მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პირველად მაშინ იყო, როდესაც ჩემზე უფროს ადამიანთან დავკარგე ასაკობრივი ზღვარი" - რას იხსენებს ნუცა კუხიანიძე ლევან აბაშიძეზე: ბოლო შეხვედრა და განცდები, რომელიც ლევანმა დატოვა
08:12 / 04-06-2023
მსახიობი ნუცა კუხიანიძე დაუვიწყარ ლევან აბაშიძეს იხსენებს და საზოგადოებას უზიარებს იმ შთაბეჭდილებებს, ემოციებს, განცდებს, რომელიც ლევანთან ურთიერთობის დროს ჰქონდა. ნუცას თქმით, როდესაც აბაშიძე გაიცნო, ცხრა წლის იყო და კინოს სამყაროში ნუცას პირველი ნაბიჯები, კინომსახიობობის მიმართ დაინტერესება, ლევანს უკავშირდება.
ამ თემაზე ნუცა კუხიანიძემ დათო გორგილაძის გადაცემაში, "გორგილაძის აუტანელი სიმსუბუქე" ისაუბრა. ნუცას დებიუტი კინოში რეჟისორ გიორგი მგელაძის ფილმში - "არა მეგობარო" შედგა. ამ ფილმში შესრულებული როლი კი ლევან აბაშიძისთვის უკანასკნელი იყო. ლევანი ფილმის პრემიერას ვერ მოესწრო.
- ნუცა კუხიანიძე:
"ბავშვი რომ ხარ და თამაშობ, ეს ერთია, მაგრამ როდესაც მოითხოვეს, რომ ეს (მსახიობობა) ეზოს და სახლის იქეთ გასულიყო, რა თქმა უნდა, ალბათ უხერხულობის მომენტი მქონდა. არ ვიცოდი, რა სიტუაციაში ვიქნებოდი, დიდად არ მინდოდა, ვერ ვხვდებოდი საერთოდ რა უნდა გამეკეთებინა და საერთოდ რას მოითხოვდნენ ჩემგან.
გიომ (ფილმის რეჟისორი) მითხრა, წამოდიო ერთი, ლევანს გაგაცნობო, წამომყევიო, არ გინდა, ფილმზე ნუ ფიქრობო, უბრალოდ, ლევანი მინდა გაგაცნოო.
იქ იყო ადამიანი, რომელიც გავიცანი დავუმეგობრდი ჩემი გადმოსახედიდან, ახალი აღმოჩენა იყო ჩემთვის და უკვე ყველაფერზე თანახმა ვიყავი ფილმში რა იქნებოდა და როგორ. ეს პროცესიც (ფილმის გადაღება) იმდენად ხანმოკლე იყო, იმდენად პატარა ვიყავი, სულ მაგათთან ერთად ვერ ვიქნებოდი, მაგრამ ეს მომენტები, როცა უნდა წავსულიყავი, გადამეღო, ლევანთან მეურთიერთა, ყველაზე ძალიან ამას ველოდებოდი.
სხვათაშორის, ამ სახლში ვიყავი ბოლოს რომ ვნახე, აქ ამოვიდა, სუფრა იყო თუ რა, არ მახსოვს, ამოვიდა, სულ თეთრებში იყო. მე რაღაცაზე გავბრაზდი, ყურადღება არ მომაქცია, სავარაუდოდ და ავვარდი ზემოთ, პროტესტის ნიშნად აღარ ჩამოვდიოდი. ლევანი მეძახდა, მივდივარ, მივდივარ, ჩამოდი, ჩამოდი, მე იქედან ვიყურებოდი და ვაკვირდებოდი სიტუაციას და მახსოვს, ზუსტად აქ იყო და ხელი დამიქნია, მოვალო, მოვალო კიდევ, ასე მითხრა და წავიდა.
მე ყოველთვის ასეთი ვიყავი და ახლაც ასეთი ვარ, ძალიან დიდი შთაბეჭდილებების ქვეშ ვვარდები და მერე უკვე რეალობა რა არის, რა არ არის ვეღარ ვასხვავებ ხოლმე.ხშირ შემთხვევაში, იმიტომ რომ მე თვითონ ვიგონებ ამ ყველაფერს. ასეთი ადამიანისთვის, რომ პირველი დიდი შეხვედრა ლევან აბაშიძესთან შეხვედრაა, გარდამტეხი მომენტი იქნებოდა და ეგრეც მოხდა", - იხსენებს მსახიობი.
ნუცა კუხიანიძემ ლევან აბაშიძის შინაგან მშვენიერებაზეც ისაუბრა.
"დიდი ენერგეტიკა ალბათ, სხვანაირად რჩება. მე პატარა ვიყავი, როცა მასთან მომიწია ურთიერთობა და როგორც მახსოვს, იქ არ იყო არანაირი ბარიერი. პირველად იყო ალბათ მაშინ, როდესაც მე ჩემზე უფროს ადამიანთან დავკარგე ასაკობრივი ზღვარი. ეს იყო მეგობრული დამოკიდებულება, მარტივი რაღაც, ულამაზეს ადამიანთან ურთიერთობა. ეტყობა ძალიან იმოქმედა ჩემზე იმან, რომ თურმე შესაძლებელია არ არსებობდეს რაღაც დროის შეგრძნება არანაირი. ამას ახლა ვფიქრობ, მაშინ რა თქმა უნდა, არც ვიცოდი, არც ვფიქრობ ამაზე, მაშინ საერთოდ სიკვდილი რა იყო, ეგ არ ვიცოდი", - ამბობს ნუცა კუხიანიძე.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩემი პირველი სიყვარული სკოლაში როგორ მენატრება
ლევან აბაშიძე იყო სულით და ხორცით მშვენიერი. დიდი გულის და სიმამაცის მქონე კაცი. აფერუმ მის მშობლებს, ასეთი ვაჟკაცი რომ გაზარდეს.