მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სკანდალი "ვოისის" გამარჯვებულის გარშემო: ვინ არის ირუ ხეჩანოვი და რატომ გახდა მწვავე კრიტიკის ობიექტი - "საკმაოდ გამომწვევი ადამიანი ვარ, არ ვარ მორიდებული"
11:42 / 03-02-2023
მეგაშოუ "ვოისის" გამარჯვებული 22.8%-ით 21 წლის ირუ ხეჩანოვი გახდა. 2023 წლის "ევროვიზიის" სიმღერის კონკურსზე საქართველოს ის წარადგენს. გამარჯვებული მაყურებელთა ხმების რაოდენობით გამოვლინდა.
ხეჩანოვის მენტორი დათო ფორჩხიძე გახლდათ. მუსიკალურ ფესტივალზე ქვეყნის წარმომადგენლის სტატუსი კონკურსანტმა საზოგადოებრივი მაუწყებლის პროექტ „ვოისში“ გამარჯვებით მოიპოვა. ამ ეტაპზე უცნობია, რა სიმღერას შეასრულებს ახალგაზრდა მუსიკოსი ევროვიზიაზე.
ირუ ხეჩანოვი წლების წინ, საბავშვო ჯგუფ „ქენდის“ წევრი გახლდათ. 2011 წელს ჯგუფმა საქართველოს საბავშვო "ევროვიზიაზე" მეორე გამარჯვება მოუტანა.
"ვოისში“ გამარჯვების შემდეგ, კონკურსანტი სოციალურ ქსელში წერს:
"ყველაფერს ვიზამ, რომ გასახელოთ "ევროვიზიაზე"... მთავარი ბრძოლა წინ არის და თქვენი გვერდში დგომა ისევ ძალიან მჭირდება... მადლობა კიდევ ერთხელ".
- უამრავი მილოცვის მიუხედავად, გოგონას გამარჯვებას ძალიან ბევრი უარყოფითი კომენტარი მოჰყვა. ცუდ შეფასებებს ღიად უწერენ, პირად გვერდზეც...
"ყრუ არავინაა და მით უმეტეს, დებილი, რომ ვერ ვხვდებოდეთ, როგორ მოხდა საბოლოო გადაწყვეტილების მიღება ფინალში. შენ თვითონაც არ უნდა იყო თანახმა ასეთ გამარჯვებაზე, მაგრამ ადამიანია და ბუნება. ხალხის რეაქციები ნახე პოსტებზე და მიხვდები დანარჩენს...“
"შეგერგოს ეგეთი მოსყიდული გამარჯვება..."
მუსიკოსი მაია დარსმელიძე, "ვოისის" ფინალს გამოეხმაურა. მისი მეუღლე, სტეფანე მღებრიშვილი პროექტში ერთ-ერთი მენტორი იყო.
"ხოო, აქა-იქიდან ჩიტებს მოაქვს ამბავი რაღაც გამზადებულ სიმღერაზე და ერთი წლით ადრე ჩაფიქრებულ “პროექტზე”. და აი ეს ერთმანეთზე უკეთესი მართლა საოცარი შემსრულებლები ამ ვიღაცის პროექტის ანტურაჟად მოიყვანეთ?!!! და ვიღაცის ხუშტურის დეკორად აქციეთ?! (რომ არ დაიბნეთ, ამ კონკრეტულ პოსტში პროექტ "ვოისს” არა, ვოისში "პროდიუსერის" მიტანილ "პროექტს" ვგულისხმობ, აიიი, ევროვიზიაზე, რაც უნდა გაიტანონ - იმას) ხო, ვინმემ ოდესმე ხომ უნდა თქვას, სანამ კოლექტიურ-კოლეგიალური და**ვება გჭირთ და სიმართლის თქმა გიტყდებათ…
(აქაც რომ არ დაიბნეთ, ვიტყვი, რომ ჩემ კომფორტულად გასუსულ კოლეგებს ვგულისხმობ და არა კონკურსანტებს). ყველა სიკეთესთან ერთად გოიმ პროდიუსერზე საზარელი არაფერია. ეგ კრიმინალია ჩემთვის. მოაშორეთ მთელი ეს გოიმფართი და იქნებ გვეშველოს ოდესმე".
