ქარ­თვე­ლებს უსა­ზღვროდ ბევ­რი რა­მის გა­კე­თე­ბა შე­უძ­ლი­ათ ერ­თო­ბით, რო­დე­საც ერ­თი­ან­დე­ბი­ან ევრო-ატ­ლან­ტი­კუ­რი მო­მავ­ლის­თვის, აშშ გა­აგ­რძე­ლებს თქვენს გვერ­დით დგო­მას ,- ამის შე­სა­ხებ სა­ქარ­თვე­ლო­ში ამე­რი­კის შე­ერ­თე­ბუ­ლი შტა­ტე­ბის ელჩმა კელი დეგ­ნან­მა აშშ-ის და­მო­უ­კი­დებ­ლო­ბის დღეს­თან და­კავ­ში­რე­ბით გა­მარ­თულ მი­ღე­ბა­ზე სი­ტყვით გა­მოს­ვლი­სას გა­ნა­ცა­და.

კელი დეგ­ნან­მა თა­ვი­სუფ­ლე­ბა­სა და დე­მოკ­რა­ტი­უ­ლი ღი­რე­ბუ­ლე­ბებ­ზე ისა­უბ­რა და გა­ნა­ცხა­და, რომ აშშ იბ­რძო­და ამ ღი­რე­ბუ­ლე­ბე­ბის­თვის 246 წლის წინ და იცავს მათ დღე­საც.

აშშ-ის ელ­ჩის თქმით, თა­ვი­სუფ­ლე­ბის, და­მო­უ­კი­დებ­ლო­ბი­სა და დე­მოკ­რა­ტი­ის დაც­ვის სურ­ვი­ლი არის ის, რა­საც ამე­რი­კე­ლი და ქარ­თვე­ლი ხალ­ხი იზი­ა­რებს.

რო­გორც კელი დეგ­ნა­ნი აცხა­დებს, ეს არ ნიშ­ნავს ომის სურ­ვილს და სრუ­ლი­ად სა­პი­რის­პი­როდ, „თა­ვი­სუფ­ლე­ბა და დე­მოკ­რა­ტია არის ყვე­ლა­ზე უტყუ­ა­რი გზა მშვი­დო­ბის­კენ“.

"4 ივ­ლისს აღ­ვნიშ­ნავთ თა­რიღს, რო­დე­საც დამ­ფუძ­ნე­ბელ­მა მა­მებ­მა და­მო­უ­კი­დებ­ლო­ბა გა­მო­ა­ცხა­დეს. ამ დღეს ამე­რი­კელ­მა ხალ­ხმა პი­რო­ბა დადო, რომ აა­შე­ნებ­და ქვე­ყა­ნას, რო­მე­ლიც ფუნ­და­მენ­ტურ თა­ვი­სუფ­ლე­ბებ­სა და დე­მოკ­რა­ტი­ულ ღი­რე­ბუ­ლე­ბებ­ზე იქ­ნე­ბო­და და­ფუძ­ნე­ბუ­ლი. 246 წლის გან­მავ­ლო­ბა­ში ამე­რი­კე­ლი ხალ­ხი რჩე­ბა ამ პი­რო­ბის ერ­თგუ­ლი, დე­მოკ­რა­ტი­ის გაძ­ლი­ე­რე­ბი­სა და გა­უმ­ჯო­ბე­სე­ბის­თვის გან­ხორ­ცი­ე­ლე­ბუ­ლი საქ­მი­თა და თი­თო­ე­უ­ლი ადა­მი­ა­ნის უფ­ლე­ბე­ბის დაც­ვის, მშვი­დო­ბი­სა და კე­თილ­დღე­ო­ბის უზ­რუნ­ველ­ყო­ფის­თვის გა­წე­უ­ლი ძა­ლის­ხმე­ვით, ამე­რი­კა­სა და მთელს მსოფ­ლი­ო­ში.

