ამირან გამყრელიძე თანამდებობას ტოვებს? - რა ინფორმაცია ვრცელდება კულუარებში
გავრცელებული ინფორმაციით, ამირან გამყრელიძე "დაავადებათა კონტროლის ეროვნული ცენტრის" ხელმძღვანელის პოსტს ტოვებს. არსებული ინფორმაციით, ამის მიზეზი გახდა პრემიერ ირაკლი ღარიბაშილსა და გამყრელიძეს შორის უთანხმოება, რომელიც კოვიდრეგულაციების შემოღებას შეეხებოდა. კერძოდ, ამირან გამყრელიძე ითხოვდა შეზღუდვების ხელახალ დაწესებას, მთავრობა კი ამის წინააღმდეგი იყო.
ambebi.ge შეეცადა თავად ამირან გამყრელიძესთან დაეზუსტებინა გავრცელებული ინფორმაციის დეტალები, თუმცა ჯერჯერობით მას ჩვენს კითხვებზე არ უპასუხია.
"დაავადებათა კონტროლის ეროვნული ცენტრის" პრესსამსახურის ხელმძღვანელმა კი გვითხრა: "ვერაფერს ვერ დაგიდასტურებთ".
ამირან გამყრელიძე დაავადებათა კონტროლის ცენტრს თითქმის 10 წელია ხელმძღვანელობს. მის დაქვემდებარებაშია ასევე, ლუგარის ლაბორატორიაც.