეტყობა, ეს არის დავალება“ - რას ამბობს ლევან ბერძენიშვილი მის სახლთან ნიღბიანი ადამიანების გამოჩენის თაობაზე
• "შთაბეჭდილება ისეთი დარჩა, რომ ამ უწიგნურ და, უკაცრავად და, ძალიან სერიოზულად დაქოქილ ადამიანებს ეძლევა საშუალება, რომ მართონ ქვეყანა" - ლევან ბერძენიშვილი