ჩვენ ვიბ­რძო­დით ამ თა­ვი­სუფ­ლე­ბე­ბი­სა და დე­მოკ­რა­ტი­უ­ლი ღი­რე­ბუ­ლე­ბე­ბის­თვის 246 წლის წინ და ვი­ცავთ მათ დღე­საც, ვუ­ცხა­დებთ რა მხარ­და­ჭე­რას მათ, ვინც თა­ვი­სუფ­ლე­ბი­სა და სუ­ვე­რე­ნი­ტე­ტის­თვის იბ­რძვის, მათ შო­რის უკ­რა­ი­ნა­ში. რო­გორც პრე­ზი­დენ­ტმა რე­ი­გან­მა თქვა: „თა­ვი­სუფ­ლე­ბას გაქ­რო­ბი­სა­გან მხო­ლოდ ერთი თა­ო­ბა აშო­რებს. ის უნდა და­ვიც­ვათ და ვას­წავ­ლოთ ჩვენს შვი­ლებს, რომ ისი­ნიც ასე მო­იქ­ცნენ.“

თა­ვი­სუფ­ლე­ბის, და­მო­უ­კი­დებ­ლო­ბი­სა და დე­მოკ­რა­ტი­ის დაც­ვის სურ­ვი­ლი არის ის, რა­საც ამე­რი­კე­ლი და ქარ­თვე­ლი ხალ­ხი იზი­ა­რებს. ეს არ ნიშ­ნავს ომის სურ­ვილს, სრუ­ლი­ად სა­პი­რის­პი­როდ, ჩვენ მტკი­ცედ გვჯე­რა, რომ თა­ვი­სუფ­ლე­ბა და დე­მოკ­რა­ტია არის ყვე­ლა­ზე უტყუ­ა­რი გზა მშვი­დო­ბის­კენ.

ქარ­თვე­ლებ­მა და ამე­რი­კე­ლებ­მა კარ­გად ვი­ცით, რომ თა­ვი­სუფ­ლე­ბის­თვის ბრძო­ლა ად­ვი­ლი საქ­მე არ არის - იქ­ნე­ბო­და ეს 1776 წლის ამე­რი­კა, თუ 1921 წელი - სა­ქარ­თვე­ლო­ში, ევ­რო­პის ორი მსოფ­ლიო ომის პე­რი­ო­დი, თუ საბ­ჭო­თა კავ­ში­რის დაშ­ლა. ჩვენ ვნა­ხეთ ეს 2008 წელს სა­ქარ­თვე­ლო­ში რუ­სე­თის გა­უ­მარ­თლე­ბე­ლი შე­მოჭ­რის დროს და ამას ვხე­დავთ თა­ვი­სუფ­ლე­ბის­თვის ბრძო­ლა­ში, პუ­ტი­ნის მიერ უკ­რა­ი­ნის წი­ნა­აღ­მდეგ გა­ჩა­ღე­ბულ ბარ­ბა­რო­სულ ომში. ეს არის ბრძო­ლა დე­მოკ­რა­ტი­ა­სა და ავ­ტოკ­რა­ტი­ას შო­რის, თა­ვი­სუფ­ლე­ბა­სა და რეპ­რე­სი­ებს შო­რის, თა­ნა­მედ­რო­ვე წე­სებ­ზე და­ფუძ­ნე­ბულ წეს­რიგ­სა, რო­მელ­მაც სტა­ბი­ლუ­რო­ბა და კე­თილ­დღე­ო­ბა მო­უ­ტა­ნა ევ­რო­პას 75 წლის გან­მავ­ლო­ბა­ში და ავ­ტოკ­რა­ტი­ულ რე­ჟიმს შო­რის, რო­მელ­საც, სი­სას­ტი­კე, შე­ვიწ­რო­ე­ბა და შიში მარ­თავს”,- აღ­ნიშ­ნა მან.

კელი დეგ­ნან­მა უკ­რა­ი­ნა­ში რუ­სე­თის ომზე ისა­უბ­რა და აღშ­ნიშ­ნა, რომ უკ­რა­ი­ნის ბრძო­ლა და­მო­უ­კი­დებ­ლო­ბი­სათ­ვის არის უფრო დიდი ბრძო­ლის ნა­წი­ლი, რაც გუ­ლის­ხმობს ბრძო­ლას უმ­თავ­რე­სი დე­მოკ­რა­ტი­უ­ლი პრინ­ცი­პე­ბის­თვის.