ცესკო-ს ყოფილი თავმჯდომარე ლევან თარხნიშვილი სოციალურ ქსელში წერს:
- დავივიწყეთ ხელოვნული ინტელექტი. "ვოისის“ კონკურსზე გაიმარჯვა და საქართველოს ევროვიზიაზე ირუ ხეჩანოვი წარადგენს. გესმით ხეჩანოვი, საქართველოს! აბა წავიდა, დასცხეთ...".
კონკურსის განმავლობაში გოგონა აქტიური იყო საქართველოში მცხოვრებ ეთნიკურად სომეხი ხალხის ჯგუფებშიც....
კონკურსამდე რამდენიმე საათით ადრე კი ხეჩანოვი სკანდალში გაეხვა, რის გამოც, მოგვიანებით განმარტების გაკეთება მოუწია. ვიდეოში, რომელიც ფინალის წინ გავრცელდა, ხეჩანოვმა გოგონა, რომელიც მასთან ერთად იდგა რინგზე, არც ისე სასიამოვნოც მოიხსენია, თუმცა მოგვიანებით მომხდარი ახსნა...
ვიდეოში ხეჩანოვი ამბობს:
- 2016 წლიდან კონკურსის გამოცდილება არ მქონია. მაქსიმალისტი ვარ და "ვოისში" მოსვლისას, მინდოდა ოთხივე მენტორი შემომეტრიალებინა, მაგრამ მხოლოდ სამი შემოტრიალდა. ვფიქრობ, რომ დათო ფორჩხიძესა და მე ერთნაირად გვაქვს მიზნები დასახული. მე ამ პროექტში მოვედი მოსაგებად.
ვფიქრობ, რომ ანი საკმაოდ მარტივი კონკურენტი იყო რინგის დროს. რაც შეეხება დათოს არჩევანს, როგორც თვითონ იძახდა, გაუჭირდა, არ უნდა გაჭირვებოდა არჩევანის გაკეთება.
საკმაოდ გამომწვევი ადამიანი ვარ, არ ვარ მორიდებული, თავისუფალი ვარ და მგონია, ისეთს აღქმიქვამენ, როგორიც ვარ. "ვოისში" მოვედი როგორც სახელი ირუ, როგორც თავისუფალი პერფორმერი.
სულ მეუბნებიან მონაწილეები, წელს დაგვითმე, შენ ხომ უკვე ერთხელ მოიგე "ევროვიზია“. მე „ევროვიზიაზე“ წინ ვარ სხვა კონკურსანტებთან შედარებით. დიდი გამოცდილება მაქვს მიღებული და მახარებს ეს მომენტი. კი მინდა, რომ გამოსცადონ სხვა მომღერლებმა, რა არის "ევროვიზია", მაგრამ წელს არა.
ვიდეოზე უარყოფითი შეფასებების შემდეგ, ხეჩანოვს ვრცელი განმარტების გაკეთება მოუწია.
- მაყურებლის აზრს ძალიან დიდ პატივს ვცემ და უდიდეს მნიშვნელობას ვანიჭებ, ამიტომ გულწრფელად მინდა ავხსნა ჩემი ნააზრევი. მესმის, ხანგრძლივობიდან გამომდინარე ყველაფერი, რაც ვისაუბრე ვერ ჩაჯდებოდა ინტერვიუში, ამიტომ, მინდა ვრცლად დავწერო თუ რა იგულისხმებოდა ჩემს ნათქვამში.
მე და ანი ძალიან დავმეგობრდით კონკურსის პერიოდში და რინგის რთული ეტაპი, სწორედ ანის კარგმა ხასიათმა, კომფორტულობამ და დამოკიდებულებამ გამიმარტივა. ის დაძაბულობა, რაც მსგავს კონკურსებს ახლავს, ჩვენს შორის საერთოდ არ არსებობდა და მოუთმენლად ველი ანის გამოჯანმრთელებას, რომ ერთად უამრავი კარგი მოგონება დავაგროვოთ.
