27
მარტიდღის ზოგადი ასტროლოგიური პროგნოზი
"ნაციონალური მოძრაობის" წევრი თენგო სანაია, რომლის დაკავების შესახებაც ინფორმაცია გუშინ გავრცელდა, ამ დროისთვის თავისუფალია.
პარტიის აფხაზეთის რეგიონული ორგანიზაციის თავმჯდომარის, ბესო შენგელიას ინფორმაციით, სანაიას სახლში ჩხრეკაც ჩატარდა.
"თენგო სანაია თავისუფალია და ახლა სახლშია ოჯახთან. მინდა ვუპასუხო სოციალურ ქსელში "მოღლიცინე“ თუ თავისი უმსგავსო საქციელის "გამპრავებელ“ ადამიანებს... თვალი მოვკარი სრულ სიცრუეს, რომ თურმე ეს დაკავება არ იყო და იყო გამოკითხვა. მე ვინც მიცნობს, იცის, რომ არც ტყუილს ვიკადრებ და საკუთარ თავზე არაერთგზის გამოცდილი მაქვს რეჟიმის მიერ როგორც დაკავება, ისე გამოკითხვაზე დაბარება. რაც მოხდა, ეს იყო რეჟიმის "ზონდერების" (პოლიციელებს სამწუხაროდ ვერ ვუწოდებ) მიერ თენგოს დაკავება, საათზე მეტს ხანს სახლის უკანონო ჩხრეკა, დატერორებული თენგოს მეუღლე და მცირეწლოვანი შვილი, ჩამორთმეული ტელეფონები და სახლში გათიშული ყველა საკომუნიკაციო საშუალება, 30-ზე მეტი დაგეშილი "ზონდერის" სპეცოპერაცია ყოველგვარი სამართლებრივი განმარტებების გარეშე, ტყუილი, რომ სამგორის სამმართველოში გადაჰყავდათ. როგორც სამმართველო, ისე სამგორში არსებული ყველა განყოფილება შემოვიარეთ და ვერსად მივაგენით. ქალაქის სამმართველოში ჰყავდათ გადაყვანილი, სადაც არ შეუშვეს ადვოკატი, დაგვიმალეს ბოლომდე და ახორციელებდნენ ზეწოლას, ჩამოართვეს ტელეფონი და ქალაქის სამმართველოშია პოლიციელების ხელში. ამას ჰქვია დაკავება და არა გამოკითხვაზე დაბარება! საქმე გრძელდება“, - წერს ბესო შენგელია.
არსებული ინფორმაციით, სანაია პოლიციის განყოფილებაში "ნაციონალური მოძრაობის“ აქტივისტის, გიორგი მუმლაძის განცხადების საფუძველზე გადაიყვანეს, რომლის მტკიცებითაც, სანაია მას დაემუქრა.
"იარაღით შუბლის გახვრეტით მემუქრება, რათა პასუხი გამეცა. ამ უბინძურეს ბრძოლაში, აუცილებლად გავიმარჯვებთ!” - წერს გიორგი მუმლაძე სოციალურ ქსელში.
კეზერ ხომ ხედავ დაჭამეს შენი ფულისთვის სექტანტებმა ერთმანეთი! ფული ჩვენ გადმოგვირიცხე დასტოინ ხალხს და ჩვენ გადავანაწილებთ ვიზეც საჭიროა იმათზე!