მნიშვნელოვანი ინფორმაცია
16
მარტიდღის ზოგადი ასტროლოგიური პროგნოზი
ორშაბათი, მთვარის მეცხრამეტე დღე დაიწყება 23:42-ზე, მთვარე მორიელში იქნება 11:30-ზე
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. მოერიდეთ ცხარე და ცხიმიან საკვებს. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რისი არ გჯერა კალაძე, რომ უკრაინაში ადამიანები აწამეს, გააუპატიურეს?" - კალაძე-მელიას მწვავე დაპირისპირება და დედაქალაქის მერის პასუხი მელიას, რომელმაც მას "ნაძირალა" უწოდა
13:13 / 07-04-2022
დედაქალაქის მერი კახა კალაძე "ნაციონალური მოძრაობის" თავმჯდომარის, ნიკა მელიას კრიტიკას პასუხობს. მისი თქმით, მელია სააკაშვილის ჩვეულებრივი "ხელის ბიჭია“ და მასზე, როგორც ყოფილ კონკურენტზე, კომენტარის გაკეთებისგან თავის შეკავებას ამჯობინებს.
"ზოგადად ყოფილი კონკურენტები ერთმანეთზე ყველაზე ნაკლებად საუბრობენ და მაქსიმალურად თავს შევიკავებ კომენტარის გაკეთებისგან, თუმცა ძალიან მოკლედ მაინც ვიტყოდი, რომ ადამიანმა მოგება და წაგება - ორივე კაცურად უნდა მიიღო. მოიგებ, თუ წააგებ, ორივე კაცურად უნდა მიიღო, თუმცა მელიას არ ესმის ერთი რამ - როდესაც წააგებ, უნდა გეყოს კაცობა, უნდა გეყოს ღირსება და გამარჯვებულს, შენს კონკურენტს უნდა მიულოცო. ჩვენ კარგად ვიცით, რომ კაცობა და ღირსება მელიას ძლიერი მხარე ნამდვილად არ არის და ეს ძალიან ბევრ რამეში გამოიკვეთა და დადასტურდა. მაგალითად, ის, რომ ის დღეს ფორმალურ თავმჯდომარეს წარმოადგენს. სააკაშვილის ჩვეულებრივი "ხელის ბიჭია“ და რა თქმა უნდა, აქ რაიმე კაცობაზე და ღირსებაზე საუბარი ზედმეტია. ასევე ერთი რამ - წაგებული კაცები მუშტებს აღარ იქნევენ.
ჩვენ ასევე, ვიხილეთ ბატონი მელია არჩევნებში აჭარაში, კერძოდ, ბათუმში ჩასული და სასტუმროდანაც კი ვერ ბედავდა გამოსვლას და ბათუმმა, აჭარამ მას შესაბამისი პასუხი გასცა და ეს დამოკიდებულება და ეს პასუხი, რომელიც მან აჭარაში მიიღო, არის ქართველი ხალხის დამოკიდებულება მის მიმართ, რომელიც ფიქტიური თავმჯდომარე გახლავთ. ეს არის ქართველი ხალხის დამოკიდებულება "ნაციონალური მოძრაობის“ მიმართ,“ - განაცხადა კალაძემ.
გუშინ, "ფორმულას“ ეთერში მელიამ კახა კალაძესა და ანრი ოხანაშვილს ნაძირალა უწოდა და დასძინა "არაადამიანობაა, როდესაც იცი რა ხდება უკრაინაში, გჯერა, რომ იქ ეთნიკური წმენდა, გენოციდი მიდის და სხვა კომენტარს აკეთებ, იმიტომ რომ შენი პოლიტიკური პოზიციები არ დასუსტდეს".
"კალაძე და ოხანაშვილი რასაც საუბრობენ - ეს ადამიანები არიან უკიდეგანოდ ნაძირლები. ანუ რისი არ სჯერა კალაძეს? არც ერთი მათი სიტყვის არ მჯერა უკრაინაშიო, აი, ასე მიაძახა კალაძემ. რისი არ გჯერა კალაძე? იმისი, რომ 1500-მდე ფრთოსანი რაკეტაა მშვიდობიან მოსახლეობაზე დაცემული ამ ერთი თვის განმავლობაში? იმისი არ გჯერა, რომ მარიუპოლში დღესაც შვილები... მეც შვილი ვარ და შენც შვილი ხარ, დედმამიშვილი ხარ და ოკუპირებული ქვეყნის შვილი ხარ ბოლო-ბოლო, მეც შენ და ყველა ვინც ახლა გვისმენს და იცი, რომ ეს ადამიანები აწამეს, გააუპატიურეს, პოლონელი ჩვენი მეგობრები საუბრობენ, რომ 40 ბავშვია გაუპატიურებულიო, რომელიც გამოიყვანეს და ამისი არ გჯერა?“ - განაცხადა მელიამ.
ცნობისთვის, ანრი ოხანაშვილმა გუშინ მედიასთან განაცხადა, რომ "თუ ადეიშვილი, გია ლორთქიფანიძე და სხვები კარგად დაეხმარებიან, ალბათ, ასწავლიან უკრაინის ხელისუფლებას როგორ ხდება გვამების შემოდება."
ასევე იხილეთ:
მკითხველის კომენტარები /
63 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მეტეხის ხიდიდან, მტკვარში კიდევ ერთი მანქანა გადავარდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნაციონალური მოძრაობა ოფიციალურად გაკოტრდა რუსთავში და ბათუმში ჩატარებული არჩევნების შემდეგ.შესაბამისად ახლა დაგრჩათ მარტო შეურაცყოფის მიყენების და ლანძღვის მოტივაცია.
ვაი, თქვენს პატრონს უბედურს. თქვე პოლიტიკოსო სპეკულიანტებო. გარით აქედან!