რაც შეეხება ჩემს კომენტარს დათოს გადაწყვეტილებასთან დაკავშირებით, ვისაუბრე იმაზე თუ რატომ გაუადვილდა ჩემი აზრით, დათოს გადაწყვეტილების მიღება. ვფიქრობ, იმიტომ გადამიყვანა შემდეგ ტურში, რომ გაითვალისწინა ჩემი გამოცდილება კონკურსებში მონაწილეობასთან დაკავშირებით, სამწუხაროდ, ეს მომენტები სიუჟეტში არ მოხვდა და ასე დამოუკიდებლად ნამდვილად ცუდად გამოჩნდა, რისთვისაც ბოდიში, პირველ რიგში, ანის.
არცერთი პროცენტითაც არ ვთვლი, რომ ანი ჩემზე სუსტი მონაწილე იყო. დამერწმუნეთ, ნებისმიერი კონკურსი ძალიან სტრესულია ჩვენთვის, კონკურსანტებისთვის. თხოვნა მაქვს ყველასთან, განსაკუთრებით ჩემს გულშემატკივრებთან: ისიამოვნეთ კარგი პერფორმანსებით, კარგი შოუებით, რომელსაც ყველა მონაწილე დებს თქვენთვის, მაყურებლისთვის. დღეს მნიშვნელოვანი დღეა, მთელი გულით მინდა ყველა მონაწილეს ვუსურვო წარმატებით გამოსვლა ჩვენ ყველას ერთი რამ გვაკავშირებს, ეს არის მუსიკა...
ირუ ხეჩანოვი, თბილისში ცხოვრობს, ჰყავს მშობლები და და-ძმა...
შეგახსენებთ, რომ 2023 წლის ევროვიზია, უკრაინაში უნდა გამართულიყო, რადგან გასულ წელს კონკურსის გამარჯვებული სწორედ უკრაინული ჯგუფი გახდა. საომარი მდგომარეობიდან გამომდინარე, ევროფესტივალის ორგანიზატორი გაერთიანებული სამეფოს საზოგადოებრივი მაუწყებელი BBC იქნება. ამის მიუხედავად, პროცესში აქტიურად ჩაერთვება უკრაინული მხარეც, რათა ღონისძიებაზე ქვეყნის მახასიათებელი ელემენტებიც იყოს წარმოდგენილი. უკრაინა, როგორც 2022 წლის ევროვიზიის გამარჯვებული, დიდ ხუთეულთან ერთად ფინალში, ნახევარფინალური ტურის გარეშე მოხვდება.
საქართველო „ევროვიზიაზე“ თოთხმეტჯერ მონაწილეობდა და უკვე ექვსი წელია, რაც ქვეყანა კონკურსის ფინალს მიღმა რჩება. საქართველოს საუკეთესო შედეგად კვლავ მე-9 ადგილი რჩება, რომელიც 2010 წელს სოფო ნიჟარაძემ, 2011-ში კი ჯგუფმა Eldrine დაიკავეს.
მკითხველის კომენტარები /
59 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დარსმელიძე ვისზე ლაპარაკობს? მაგის ქმარს, რომელიც ცოცხლად ვერ მღერის და ამდენი ნიჭიერი მომღერლის ფონზე წლის საუკეთესო მომღერლის ტიტული რომ გადასცეს, მაშინ რატომ არ ამოიღო ხმა? ან მაშინ რატომ ღ "დაუწუნა" კოლეგებს ჩუმად ყოფნა??? ისე ვერ მიხვდით, რომ მნიშვნელობა არა აქვს ვინ წავა ან რას იმღერებს ევროვიზიაზე. ისეა "გაპოლიტიზირებული" და თავისი კანონებით მოქმედებს, არავინ საქართველოს არ გაამარჯვებინებს, მით უმეტეს წელს, განსაკუთრებით ასეთი ოპოზიციური "ანტირეკლამის" შემდეგ. მე ვფიქრობ საერთოდ აზრიც არ აქვს ჩვენს მონაწილეობას...
რა შუაშკა რომელ ეთნიკურ ჯგუფს მიეკუთვნება ? ლამაზია, მიზანდასახული და მაქსიმალური გააკეთა , შემდეგ კუხიანიძემაც "პაწა მიეხმარა" და შექმნეს პროდუქტი - ნუ ხარისხზე ყურები გაქვთ და განსაჯეთ. გემოვნებაზეც დაობენ - ამაზე პოსტმოდერნი უკვე დიდი ...ხანია რაც შეთანხმდა