„რა­ტომ ვსა­უბ­რობ უკ­რა­ი­ნის წი­ნა­აღ­მდეგ რუ­სე­თის ომზე და­მო­უ­კი­დებ­ლო­ბის დღეს? იმი­ტომ რომ, უკ­რა­ი­ნის ბრძო­ლა და­მო­უ­კი­დებ­ლო­ბი­სათ­ვის არის უფრო დიდი ბრძო­ლის ნა­წი­ლი, რაც გუ­ლის­ხმობს ბრძო­ლას უმ­თავ­რე­სი დე­მოკ­რა­ტი­უ­ლი პრინ­ცი­პე­ბის­თვის, რომ­ლე­ბიც აერ­თი­ა­ნებს ყვე­ლა თა­ვი­სუ­ფალ ერს. ეს არის ბრძო­ლა ზუს­ტად იმ პრინ­ცი­პე­ბის­თვის, რაც ამე­რი­კელ­მა და ქარ­თველ­მა ხალ­ხმა გა­ნამ­ტკი­ცა კონ­სტი­ტუ­ცი­ა­ში და რის გან­ხორ­ცი­ლე­ბის­კე­ნაც ის­წრა­ფის: კა­ნო­ნის უზე­ნა­ე­სო­ბა, თა­ვი­სუ­ფა­ლი და სა­მარ­თლი­ა­ნი არ­ჩევ­ნე­ბი, სი­ტყვის, წე­რის და შეკ­რე­ბის თა­ვი­სუფ­ლე­ბა, თა­ვი­სუ­ფა­ლი და ეთი­კუ­რი პრე­სა. „ ხალ­ხის, ხალ­ხის­თვის და ხალ­ხის მიერ“ ხე­ლი­სუფ­ლე­ბის ცნე­ბა გუ­ლის­ხმობს თი­თო­ე­უ­ლი პი­როვ­ნე­ბის თა­ვი­სუფ­ლე­ბის, თა­ნას­წო­რო­ბი­სა და ღირ­სე­ბის დაც­ვის პა­სუ­ხის­მგებ­ლო­ბას; მო­ქა­ლა­ქე­ე­ბის­თვის უსაფრ­თხო­ე­ბის უზ­რუნ­ველ­ყო­ფას კონ­სტი­ტუ­ცი­უ­რი ღი­რე­ბუ­ლე­ბე­ბის დარ­ღვე­ვის გა­რე­შე, რო­გო­რიც არის სა­მარ­თლი­ა­ნი სა­სა­მარ­თლო პრო­ცე­სი და დაც­ვის გა­რან­ტი­ე­ბი ყვე­ლა­სათ­ვის. ამ პრინ­ცი­პე­ბის დაც­ვა არც თუ ისე ად­ვი­ლია , მაგ­რამ აუ­ცი­ლე­ბე­ლია თა­ვი­სუ­ფალ სა­ზო­გა­დო­ე­ბა­ში, რათა თი­თო­ე­ულ ადა­მი­ანს ჰქონ­დეს სრუ­ლი პო­ტენ­ცი­ა­ლის გა­მოვ­ლე­ნის შე­საძ­ლებ­ლო­ბა”, -აღ­ნიშ­ნა მან.

კელი დეგ­ნა­ნის გან­ცხა­დე­ბით, რე­ვან­შის­ტუ­ლი რუ­სე­თი არ დამ­შვიდ­დე­ბა, თუ საფრ­თხეს არ შე­უქ­მნის ჩვენ მიერ სა­გულ­და­გუ­ლოდ ნა­შე­ნებ მშვი­დო­ბა­სა და კე­თილ­დღე­ო­ბას.

ელ­ჩის გან­ცხა­დე­ბით, ევრო-ატ­ლან­ტი­კუ­რი ერთა ოჯა­ხი მო­წო­დე­ბუ­ლია მათ და­სახ­მა­რებ­ლად, ვი­საც სურ­ვი­ლი აქვს და­იც­ვას სა­ერ­თო ღი­რე­ბუ­ლე­ბე­ბი.

ამას­თან მისი თქმით, სა­ქარ­თვე­ლო ეკუთ­ვნის ევრო-ატ­ლან­ტი­კურ ერთა ოჯახს და მო­უთ­მენ­ლად ელი­ან მის სრუ­ლუფ­ლე­ბი­ან წევ­რო­ბას.

