"დათო, გულს გაუფრთხილდი..." - უთქვამს დათო ტურაშვილისთვის იმ 78-თაგან ერთ-ერთს, ვინც რუსულ კანონს მისცა ხმა" - რას წერს ლაშა ბუღაძე?
მწერალი დათო ტურაშვილი გუშინ ძლიერი ნერვული და სტენოკარდიული შეტევით კლინიკაში გადაიყვანეს. ტურაშვილის მდგომარეობა "ფორმულას" ეთერში ემოციური გამოსვლის შემდეგ გაუარესდა. მწერლის ქალიშვილის, ანაკო ტურაშვილის თქმით, მწერალი ინფარქტს გადარჩა, თუმცა კლინიკაში რჩება.
მწერალი ლაშა ბუღაძე სოციალურ ქსელში ეხმაურება დათო ტურაშვილის გარშემო დატრიალებულ ამბებს და წერს:
"დათო, გულს გაუფრთხილდი..." - უთქვამს დათო ტურაშვილისთვის იმ 78-თაგან ერთ-ერთს, ვინც რუსულ კანონს მისცა ხმა და რაც ხალხი - მათ შორის, დათოს შვილებიც - გაზით და წყლით გვცემეს 3 დღის განმავლობაში... როგორი ფარისევლობაა ამ "პოლიტიკის მიღმიერ ადამიანურობაში", არაგულწრფელობა და ადაპტაციის ნაწრთობი უნარი - ყოველი შემთხვევისთვის, ყველა ბუდეში რომ უნდა ჩაიდოს კვერცხი...
ერთი მხრივ, სისტემაშიც რომ ხარ, სადაც ადამიანს მთელი ცხოვრების ღვაწლს და მიზანს უმარხავენ დასავლეთის განდევნის მცდელობით საქართველოდან და მეორე მხრივ, კომუნიკაციის პერსონალურ გზებს რომ არ ჭრი გვიან-საბჭოუერი ინტელიგენციის წესისამებრ.
მაგრამ აღარ გამოვა ეს ორმაგობა... გულს ვერ გაუფრთხილდება, რადგან თქვენ არ უფრთხილდებდით ამ ქვეყანას და მის მომავალს. გულის გაფრთხილების მოწოდება და იმავდროულად ბოტების დაგეშვა კაცის მიმართ, რომელსაც აუგს ბოტზეც კი ვერ დააცდენინებ, არათუ ადამიანზე, ერთი ღილაკით არ გამოდის... ან აჭერ ან არ აჭერ. ან ხარ სიმართლის მხარეს, ან არ ხარ. ახლა ასეთი დროა", - წერს ბუღაძე.
დათო ტურაშვილმა გუშინ "ფორმულას" ეთერში და განაცხადა:
“მინდა უკანასკნელად განვმარტო... წარმოუდგენელი რამეა, რაც ჩემს წინააღმდეგ იკადრეს! ამაზე იმიტომ ვლაპარაკობ, რომ სხვასაც იგივე არ შეემთხვას... მე შეიძლება მართლა შევეწირო ამას, ვიცი ჩემი თავის ამბავი!“
ნახეთ ასევე: