მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ნიკა ახლა შეწუხებულია მისი შვილების მდგომარეობაზე, განიცდის... " - რას აცხადებს ომბუდსმენი ციხეში ნიკა გვარამიას მონახულების შემდეგ
20:44 / 16-05-2022
სახალხო დამცველის ნინო ლომჯარიას განცხადებით, საქართველოს პრეზიდენტის მხრიდან "მთავარი არხის“ დირექტორის ნიკა გვარამიას შეწყალება არსებული სიტუაციიდან სამართლიანი გამოსავალი იქნებოდა.
როგორც ლომჯარიამ რუსთავის მე-12 პენიტენციურ დაწესებულებაში გვარამიას მონახულების შემდეგ განაცხადა, მზადაა, პრეზიდენტ სალომე ზურაბიშვილს შეხვდეს და გვარამიას საქმეზე განაჩენის თაობაზე სახალხო დამცველის მიგნებები გაუზიაროს.
"ვერ გეტყვით, რა შეიძლება გაკეთდეს. ალბათ, სამართლებრივად უნდა გასაჩივრდეს. ასევე, ვფიქრობ, მნიშვნელოვანი იქნება პრეზიდენტის პოზიციაც. ვიცი, მას აღელვებს საქართველოს ევროპული გზა და ევროინტეგრაცია. მზად ვარ, შევხვდე და გავუზიარო მიგნებები, რაც ამ განაჩენთან დაკავშირებით სახალხო დამცველს აქვს. მე რომ საქართველოს პრეზიდენტი ვიყო, ვიცოდე, რომ ამ ქვეყნისთვის ისტორიულად გადამწყვეტი მომენტია და ქვეყანაში ასეთი გადაწყვეტილება მიიღონ მედიამენეჯერის მიმართ, სადაც სახალხო დამცველი ამბობს, რომ დანაშაულის ნიშნები არ იყო და კანონიერების პრინციპთან შეუსაბამო გადაწყვეტილებაა, ნამდვილად ვიფიქრებდი შეწყალების გამოყენებაზე. ვფიქრობ, ეს იქნებოდა სამართლიანი გამოსავალი ამ სიტუაციიდან“,- განაცხადა ნინო ლომჯარიამ.
რაც შეეხება ვითარების შესახებ ნიკა გვარამიას პოზიციას, ომბუდსმენი ამბობს, რომ გვარამია სასამართლოს განაჩენს მიზანმიმართულ გადაწყვეტილებად მიიჩნევს.
"ნიკა გვარამია ახლა შეწუხებულია მისი შვილების მდგომარეობაზე, განიცდის ამ თვალსაზრისით მის მდგომარეობას და რა თქმა უნდა, თავი უდანაშაულოდ მიაჩნია. ფიქრობს, რომ ეს გადაწყვეტილება მოხდა მიზანმიმართულად სწორედ დღეს და ამ დროს იმისთვის, რომ ეს ყოფილიყო ხელისშემშლელი საქართველოს ევროინტეგრაციის პროცესში“,- განაცხადა ნინო ლომჯარიამ.
ცნობისათვის, "მთავარი არხის“ დამფუძნებელი ნიკა გვარამია, რომელიც სასამართლომ დამნაშავედ ცნო, სხდომათა დარბაზშივე დააკავეს. თბილისის საქალაქო სასამართლოს მოსამართლემ, ლაშა ჩხიკვაძემ ნიკა გვარამია ნაწილობრივ დამნაშავედ ცნო, მის მიმართ წარდგენილი მუხლების ნაწილი 220-ე მუხლით გადაკვალიფიცირდა და მას სასჯელის სახით 3 წელი და 6 თვე განესაზღვრა.
მკითხველის კომენტარები /
42 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
და შენ შეწუხდი თუ რაზე წუხდა ირინა ენუქიძე უნამუსოების დამცველო???//
ეს რა ომბუცმენტის განცხადებაა? ყველა პატიმრის ოჯახი შეწუხებულია დამნაშავეა თუ არა მათთვის არ აქვს მნიშვნელობა. შენ აქცენტი სხვა რამეზე გააკეთე ქალბატონო ომბუცმენტო. მისი უფლებებიც ხომ არ ირღვევა შემთხვევით როგორც სააკაშვილის??? რამდენი მტერი ყავს საცოდავ საქართველოს მთვრობაში. ერთი და პირველი შენ ხარ