„დიდი ხნის მან­ძილ­ზე ბევ­რი შე­ე­ცა­და ავ­ტოკ­რა­ტი­ულ კრემლთან სა­ერ­თო ენის გა­მო­ნახ­ვას. მაგ­რამ ჩვენ მივ­ხვდით, რომ რე­ვან­შის­ტუ­ლი რუ­სე­თი არ დამ­შვიდ­დე­ბა, თუ საფრ­თხეს არ შე­უქ­მნის ჩვენ მიერ სა­გულ­და­გუ­ლოდ ნა­შე­ნებ მშვი­დო­ბა­სა და კე­თილ­დღე­ო­ბას. ჩვენ უნდა და­ვიც­ვათ ჩვე­ნი პრინ­ცი­პე­ბი. ის შე­სა­ნიშ­ნა­ვი სო­ლი­და­რო­ბა და ერ­თი­ა­ნო­ბა, რაც ბოლო ხა­ნებ­ში ვი­ხი­ლეთ რუ­სე­თის სი­სას­ტი­კის წი­ნა­აღ­მდეგ, გვაჩ­ვე­ნებს, რომ ევრო-ატ­ლან­ტი­კუ­რი ერთა ოჯა­ხი მო­წო­დე­ბუ­ლია მათ და­სახ­მა­რებ­ლად, ვი­საც სურ­ვი­ლი აქვს და­იც­ვას ჩვე­ნი სა­ერ­თო ღი­რე­ბუ­ლე­ბე­ბი. ჩვენ კვლავ გვჯე­რა ერ­თი­ა­ნი, თა­ვი­სუ­ფა­ლი და მშვი­დო­ბი­ა­ნი ევ­რო­პუ­ლი მო­მავ­ლის და ვაგ­რძე­ლებთ მის­კენ სწრაფ­ვას. სა­ქარ­თვე­ლო ეკუთ­ვნის ევრო-ატ­ლან­ტი­კურ ერთა ოჯახს და მო­უთ­მენ­ლად ვე­ლით მის სრუ­ლუფ­ლე­ბი­ან წევ­რო­ბას.

მსოფ­ლი­ოს მას­შტა­ბით, ბოლო წლებ­ში ვხე­დავთ, თუ რო­გორ ცდი­ლო­ბენ ავ­ტოკ­რა­ტი­უ­ლი ძა­ლე­ბი დე­მოკ­რა­ტი­ის ჩახ­შო­ბას კა­ნო­ნი უზე­ნა­ე­სო­ბის უგუ­ლე­ბელ­ყო­ფით, დე­მოკ­რა­ტი­უ­ლი თა­ვი­სუფ­ლე­ბე­ბის შე­უ­რა­ცხყო­ფით, სი­მარ­თლი­სა და ღირ­სე­ბის უპა­ტივ­ცე­მუ­ლო­ბით. პუ­ტი­ნის მცდე­ლო­ბა, რომ სას­ტი­კი აგ­რე­სი­ი­თა და დე­ზინ­ფორ­მა­ცი­ის გავ­რცე­ლე­ბით შექ­მნას და­პი­რის­პი­რე­ბა და გა­ა­ფარ­თო­ოს ავ­ტოკ­რა­ტი­უ­ლი რე­ჟი­მი არის პირ­და­პი­რი გა­მოწ­ვე­ვა ამ ფუნ­და­მენ­ტუ­რი პრინ­ცი­პე­ბის მი­მართ.

და­სავ­ლეთ­მა კი სიმ­ტკი­ცით, ძლი­ე­რი ერ­თო­ბი­თა და ურ­ყე­ვი ნე­ბით გას­ცა პა­სუ­ხი ჩვე­ნი დე­მოკ­რა­ტი­უ­ლი ცხოვ­რე­ბის წე­სის და­სა­ცა­ვად. რო­გორც პრე­ზი­დენ­ტმა ბა­ი­დენ­მა თქვა: “ სიბ­ნე­ლე, რო­მე­ლიც ავ­ტოკ­რა­ტი­ის მეგ­ზუ­რია, ვერ შე­ედ­რე­ბა თა­ვი­სუფ­ლე­ბის ელ­ვა­რე­ბას , რო­მე­ლიც თა­ვი­სუ­ფა­ლი ადა­მი­ა­ნე­ბის სუ­ლებს ყველ­გან ანა­თებს“

