"დიდი მადლობა ყველას" - შარტავას ქუჩაზე, ავარიისას დაშავებული დათი საზოგადოებას მიმართავს (ვიდეო)
შარტავას ქუჩაზე ავტოსაგზაო შემთხვევის შედეგად დაშავებული 8 წლის დათი ქოქრაშვილი ისრაელის კლინიკიდან გერმანიაში გადაჰყავთ. ამის შესახებ "ინტერპრესნიუსს“ მოზარდის დედამ, ქრისტინე მამუკაშვილმა განუცხადა.
როგორც მან განმარტა, ისრაელმა თავისი რესურსი ამოწურა, რის გამოც ბავშვის სამკურნალოდ გადაყვანა გერმანიაში გადაწყვიტეს.
სოციალურ ქსელში ვრცელდება ვიდეო, რომელშიც დათი მადლობას უხდის საზოგადოებას გაწეული დახმარებისთვის.
"დიდი მადლობა ყველას!" - ამბობს დათი.
დათის დედა, ქრისტინე მამუკაშვილი კი, თავის მხრივ, მადლობას უხდის ისრაელის სახელმწიფოს იმისთვის, რომ იქ მისი შვილის სიცოცხლის გადარჩენა უზრუნველყვეს.
"უღრმესი მადლობა ყველას, უბედნიერესი ვარ! ამ ქვეყანამ გადავარჩინა ფაქტობრივად. დიდი მადლობა მინდა გადაგიხადოთ ყველას: ქართველებს, ებრაელებს, ექიმებს... აუცილებლად დაგიბრუნდებით ორი ფეხით" - ამბობს ქრისტინე მამუკელაშვილი.
ასევე იხილეთ: