26
მარტიდღის ზოგადი ასტროლოგიური პროგნოზი
ვაკის სამების ეკლესიაში, სადაც 13 წლის მარიტა მეფარიშვილის პანაშვიდი მიმდინარეობს, "ნაციონალური მოძრაობის" თავმჯდომარე ნიკა მელია მივიდა. მან გარდაცვლილის ოჯახის წევრებს მიუსამძიმრა.
ნიკა მელიამ ტერიტორია ჟურნალისტებთან კომენტარის გარეშე დატოვა.
ცნობისთვის, ვაკის სამების ეკლესიაში მარიტა მეფარიშვილის სამოქალაქო პანაშვიდი მიმდინარეობს. მას 14:00 საათზე კორტებზე გადაასვენებენ, 15:00 საათზე კი დაკრძალავენ. შეგახსენებთ, რომ მიმდინარე წლის 13 ოქტომბერს, ვაკის პარკში, შადრევანში სამი ბავშვი ბურთის ამოსატანად ჩავიდა, რა დროსაც მათ დენმა დაარტყა. ბავშვები კლინიკაში სასწრაფო დახმარების ბრიგადამ გადაიყვანა. ერთ-ერთი ბავშვის, 13 წლის გოგონას, მარიტა მეფარიშვილის მდგომარეობა თავიდანვე მძიმე იყო და ის ხეჩინაშვილის კლინიკაში გარდაიცვალა. შსს-ს განმარტებით, მომხდარ ფაქტზე დაუყოვნებლივ დაიწყო გამოძიება საქართველოს სისხლის სამართლის კოდექსის 240-ე პრიმა მუხლის პირველი ნაწილით. გამოძიების მსვლელობისას დაზუსტდა კვალიფიკაცია და გამოძიება გრძელდება სისხლის სამართლის კოდექსის 240-ე პრიმა მუხლის პირველი და მეორე ნაწილებით, რაც გულისხმობს ელექტრო ობიექტზე უსაფრთხოების წესების დარღვევას, რასაც მოჰყვა ადამიანის სიცოცხლის მოსპობა. დანაშაული 4-დან 7 წლამდე ვადით თავისუფლების აღკვეთას ითვალისწინებს.
შენ ვის დაკარგვიხარ მანდ, შე ძალით პოლიტიკოსო?
აბაა, მელია რომ ყოფილიყო მერი მსგავსი მოხდებოდა? ნაცები ადამიანები არ არიან!!!