რო­გორც ამე­რი­კის შე­ერ­თე­ბულ შტა­ტებ­ში, ასე­ვე სა­ქარ­თვე­ლო­ში ხალ­ხი აფა­სებს თა­ვი­სუფ­ლე­ბას, უფრთხილ­დე­ბა თა­ვის უნი­კა­ლურ კულ­ტუ­რას, ენა­სა და ტრა­დი­ცი­ებს. ამე­რი­კე­ლე­ბის მსგავ­სად ქარ­თვე­ლებ­საც სურთ მშვი­დო­ბა, უსაფრ­თხო­ე­ბა, სა­მარ­თლი­ა­ნო­ბა, თა­ნას­წო­რო­ბა და ღირ­სე­ბა. არა­ფე­რი „უცხო“ ამ პრინ­ცი­პებ­ში არ არის. ეს არ არის სა­ქარ­თვე­ლო­ზე თავს მოხ­ვე­უ­ლი „და­სავ­ლუ­რი“ ღი­რე­ბუ­ლე­ბე­ბი. ეს არის ფუნ­და­მენ­ტუ­რი ქარ­თუ­ლი ღი­რე­ბუ­ლე­ბი, ჩაქ­სო­ვი­ლი სა­ქარ­თვე­ლოს ის­ტო­რი­ა­ში, კულ­ტუ­რა­სა და ტრა­დი­ცი­ებ­ში თა­მარ მე­ფი­დან ილია ჭავ­ჭა­ვა­ძემ­დე და ექ­ვთი­მე თა­ყა­იშ­ვი­ლამ­დე . გზა თა­ვი­სუფ­ლე­ბის­კენ, რაც ასე ძვირ­ფა­სია ქარ­თვე­ლე­ბის­თვის, გზა სტა­ბი­ლუ­რო­ბი­სა და კე­თილ­დღე­ო­ბი­სა სწო­რედ ევ­რო­პის­კენ მი­ე­მარ­თე­ბა",- გა­ნა­ცხა­და ელჩმა.

აშშ-ის ელჩმა ისა­უბ­რა სა­ქარ­თვე­ლოს პროგ­რეს­ზე დე­მოკ­რა­ტი­ის მშე­ნებ­ლო­ბის კუ­თხით და აშშ-ის დახ­მა­რე­ბა­ზე, რო­გორც კელი დეგ­ნა­ნი აცხა­დებს, აშშ-ს სჯე­რა უფრო წარ­მა­ტე­ბუ­ლი, უფრო დე­მოკ­რა­ტი­უ­ლი და უფრო უსაფრ­თხო სა­ქარ­თვე­ლოს მო­მავ­ლის და კრი­ტი­კად არ უნდა ჩა­ით­ვა­ლოს, თუკი აშშ ამ­ბობს, რომ უფრო მე­ტია გა­სა­კე­თე­ბე­ლი, გან­სა­კუთ­რე­ბით დე­მოკ­რა­ტი­უ­ლი ჩარ­ჩოს გან­მტკი­ცე­ბის და დე­მოკ­რა­ტი­უ­ლი ინ­სტი­ტუ­ტე­ბის გაძ­ლი­ე­რე­ბის კუ­თხით.

