მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვითხოვ პასუხს, ვინ და რატომ მომიკლა შვილი - მცირეწლოვანი შვილების დედას ნუ გამომიყვანთ ქუჩაში!" - ნიკო კვარაცხელიას დედა
15:00 / 08-05-2023
ვერაზე მოკლული ნიკო კვარაცხელიას დედა, იზა ომაძე სოციალურ ქსელში პოსტს აქვეყნებს. ის საგამოძიებო ორგანოებს ეფექტური რეაგირებისკენ მოუწოდებს.
"მეგობრებო, უბრალოდ სრულიად უცხო ადამიანებო, ჩემი ტრაგედიის გამზიარებლებო, დამიბრუნდა ჩემი შვილის მაჯის საათი სისხლიანი ლაქებით (ჩემს ემოციებზე რა მოგიყვეთ). ამას რომ შემიცოდოთ იმისთვის არ ვწერ, მოგმართავთ იმისთვის, რომ ერთად შევიცოდოთ ჩვენი შვილები, ევროპის ნაწილი კი არა, მალე რუკაზე არ დავრჩებით, როგორც ქვეყანა, ყველამ იცის, რომ მე არანაირი პოლიტიკური მხარე არ ვარ, საკმარისად დაზარალდა ჩემი ოჯახი ყველა დროში, მაგრამ ეხლა შვილის ფაშისტურ დახვრეტაზეა საუბარი, რომელიც აგერ უკვე წელიწადი და რვა თვეა არ გამოუძიებიათ, ორი სულგაყიდული ახალგზარდის დაპატიმრება არ არის პასუხი ნიკო კვარაცხელიას მკვლელობაზე, ჩემი შვილი არის პირველი ქართული სოციალური მედია პლატფორმის "ფიდსის" შემქმნელი, ახალგაზრდა ბიზნესმენი.
ვითხოვ პასუხს, ვინ და რატომ მომიკლა შვილი… საკმარისი დრო გავიდა მტკიცებულებების მოსაპოვებლად, დასაკითხად, დააყენეთ შედეგი.
მცირეწლოვანი შვილების დედას ნუ გამომიყვანთ ქუჩაში! მზად ვარ თვითეული ახალგაზრდის სახლის კართან მივიდე გასისხლული საათით და არგუმენტირებულად ავუხსნა, რომ იგივე ბედი ელით, სანამ თვითეული მოქალაქის უფლება არ იქნება დაცული!
გუშინ ერთ-ერთი ფბ მომხმარებელი წერდა და მახსენებდა ბრიუსელში მომხდარი ახალგაზრდის მკვლელობას, დიახ, მაშინ მთელი ქვეყანა დადგა ფეხზე მის დასაცავად, სანამ იგივე განმეორებულა ჩვენს ქვეყანაში, ველოდები რეაგირებას და თუ თქვენ ეს არ შეგიძლიათ, მაშინ ვისაც შეუძლია, მას ვანდოთ ეს საქმე!
შინაგან საქმეთა სამინისტრო, საქართველოს პროკურატურა, მესმის, რომ სისტემამ სინდისის და კუჭის ძარღვი ძალიან “მიაჭეჭყა” ერთმანეთს, მესმის შიში სამსახურის დაკარგვისა, მაგრამ ადამიანი სინდისია მერწმუნეთ და თქვით ადამიანებო სიმართლე, ვინც მკვლელი კაველაძის დაკითხვას შეესწარით! გამოაჩინეთ მისი დაკითხვის ოქმი!
P.S. ეს ფოტო, შეიძლება ითქვას, ნიკოს ბოლო კადრია, 18 აგვისტო, საათი, როგორც ყველაზე საყვარელი აქსესუარი მაჯაზეა, მაშინ როცა ანას იუბილეს აღნიშნავდა სასტუმრო მწერლებში, ქვეყნის მტრები, მის მკვლელობას გეგმავდნენ." - წერს იზა ომაძე "ფეისბუქში".
იხილეთ ასევე:
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა ბიჭი მოკლეს არაკაცებმა
გითანაგრძნობთ და გვტკივა გული...უმკაცრესად უნდა იქნენ დასჯილები შემსრულებლებიც და თანამონაწილეებიც ნიკოს მკვლელობისათვის..