"სა­ქარ­თვე­ლომ დიდ პროგ­რესს მი­აღ­წია დე­მოკ­რა­ტი­ის მშე­ნებ­ლო­ბის კუ­თხით ბოლო 30 წლის მან­ძილ­ზე. ამ პე­რი­ო­დის გან­მავ­ლო­ბა­ში ამე­რი­კელ­მა ხალ­ხმა ექ­ვსი მი­ლი­არ­დის დო­ლა­რის დახ­მა­რე­ბა გა­უ­წია სა­ქარ­თვე­ლოს, რად­გა­ნაც ჩვენ გვჯე­რა უფრო წარ­მა­ტე­ბუ­ლი, უფრო დე­მოკ­რა­ტი­უ­ლი და უფრო უსაფრ­თხო სა­ქარ­თვე­ლოს მო­მავ­ლი­სა. ეს ჩანს მრა­ვალ ინ­დექსში, სა­დაც სა­ქარ­თვე­ლო კარგ ად­გილს იკა­ვებს. კრი­ტი­კად არ უნდა ჩა­ით­ვა­ლოს, თუ ვამ­ბობთ, რომ უფრო მე­ტია გა­სა­კე­თე­ბე­ლი, გან­სა­კუთ­რე­ბით დე­მოკ­რა­ტი­უ­ლი ჩარ­ჩოს გან­მტკი­ცე­ბის, რა­საც სა­ქარ­თვე­ლო გულ­დას­მით აშე­ნებ­და და თქვენ მიერ შექ­მნი­ლი დე­მოკ­რა­ტი­უ­ლი ინ­სტი­ტუ­ტე­ბის გაძ­ლი­ე­რე­ბის კუ­თხით. ამე­რი­კის გა­მოც­დი­ლე­ბა გვიჩ­ვე­ნებს ,რომ ეს რთუ­ლი სა­მუ­შაო არა­სო­დეს მთავ­რდე­ბა. მას სჭირ­დე­ბა მტკი­ცე ერ­თგუ­ლე­ბა, რთუ­ლი კომ­პრო­მი­სე­ბი და პო­ლი­ტი­კუ­რი ნება.

ეს მო­ი­თხოვს ქვეყ­ნის ინ­ტე­რე­სე­ბის ვიწ­რო პარ­ტი­ულ ინ­ტე­რე­სებ­ზე წინ და­ყე­ნე­ბას და არაფ­რის მომ­ტან პო­ლი­ტი­კურ თა­მა­შებ­ზე ამაღ­ლე­ბას. ეს ერთ დღე­ში არ მი­იღ­წე­ვა, და არც მხო­ლოდ ერთი რო­მე­ლი­მე პარ­ტი­ის მიერ და­მო­უ­კი­დებ­ლად.

წარ­მა­ტე­ბა და­მო­კი­დე­ბუ­ლია, იმა­ზე თუ რამ­დე­ნად გა­ა­მარ­თლებთ სა­ქარ­თვე­ლოს დე­ვიზს „ ძალა ერ­თო­ბა­შია“. ქარ­თვე­ლებს უსა­ზღვროდ ბევ­რი რა­მის გა­კე­თე­ბა შე­უძ­ლი­ათ ერ­თო­ბით, რო­დე­საც ერ­თი­ან­დე­ბი­ან ევრო-ატ­ლან­ტი­კუ­რი მო­მავ­ლის­თვის. მე კი გარ­წმუ­ნებთ, რომ ამე­რი­კის შე­ერ­თე­ბუ­ლი შტა­ტე­ბი გა­აგ­რძე­ლებს თქვენს გვერ­დით დგო­მას.

ჩემს სი­ტყვას და­ვას­რუ­ლებ პა­პის, იო­ა­ნე-პავ­ლე მე­ო­რეს სი­ტყვე­ბით, რაც ასე შე­ე­ფე­რე­ბა დღე­ვან­დე­ლო­ბას, ვის­წრაფ­ვით რა მშვი­დო­ბი­ა­ნი , თა­ნას­წო­რი და წარ­მა­ტე­ბუ­ლი მო­მავ­ლის­კენ: “ არა­სო­დეს და­კარ­გო იმე­დი, არა­სო­დეს და­ეჭ­ვდე, არა­სო­დეს და­ი­ღა­ლო და არა­სო­დეს გა­ი­ტე­ხო გული. არ შე­გე­შინ­დეს.“

სა­ქარ­თვე­ლო და ამე­რი­კა არის დას­ტუ­რი, იმი­სა რომ თა­ვი­სუფ­ლე­ბის მოყ­ვა­რუ­ლი ხალ­ხი სა­ბო­ლო­ოდ უარს იტყვის უი­მე­დო­ბა­სა და სიბ­ნე­ლის სამ­ყა­რო­ში ცხოვ­რე­ბა­ზე.

ჩვენ ერ­თი­ა­ნე­ბი ვართ-ამე­რი­კა და სა­ქარ­თვე­ლო-თა­ვი­სუფ­ლე­ბის სა­ხე­ლით.

ღმერ­თმა და­ლო­ცოს ამე­რი­კა. ღმერ­თმა და­ლო­ცოს სა­ქარ­თვე­ლო”,- აღ­ნიშ­ნა დეგ­ნან­მა.